ಚಿಕ್ಕೋಡಿ:ಗಂಡ ಹೆಂಡತಿ ಜಗಳದ ನಡುವೆ ಮಾವ ಸಾವನ್ನಪ್ಪಿರುವ ಘಟನೆ ತಾಲೂಕಿನ ಇಟ್ನಾಳ ಗ್ರಾಮದಲ್ಲಿ ನಡೆದಿದೆ.
ಚಿಕ್ಕೋಡಿ: ಗಂಡ ಹೆಂಡತಿ ಜಗಳದ ಮಧ್ಯ ಹೆಣವಾದ ಮಾವ... ಕಳೆದ 15 ವರ್ಷದ ಹಿಂದೆ ಬೆಳಗಾವಿ ಜಿಲ್ಲೆ ಚಿಕ್ಕೋಡಿ ತಾಲೂಕಿನ ಇಟ್ನಾಳ ಗ್ರಾಮದ ಸೈನಿಕ ಬಾಳೇಶ್ ಬೋರಣ್ಣವರ ಎಂಬುವರಿಗೆ, ಸಿದ್ದಪ್ಪನ ಮಗಳು ಸಂಗೀತಳನ್ನು ಮದುವೆ ಮಾಡಿಕೊಟ್ಟಿದ್ದರು. ಆದರೆ, ಈ ಮಹಿಳೆಗೆ ಮಕ್ಕಳಾಗದ ಕಾರಣ ಪತಿ ಆಗಾಗ ಚಿತ್ರಹಿಂಸೆ ನೀಡೋಕೆ ಶುರುಮಾಡಿದ್ದನು. ಇನ್ನೊಂದು ಮದುವೆ ಮಾಡಿಕೋ ಎಂದರೂ ಪೀಡಿಸೋಕೆ ಶುರುಮಾಡಿದ್ದ ಬಾಳೇಶನ ಜಗಳ ಕೊನೆಗೆ ಕೊಲೆಯಲ್ಲಿ ಅಂತ್ಯವಾಗಿದೆ.
ಘಟನೆ ಹಿನ್ನೆಲೆ:
ಮಗಳ ಯೋಗಕ್ಷೇಮ ವಿಚಾರಿಸೋಕೆ ಎಂದು ಸಂಗೀತಾಳ ತಂದೆ ಸಿದ್ದಪ್ಪ ಮಗಳ ಮನೆಗೆ ಬಂದಿದ್ದರು. ಆ ಸಮಯದಲ್ಲಿ ಅಳಿಯ ಕೈಯಲ್ಲಿ ಪೈಪ್ ಹಿಡಿದು ಮಗಳನ್ನ ಹೊಡೆಯೋಕೆ ಮುಂದಾಗಿದ್ದಾನೆ. ಇದನ್ನ ಗಮನಿಸಿದ ಈ ಹೆಣ್ಣು ಮಗಳ ತಂದೆ ಸಿದ್ದಪ್ಪ ಜಗಳ ಬಿಡಿಸೋಕೆ ಹೆಣಗಾಡಿದ್ದಾನೆ. ಮಾತು ಕೇಳದ ಅಳಿಯ ಬಾಳೇಶ ಹೆಂಡತಿಗೆ ಹೊಡೆಯಲೆಂದು ಬೀಸಿದ ಹೊಡೆತ ಸಿದ್ದಪ್ಪನ ತಲೆಗೆ ತಾಗಿ ಸ್ಥಳದಲ್ಲೇ ಕುಸಿದು ಬಿದ್ದಿದ್ದಾನೆ. ಆಸ್ಪತ್ರೆಗೆ ಸಾಗಿಸುವಷ್ಟರಲ್ಲಿ ಸಿದ್ದಪ್ಪನ ಪ್ರಾಣ ಪಕ್ಷಿ ಹಾರಿಹೋಗಿದೆ.