ಅಂಟಾರ್ಟಿಕಕ್ಕೆ ಚಾರಣ ಹೊರಟ ಭಾರತ ಮೂಲದ ಮೊದಲ ಮಹಿಳಾ ಆರ್ಮಿ ಅಧಿಕಾರಿ

ಪ್ರಸ್ತುತ ಇಂಗ್ಲೆಂಡ್‌ನ ವೈದ್ಯಕೀಯ ರೆಜಿಮೆಂಟ್‌ನಲ್ಲಿ ನೆಲೆಗೊಂಡಿರುವ ಭಾರತೀಯ ಮೂಲದ ಮಹಿಳೆ ಯುಕೆ ಸೈನ್ಯದಲ್ಲಿ ಕ್ಲಿನಿಕಲ್ ತರಬೇತಿ ಅಧಿಕಾರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಸ್ನೋ ಟ್ರೆಕ್ಕಿಂಗ್​​ನಲ್ಲಿ ಆಸಕ್ತಿ ಹೊಂದಿದ್ದ ಅವರು ಇದೀಗ ವಿಶ್ವದ ಅತ್ಯಂತ ಶೀತ ಪ್ರದೇಶ ಅಂಟಾರ್ಟಿಕ ದ್ರುವಕ್ಕೆ ಪ್ರಯಾಣ ಬೆಳೆಸಲು ಮುಂದಾಗಿದ್ದಾರೆ.

ಲಂಡನ್​ (ಯು.ಕೆ):32 ವರ್ಷದ ಬ್ರಿಟಿಷ್ ಸಿಖ್ ಆರ್ಮಿ ಅಧಿಕಾರಿ ಮತ್ತು ಫಿಸಿಯೋಥೆರಪಿಸ್ಟ್ ದಕ್ಷಿಣ ಧ್ರುವಕ್ಕೆ ಯಾರ ಬೆಂಬೆಲವಿಲ್ಲದೆಯೇ ಚಾರಣ ಪೂರ್ಣಗೊಳಿಸುವ ದಾಖಲೆ ಬರೆಯಲು ಮುಂದಾಗಿದ್ದಾರೆ. ಈ ಮೂಲಕ ಸಾಧನೆ ಮಾಡಿದ ಭಾರತ ಮೂಲದ ಮೊದಲ ಮಹಿಳೆ ಎಂಬ ಕೀರ್ತಿಗಳಿಸಲು ಸಿದ್ಧರಾಗಿದ್ದಾರೆ. ಹೀಗಾಗಿ ಚಿಲಿಗೆ ಪ್ರಯಾಣ ಬೆಳೆಸಿದ್ದಾರೆ.

ಪೋಲಾರ್ ಪ್ರೀತ್ ಎಂದೇ ಖ್ಯಾತಿ ಪಡೆದಿರುವ ಕ್ಯಾಪ್ಟನ್ ಹರ್‌ಪ್ರೀತ್ ಚಾಂಡಿ, ಮೈನಸ್ 50 ಡಿಗ್ರಿ ಸೆಲ್ಸಿಯಸ್ ತಾಪಮಾನ ಮತ್ತು ಗಂಟೆಗೆ 60 ಮೀಟರ್​​​ನಷ್ಟು ವೇಗದ ಗಾಳಿ ಜೊತೆ ಸುಮಾರು 700 ಮೈಲಿ ದೂರ ಕ್ರಮಿಸಲು ಸಜ್ಜಾಗಿದ್ದಾರೆ.

ಈ ಪ್ರಯಾಣವು ಸುಮಾರು 45-47 ದಿನಗಳನ್ನು ತೆಗೆದುಕೊಳ್ಳಲಿದೆ. ಹೀಗಾಗಿ ಈ ಪ್ರಯಾಣದಲ್ಲಿ ಹಲವರನ್ನ ನನ್ನೊಂದಿಗೆ ಕರೆದೊಯ್ಯಲು ಬಯಸಿದ್ದೇನೆ. ಇದಕ್ಕಾಗಿ ಲೈವ್ ಮ್ಯಾಪಿಂಗ್ ಸೌಲಭ್ಯವನ್ನು ನನ್ನ ಬ್ಲಾಗರ್​​ನಲ್ಲಿ ನೀಡಿದ್ದೇನೆ. ಇದರಿಂದ ನೀವು ನನ್ನನ್ನು ಪ್ರಯಾಣದುದ್ದಕ್ಕೂ ಹಿಂಬಾಲಿಸಹುದು ಎಂದು ಹರ್​ಪ್ರೀತ್ ತಮ್ಮ ಬ್ಲಾಗರ್​​ನಲ್ಲಿ ಬರೆದುಕೊಂಡಿದ್ದಾರೆ.

ಪ್ರಸ್ತುತ ಇಂಗ್ಲೆಂಡ್‌ನ ವೈದ್ಯಕೀಯ ರೆಜಿಮೆಂಟ್‌ನಲ್ಲಿ ನೆಲೆಗೊಂಡಿರುವ ಅವರು ಸೈನ್ಯದಲ್ಲಿ ಕ್ಲಿನಿಕಲ್ ತರಬೇತಿ ಅಧಿಕಾರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಇವರು ಇಂಗ್ಲೆಂಡ್​​ನ ಕ್ವೀನ್ ಮೇರಿ ವಿಶ್ವವಿದ್ಯಾಲಯದಲ್ಲಿ ಅರೆಕಾಲಿಕ ಕ್ರೀಡೆ ಮತ್ತು ವ್ಯಾಯಾಮ ಔಷಧದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸುತ್ತಿದ್ದಾರೆ.

ಅಂಟಾರ್ಟಿಕಾ ಭೂಮಿ ಮೇಲಿನ ಅತ್ಯಂತ ಹೆಚ್ಚು ಶೀತ ಗಾಳಿ ಬೀಸುವ ಖಂಡವಾಗಿದೆ. ಅಲ್ಲಿ ಯಾರೂ ಶಾಶ್ವತವಾಗಿ ವಾಸಿಸಲು ಸಾಧ್ಯವಿಲ್ಲ. ನಾನು ಮೊದಲು ಯೋಜನೆಯನ್ನು ಪ್ರಾರಂಭಿಸಿದಾಗ ನನಗೆ ಈ ಖಂಡದ ಬಗ್ಗೆ ಹೆಚ್ಚು ತಿಳಿದಿರಲಿಲ್ಲ ಮತ್ತು ಅದು ನನಗೆ ಅಲ್ಲಿಗೆ ಹೋಗಲು ಪ್ರೇರೇಪಿಸಿತು ಎಂದಿದ್ದಾರೆ.

ಇದನ್ನೂ ಓದಿ:ಇರಾಕ್ ಪ್ರಧಾನಿ ಮನೆ ಮೇಲೆ ಡ್ರೋನ್​ ದಾಳಿ ಪ್ರಕರಣ: ಜೋ ಬೈಡನ್ ಖಂಡನೆ