8 ಯುರೋಪಿಯನ್ ದೇಶಗಳಲ್ಲಿ ಕೊರೊನಾ ವೈರಸ್​​ನ ಹೊಸ ರೂಪಾಂತರ ಪತ್ತೆ!!

ಕಳೆದ ವಾರ ಬ್ರಿಟನ್​​ನಲ್ಲಿ ಕೊರೊನಾ ವೈರಸ್​​ನ ಹೊಸ ರೂಪಾಂತರ ಪತ್ತೆಯಾಗಿತ್ತು. ತಜ್ಞರ ಪ್ರಕಾರ, ಈ ರೀತಿಯ ಸೋಂಕು ಇತರ SARS ಕೋವಿಡ್-2 ರೂಪಾಂತರಗಳಿಗಿಂತ ಹೆಚ್ಚು ವೇಗವಾಗಿ ಹರಡುತ್ತದೆ ಎಂದಿದ್ದಾರೆ..

ಜಿನೀವಾ/ಸ್ವಿಜರ್​ಲ್ಯಾಂಡ್ ​:ಯುರೋಪ್ ಖಂಡದ ಎಂಟು ದೇಶಗಳಲ್ಲಿ ಕೋವಿಡ್​​ ವೈರಾಣುವಿನ ಹೊಸ ರೂಪಾಂತರ ಪತ್ತೆಯಾಗಿರುವುದಾಗಿ ಡಬ್ಲ್ಯುಹೆಚ್‌ಒನ ಯುರೋಪಿಯನ್​ ಕಚೇರಿಯ ಮುಖ್ಯಸ್ಥ ಡಾ. ಹ್ಯಾನ್ಸ್ ಕ್ಲುಗೆ ತಿಳಿಸಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕೊರೊನಾ ನಿಯಂತ್ರಿಸುವ ಅನಿವಾರ್ಯತೆ ಹೆಚ್ಚಿರುವ ಮಧ್ಯೆ, ಕೊರೊನಾದ ಹೊಸ ರೂಪಾಂತರ ಹಿಂದಿನ ಕೋವಿಡ್​​-19 ವೈರಸ್​ಗಿಂತ ಭಿನ್ನವಾಗಿದೆ. ಕಿರಿಯ ವಯಸ್ಸಿನವರಲ್ಲಿ ಹರಡುತ್ತಿದೆ ಎಂದು ಡಬ್ಲ್ಯುಹೆಚ್‌ಒ ಯುರೋಪಿನ ಪ್ರಾದೇಶಿಕ ನಿರ್ದೇಶಕ ಹ್ಯಾನ್ಸ್ ಕ್ಲುಗೆ ಮಾಹಿತಿ ನೀಡಿದ್ದಾರೆ.

ಯುರೋಪ್​ನ 8 ದೇಶಗಳಲ್ಲಿ ಈಗ ಹೊಸ ಕೊರೊನಾ ರೂಪಾಂತರ ವೈರಸ್​ ಕಂಡು ಬಂದಿದೆ. ಈ ಹಿನ್ನೆಲೆ ಈಗಾಗಲೇ ಅಸ್ತಿತ್ವದಲ್ಲಿರುವ ರಕ್ಷಣಾತ್ಮಕ ಕ್ರಮಗಳನ್ನು ಬಲಪಡಿಸುವುದು ಬಹಳ ಮುಖ್ಯ.

ಸಾಮಾಜಿಕ ಅಂತರ, ಫೇಸ್​ ಮಾಸ್ಕ್ ಎಲ್ಲವೂ ಕಡ್ಡಾಯ, ಇನ್ನು ವಿಶ್ವ ಆರೋಗ್ಯ ಸಂಸ್ಥೆ( WHO) ಹೊಸ ಕೊರೊನಾ ಪ್ರಭೇದದ ಕುರಿತು ಹೆಚ್ಚಿನ ಮಾಹಿತಿ ಪಡೆಯುತ್ತಿದ್ದು, ಆ ಬಗ್ಗೆ ಮಾಹಿತಿ ನೀಡುವುದಾಗಿ ಹ್ಯಾನ್ಸ್ ಕ್ಲುಗೆ ಟ್ವೀಟ್ ಮಾಡಿದ್ದಾರೆ.

ಈ ರೂಪಾಂತರ ವೈರಸ್​ ಹಿಂದಿನ ಕೊರೊನಾ ವೈರಸ್​ ತಳಿಗಿಂತ ಭಿನ್ನವಾಗಿದೆ. ಕಿರಿಯ ವಯಸ್ಕರನ್ನೇ ಹೆಚ್ಚು ಬಾಧಿಸಲಿದೆ. ಹೀಗಾಗಿ, ಈ ಹೊಸ ಪ್ರಬೇಧದ ಕುರಿತು ಸಂಶೋಧನೆ ನಡೆಯುತ್ತಿರುವಾಗ''ಜಾಗರೂಕತೆ ಅತೀ ಮುಖ್ಯ ”ಎಂದು ಕ್ಲುಗೆ ನಂತರದ ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ.

ಕಳೆದ ವಾರ ಬ್ರಿಟನ್​​ನಲ್ಲಿ ಕೊರೊನಾ ವೈರಸ್​​ನ ಹೊಸ ರೂಪಾಂತರ ಪತ್ತೆಯಾಗಿತ್ತು. ತಜ್ಞರ ಪ್ರಕಾರ, ಈ ರೀತಿಯ ಸೋಂಕು ಇತರ SARS ಕೋವಿಡ್-2 ರೂಪಾಂತರಗಳಿಗಿಂತ ಹೆಚ್ಚು ವೇಗವಾಗಿ ಹರಡುತ್ತದೆ ಎಂದಿದ್ದಾರೆ.

ಜಾನ್ಸ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯದ ಪ್ರಕಾರ, ಜಗತ್ತಿನಲ್ಲಿ ಈಗಾಗಲೇ 79,712,010 ಕೊರೊನಾ ಪ್ರಕರಣ ದಾಖಲಾಗಿವೆ. ಒಟ್ಟು 1,747,790 ಮಂದಿ ಕೋವಿಡ್​​ ಸೋಂಕಿನಿಂದ ಸಾವನ್ನಪ್ಪಿದ್ದಾರೆ. ಕೊರೊನಾ ಸಾಂಕ್ರಾಮಿಕ ರೋಗದಿಂದ ಯುಎಸ್​ ಹೆಚ್ಚು ಹಾನಿಗೊಳಗಾದ ದೇಶವಾಗಿ ಮುಂದುವರೆದಿದೆ. ನಂತರದ ಸ್ಥಾನದಲ್ಲಿ ಭಾರತ ಮತ್ತು ಬ್ರೆಜಿಲ್ ಇವೆ.

ಇದನ್ನೂ ಓದಿ:ಬಹುದಿನಗಳ ಬಾಳಿಕೆ ಬರುವ ಲ್ಯಾಕ್​ ಬಳೆಗಳು: ಬಣ್ಣ ಬಣ್ಣದ ಅರಗಿನ ಬಳೆಗಳ ಮೋಡಿ ನೋಡಿ..!