ಸಂಗಾರೆಡ್ಡಿ: ಆ ಲವ್ ಬರ್ಡ್ಸ್ಗೆ ಹಿರಿಯರು ಮದುವೆ ಮಾಡಲು ನಿಶ್ಚಿಯಿಸಿದ್ದರು. ಇನ್ನೇನೂ ಅವರಿಬ್ಬರು ಗೃಹಸ್ಥಾಶ್ರಮಕ್ಕೆ ಕಾಲಿಡಬೇಕು ಅನ್ನುವಷ್ಟರಲ್ಲಿ ದೊಡ್ಡ ದುರಂತವೇ ನಡೆದಿದೆ. ಅತ್ತ ಯುವಕ ಆತ್ಮಹತ್ಯೆಗೆ ಶರಣಾದನೆಂದು ಇತ್ತ ಯುವತಿ ಕೂಡ ಪ್ರಾಣಬಿಟ್ಟಿದ್ದಾಳೆ.
ತೆಲಂಗಾಣದ ಸಂಗಾರೆಡ್ಡಿ ಜಿಲ್ಲೆಯ ಚಪ್ಟಾಲ್ ಗ್ರಾಮದ ರವೀಂದರ್ (20) ಮತ್ತು ಅನಿತ (18) ಕೆಲ ವರ್ಷಗಳಿಂದಲೂ ಇಬ್ಬರು ಪರಸ್ಪರ ಪ್ರೀತಿಸುತ್ತಿದ್ದರು. ಇವರ ವಿಷಯ ಹಿರಿಯರಿಗೆ ತಿಳಿದಿದ್ದು, ಅನಿತಾಗೆ ಬೇರೆ ಮದುವೆ ಮಾಡಲು ಪೋಷಕರು ತೀರ್ಮಾನಿಸಿದ್ದರು. ಆದ್ರೆ ಈ ವಿಷಯ ರವೀಂದರ್ ಕುಟುಂಬಸ್ಥರ ಗಮನಕ್ಕೆ ಬಂದಾಗ ಅನಿತಾಗೆ ಬೇರೊಬ್ಬ ಯುವಕನ ಜೊತೆ ನಿಶ್ಚಯವಾಗಿದ್ದ ಈ ಮದುವೆ ಮುರಿದು ಬಿದ್ದಿತ್ತು. ಆಗ ಹಿರಿಯರೆಲ್ಲರೂ ಸೇರಿ ಅನಿತಾ - ರವೀಂದರ್ ಜೋಡಿಗೆ ಇದೇ ತಿಂಗಳು 31ರಂದು ಮದುವೆ ಮಾಡಲು ಮುಹೂರ್ತ ನಿಗದಿ ಪಡಿಸಿದ್ದರು.