ಮುಂದುವರಿದ ತಾಲಿಬಾನ್ ವಿಕೃತಿ: ಕ್ರೇನ್​ನಲ್ಲಿ ಮೃತದೇಹ ನೇತುಹಾಕಿದ ಉಗ್ರರು

ತಾಲಿಬಾನಿಗಳ ಅಟ್ಟಹಾಸ ಮುಂದುವರಿದಿದ್ದು, ಮೃತಹೇವನ್ನ ಮಧ್ಯರಸ್ತೆಯಲ್ಲಿ ನೇತುಹಾಕಿ ವಿಕೃತಿ ಮೆರೆದಿದ್ದಾರೆ. ಅಪಹರಣದಲ್ಲಿ ಭಾಗಿಯಾಗಿದ್ದವರನ್ನು ಪೊಲೀಸರು ಗುಂಡಿಟ್ಟು ಕೊಂದಿದ್ದರು, ಅವರ ದೇಹಗಳನ್ನು ತಂದು ನೇತುಹಾಕಲಾಗಿದೆ ಎಂದು ತಾಲಿಬಾನ್​​​ ಉಗ್ರನೊಬ್ಬ ಘೋಷಣೆ ಕೂಗಿದ್ದ ಎಂದು ವರದಿಯಾಗಿದೆ.

ಕಾಬೂಲ್ (ಅಫ್ಘಾನಿಸ್ತಾನ್):ಆಫ್ಘನ್​ ನೆಲದಲ್ಲಿ ತಾಲಿಬಾನ್ ಉಗ್ರರ ಹೇಯಕೃತ್ಯಗಳ ಸಾಲು ಮುಂದುವರಿದಿದೆ. ಇದೀಗ ವ್ಯಕ್ತಿಯ ಮೃತದೇಹವನ್ನ ರಸ್ತೆ ಮಧ್ಯದಲ್ಲಿಯೇ ನೇತುಹಾಕಿರುವ ಘಟನೆ ವರದಿಯಾಗಿದೆ.

ಪಶ್ಚಿಮ ಅಫ್ಘಾನಿಸ್ತಾನದ ಹೆರತ್ ಸರ್ಕಲ್​ನಲ್ಲಿ ಮೃತದೇಹವನ್ನು ಕ್ರೇನ್​​ನಲ್ಲಿ ನೇತುಹಾಕಿ ವಿಕೃತಿ ಮೆರೆದಿದ್ದಾರೆ. ಘಟನೆ ಕುರಿತು ಔಷಧ ಅಂಗಡಿ ನಡೆಸುತ್ತಿರುವ ಪ್ರತ್ಯಕ್ಷದರ್ಶಿ ವಾಜಿರ್ ಅಹಮ್ಮದ್ ಸಿದ್ದಿಖಿ ಪ್ರತಿಕ್ರಿಯಿಸಿ, ನಾಲ್ಕು ಮೃತದೇಹಗಳ ತೆಗೆದುಕೊಂಡು ಬಂದಿದ್ದ ತಾಲಿಬಾನಿಗಳು ಒಂದನ್ನು ಈ ಸರ್ಕಲ್​​​ನಲ್ಲಿ ನೇತುಹಾಕಿ ಉಳಿದ ಮೂರು ಮೃತದೇಹಗಳನ್ನು ಬೇರೆಡೆ ಕೊಂಡೊಯ್ದಿದ್ದಾರೆ.

ಬಳಿಕ ಇವರೆಲ್ಲಾ ಅಪಹರಣ ಪ್ರಕರಣದಲ್ಲಿ ಭಾಗಿಯಾಗಿದ್ದವರು, ಪೊಲೀಸರ ನಡುವಿನ ಗುಂಡಿನ ದಾಳಿಯಲ್ಲಿ ಮೃತಪಟ್ಟಿದ್ದಾರೆ ಎಂದು ತಾಲಿಬಾನಿಯೊಬ್ಬ ಘೋಷಣೆ ಕೂಗಿದ್ದಾನೆ ಎಂದಿದ್ದಾನೆ. ಆದರೆ, ಈ ಘಟನೆ ಕುರಿತಂತೆ ತಾಲಿಬಾನ್ ಈವರೆಗೂ ಯಾವುದೇ ಹೇಳಿಕೆ ನೀಡಿಲ್ಲ.

ಇದನ್ನೂ ಓದಿ:ಆಫ್ಘನ್​ನಲ್ಲಿ ಈ ಹಿಂದಿನ ಕಠಿಣ ಶಿಕ್ಷೆ, ಮರಣದಂಡನೆಗಳ ನಿಯಮ ಜಾರಿ: ತಾಲಿಬಾನ್