ಹೈದರಾಬಾದ್: ನಿಮ್ಮ ಮನೆಯಲ್ಲಿ ದೆವ್ವ ಇದೆ. ಅದನ್ನು ಮನೆಬಿಟ್ಟು ಓಡಿಸಿದ್ರೆ ನಿಮಗೆ ಒಳ್ಳೆದಾಗುತ್ತೆ ಎಂದು ಮಾಯದ ಮಾತಗಳನ್ನಾಡಿದ ಮಾಂತ್ರಿಕನೊಬ್ಬ ಯುವತಿ ಮೇಲೆ ಅತ್ಯಾಚಾರ ಎಸಗಿದ್ದಾನೆ.
ಪೊಲೀಸರ ಪ್ರಕಾರ... ಹೈದರಾಬಾದ್ ದಂಪತಿ ತನ್ನ ಮಗಳು (19) ಜೊತೆ ಸೇರಿ 20 ದಿನಗಳ ಹಿಂದೆ ಇಲ್ಲಿನ ಮಲ್ಲೆಪಲ್ಲಿಯಲ್ಲಿರುವ ಮಾಂತ್ರಿಕ ಆಂಜನಿಯನ್ನು ಭೇಟಿ ಮಾಡಿದ್ದಾರೆ. ಭೇಟಿಯಾದ ಬಳಿಕ ಆಂಜನಿ ‘ನಿಮ್ಮ ಮನೆಯಲ್ಲಿ ದೆವ್ವವಿದೆ. ಅದನ್ನು ಓಡಿಸಿದ್ರೆ ಒಳ್ಳೆದಾಗುತ್ತೆ’ ಎಂದು ಆ ಕುಟುಂಬವನ್ನು ಬೀದರ್ನಲ್ಲಿರುವ ದರ್ಗಾಕ್ಕೆ ಎರಡು ಬಾರಿ ಕರೆದುಕೊಂಡು ಹೋಗಿದ್ದನು.
ಬೀದರ್ನಲ್ಲಿ ಯುವತಿ ಜೊತೆ ರಹಸ್ಯವಾಗಿ ಮಾತನಾಡಿದ ಮಾಂತ್ರಿಕ ‘ನೀನು ನನ್ನನ್ನು ಮದುವೆಯಾಗು. ಇಲ್ಲವಾದಲ್ಲಿ ನಿಮ್ಮ ತಂದೆ - ತಾಯಿ ಸಾವನ್ನಪ್ಪುತ್ತಾರೆ’ ಅಂತಾ ಭಯಪಡಿಸಿದ್ದಾನೆ. ಬಳಿಕ ಈ ತಿಂಗಳು 11ರಂದು ಯುವತಿ ಮನೆಗೆ ಭೇಟಿ ನೀಡಿದ್ದನು. ಈ ವೇಳೆ, ಮಾಂತ್ರಿಕ ಮನೆಯ ಕೊಠಡಿಯೊಂದಕ್ಕೆ ಕರೆದುಕೊಂಡು ಹೋಗಿ ಆಕೆಯ ಮೇಲೆ ಅತ್ಯಾಚಾರ ಎಸಗಿದ್ದಾನೆ.
ಇನ್ನು ಈ ವಿಷಯ ಯುವತಿ ತಮ್ಮ ತಂದೆ-ತಾಯಿಗೆ ತಿಳಿಸಿದ್ದಾಳೆ. ಕೂಡಲೇ ಯುವತಿ ಪೋಷಕರು ಎಸ್ಆರ್ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಅತ್ಯಾಚಾರ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿಗಾಗಿ ಶೋಧ ನಡೆಸಿದ್ದಾರೆ.