ಲಾಯರ್​ ಬೇಡ, ವಾದ ನಾನೇ ಮಾಡ್ತೀನಿ ಅಂದ ಕ್ರೈಸ್ಟ್​ಚರ್ಚ್​ ಮಸೀದಿ ದಾಳಿಕೋರ

ನಾನು ಎಸಗಿದ ಕೃತ್ಯವನ್ನು ನಾನೇ ಸಮರ್ಥಿಸಿಕೊಳ್ಳುತ್ತೇನೆ ಎಂದು ಹೇಳಿದ್ದಾನೆ. ಅಟಾರ್ನಿ ಜನರಲ್​ ರಿಚರ್ಡ್​ ಪೀಟರ್ಸ್​ ಅವರು ಈ ವಿಷಯ ಖಚಿತಪಡಿಸಿದ್ದು, ಟಾರೆಂಟ್​ ಮಾನಸಿಕವಾಗಿ ಸರಿಯಾಗಿದ್ದಾನೆ ಎಂದು ತಿಳಿಸಿದ್ದಾರೆ.

ಕ್ರೈಸ್ಟ್​ಚರ್ಚ್​: ಇಲ್ಲಿನ ಜೋಡಿ ಮಸೀದಿಯೊಳಗೆ ನುಗ್ಗಿ 50 ಮಂದಿಯನ್ನು ನಿರ್ದಯವಾಗಿ ಗುಂಡಿಕ್ಕಿ ಕೊಂದ ಪ್ರಕರಣ ಸಂಬಂಧ ಬಂಧಿತನಾಗಿರುವ ಆಸ್ಟ್ರೇಲಿಯಾ ಮೂಲದ ಬ್ರೆಂಟನ್​ ಟಾರೆಂಟ್​ ಸರ್ಕಾರಿ ವಕೀಲರನ್ನು ನಿರಾಕರಿಸಿದ್ದು, ತನ್ನ ಪರ ತಾನೇ ವಾದ ಮಾಡಿಕೊಳ್ಳುವುದಾಗಿ ಹೇಳಿದ್ದಾನೆ.

ಆಸೀಸ್​ ಮೂಲದ ಬ್ರೆಂಟನ್​ ಪರವಾಗಿ ನ್ಯೂಜಿಲೆಂಡ್​ ಸರ್ಕಾರ, ಒಬ್ಬ ವಕೀಲನನ್ನು ನೇಮಕ ಮಾಡಿತ್ತು ಆದರೆ ಅದನ್ನು ನಿರಾಕರಿಸಿರುವ ಆತ, ನನಗೆ ಯಾರ ವಾದದ ಮೇಲೂ ನಂಬಿಕೆಯಿಲ್ಲ. ನಾನು ಎಸಗಿದ ಕೃತ್ಯವನ್ನು ನಾನೇ ಸಮರ್ಥಿಸಿಕೊಳ್ಳುತ್ತೇನೆ ಎಂದು ಹೇಳಿದ್ದಾನೆ. ಅಟಾರ್ನಿ ಜನರಲ್​ ರಿಚರ್ಡ್​ ಪೀಟರ್ಸ್​ ಅವರು ಈ ವಿಷಯ ಖಚಿತಪಡಿಸಿದ್ದು, ಟಾರೆಂಟ್​ ಮಾನಸಿಕವಾಗಿ ಸರಿಯಾಗಿದ್ದಾನೆ ಎಂದು ತಿಳಿಸಿದ್ದಾರೆ.

ಟಾರೆಂಟ್​ ತನ್ನ ವಾದ ತಾನೇ ಮಾಡಿಕೊಳ್ಳುವುದಾಗಿ ಹೇಳಿರುವುದರಿಂದ ಕೋರ್ಟ್​ ಹಾಲ್​ನಲ್ಲಿ ವಿಚಾರಣೆ ನಡೆಯುವಾಗ ಬಲಪಂಥೀಯ ಕಟ್ಟರ್​ ವಾದವನ್ನು ಮುಂದಿಡಲಿದ್ದಾನೆಂಬ ಭೀತಿ ಆವರಿಸಿದೆ.