ಹೌದು, ಇಂತಹ ಘಟನೆಗಳು ನಂಬಲು ಸ್ವಲ್ಪ ಕಷ್ಟವೇ ಸರಿ. ಆದ್ರೆ ಇದಕ್ಕೆ ಕಾರಣ ಏನೆಂಬುದು ರಹಸ್ಯವಾಗಿಯೇ ಇತ್ತು. ಆದ್ರೆ ನ್ಯೂಜಿಲ್ಯಾಂಡ್ನ ಒಟಾಗೋ ಶಾಸ್ತ್ರಜ್ಞರು ಈ ರಹಸ್ಯವನ್ನು ಭೇದಿಸಿದ್ದಾರೆ. ಅತ್ಯಾಧುನಿಕ ಯಂತ್ರಗಳನ್ನು ಉಪಯೋಗಿಸಿ ಇದರ ಬಗ್ಗೆ ಡಾ. ಎರಿಕಾ ಟಾಡ್ ಸಂಶೋಧನೆ ನಡೆಸಿ ಈ ಮಾಹಿತಿ ಹೊರ ಹಾಕಿದ್ದಾರೆ.
ಕ್ಲೋನ್ ಫಿಶ್ ಸೇರಿದಂತೆ ನೀಲಿ ಬಣ್ಣದ ತಲೆಯುಳ್ಳ ಮೀನುಗಳು ಮಧ್ಯೆ ವಯಸ್ಸಿಗೆ ಬರುತ್ತಿದ್ದಂತೆ ಲಿಂಗ ಪರಿವರ್ತನೆಗೊಳ್ಳುತ್ತವೆ. ಇದಕ್ಕೆ ಸುತ್ತಮುತ್ತಲಿರುವ ಪರಿಸ್ಥಿತಿಯೇ ಕಾರಣ ಅಂತಾರೆ ಡಾ. ಎರಿಕಾ.
ಹೆಣ್ಣು ಮೀನಿನೊಂದಿಗೆ ಸಂಸಾರ ನಡೆಸಿದ್ದ ಗಂಡು ಮೀನುಗಳು ಸಾವನ್ನಪ್ಪಿತ್ತವೆ. ಆಗ ಹೆಣ್ಣು ಮೀನುಗಳು ಆ ಗಂಡು ಮೀನುಗಳ ಜಾಗ ತುಂಬುತ್ತವೆ. ಗಂಡು ಮೀನಾಗಿ ಜೀವನ ನಡೆಸಬೇಕೆಂದು ಅಂದುಕೊಳ್ಳುವುದೇ ತಡ ಆ ಮೀನಿನ ಶರೀರದಲ್ಲಿ ಬದಲಾವಣೆಗಳು ಪ್ರಾರಂಭವಾಗುತ್ತವೆ.
ಆ ಹೆಣ್ಣು ಮೀನಿನಲ್ಲಿ ಮೊದಲು ಗಂಡು ಮೀನಿನ ಲಕ್ಷಣಗಳು ಕಂಡುಬರುತ್ತವೆ. ಬಳಿಕ ಸಂಪೂರ್ಣವಾಗಿ ಗಂಡು ಮೀನಾಗಿ ಪರಿವರ್ತನೆಗೊಳ್ಳುತ್ತವೆ. ಗರ್ಭಾಶಯ ನಿರ್ವಹಣೆ ಸಲುವಾಗಿ ಹೆಣ್ಣು ಮೀನಿನಲ್ಲಿ ಉತ್ಪತ್ತಿಯಾಗುವ ಇಸ್ಟ್ರೋಜನ್ ಹಾರ್ಮೋನ್ ‘ಅರೋಮಾಟಸಿ’ ತನ್ನ ಕಾರ್ಯ ನಿಲ್ಲಿಸುತ್ತೆ. ಅದೇ ಸಮಯದಲ್ಲಿ ವೃಷಣಗಳು ರೂಪಗೊಂಡು ಕೇವಲ 10 ರಿಂದ 21 ದಿನಗಳಲ್ಲಿ ಗಂಡು ಮೀನಾಗಿ ಪರಿವರ್ತನೆಗೊಳ್ಳುತ್ತವೆ. ಆನಂತರ 10 ದಿನದಲ್ಲೇ ಪತ್ಯುತ್ಪತ್ತಿಗೆ ರೆಡಿಯಾಗ್ತವೆ ಎಂದು ಸಂಶೋಧನೆ ಮೂಲಕ ತಿಳಿದು ಬಂದಿದೆ.
ಇದೆಲ್ಲ ಆ ತಳಿಯ ಮೀನಗಳ ಜೀವನ ಪ್ರಕ್ರಿಯೆಯ ಭಾಗವಾಗಿದೆ. ಪರಿಸ್ಥಿತಿ ಅನುಗುಣವಾಗಿ ಆ ಮೀನುಗಳ ಜೀವನ ಶೈಲಿ ಬದಲಾಗುತ್ತವೆ. ಆಸಕ್ತಿಯುಳ್ಳ ಈ ಸಂಶೋಧನೆ ವಿವರ ಸೈನ್ಸ್ ಅಡ್ವಾನ್ಸ್ ಪತ್ರಿಕೆಯಲ್ಲಿ ಪ್ರಕಟವಾಗಿದೆ. ಇನ್ನು ಈ ಮೀನುಗಳ ಜೀವನ ಒಂಥರಾ ನಾಗವಲ್ಲಿ ಕಥೆ ತರನಾ ಇದೆ. ಆ ಚಿತ್ರದಲ್ಲಿ ನಟಿ ನಾಗವಲ್ಲಿಯಾಗಿ ಯಾವ ರೀತಿ ಪರಿವರ್ತನೆಗೊಳ್ಳುತ್ತಾಳೆ ಇಲ್ಲಿ ಈ ಮೀನುಗಳು ಸಹಾ ಗಂಡು ಮೀನಾಗಿ ಪರಿವರ್ತನೆಗೊಳ್ಳುತ್ತದೆ.
