ಪ್ಯಾರೀಸ್​​, ಸಿಂಗಪುರ್​​ ಇದ್ಯಾವುದೂ ವಿಶ್ವದ ದುಬಾರಿ ನಗರವಲ್ಲ..! ಮೊದಲ ಸ್ಥಾನದಲ್ಲಿದೆ ಈ ನಗರ

ವಿಶ್ವದ ದುಬಾರಿ ನಗರಗಳ ಸಾಲಿನಲ್ಲಿದ್ದ ಟೆಲ್ ಅವಿವ್​ ನಗರ ಮೊದಲ ಸ್ಥಾನಕ್ಕೆ ಏರಿಕೆ ಕಂಡಿದೆ. ಈ ಮೂಲಕ ಪ್ಯಾರೀಸ್ ನಗರವನ್ನು ಹಿಂದಿಕ್ಕಿ ಪಟ್ಟಿಯಲ್ಲಿ ಮೊದಲ ಸ್ಥಾನ ಅಲಂಕರಿಸಿದೆ.

ಟೆಲ್ ಅವಿವ್ (ಇಸ್ರೇಲ್):ವಿಶ್ವದ ಅತ್ಯಂತ ದುಬಾರಿ ನಗರ ಯಾವುದು ಅಂದರೆ ಇನ್ಮುಂದೆ ಸಿಂಗಪುರ್, ಪ್ಯಾರೀಸ್, ದುಬೈ ಅನ್ನೋದು ಬಿಟ್ಟು ಟೆಲ್​​ ಅವಿವ್​ ಅಂತ ಉತ್ತರಿಸಿಬೇಕಿದೆ. ಇಸ್ರೇಲ್​ನ ಸಮದ್ರ ತೀರದಲ್ಲಿರುವ ಈ ನಗರ ಈಗ ವಿಶ್ವದ ಅತ್ಯಂತ ದುಬಾರಿ ನಗರವಾಗಿ ಹೊರಹೊಮ್ಮಿದೆ.

ಅಲ್ಲಿನ ಜನತೆ ತಮ್ಮ ವೇತನದ ಒಂದು ಭಾಗವನ್ನ ಜೀವನ ವೆಚ್ಚಗಳಿಗೆ ಭರಿಸಬೇಕಾದಷ್ಟು ದುಬಾರಿ ನಗರ ಎಂದು ವರದಿ ಹೇಳಿದೆ. ಎಕನಾಮಿಸ್ಟ್ ಮ್ಯಾಗಜೀನ್‌ಗೆ ಸಂಬಂಧಿಸಿದ ಸಂಶೋಧನಾ ಗುಂಪು ಎಕನಾಮಿಸ್ಟ್ ಇಂಟೆಲಿಜೆನ್ಸ್ ಯುನಿಟ್ ಪ್ರಕಾರ ಟೆಲ್ ಅವಿವ್ ವಾಸಿಸಲು ಅತ್ಯಂತ ದುಬಾರಿ ನಗರ ಎಂದಿದೆ.

ಈ ಹಿಂದೆ ಅತ್ಯಂತ ದುಬಾರಿ ನಗರಗಳ ಸಾಲಿನಲ್ಲಿ 5ನೇ ಸ್ಥಾನದಲ್ಲಿದ್ದ ನಗರವು ಈಗ ಪ್ಯಾರಿಸ್ ಮತ್ತು ಸಿಂಗಪುರರ್​​​ನಂತಹ ದೇಶಗಳನ್ನು ಮೀರಿ ಬೆಳೆದುನಿಂತಿದೆ. ಡಾಲರ್ ಎದುರು ಶೆಕೆಲ್ (ಇಸ್ರೇಲ್​ನಲ್ಲಿ ಬಳಕೆಯಲ್ಲಿರುವ ಹಣ) ಮೌಲ್ಯ ಏರಿಕೆಯಾಗಿರುವುದಕ್ಕೆ ಅರ್ಥಶಾಸ್ತ್ರಜ್ಞರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇದಲ್ಲದೇ ದಿನಸಿ ಹಾಗೂ ಸಾರಿಗೆ ವೆಚ್ಚ ಸೇರಿದಂತೆ ದಿನನಿತ್ಯದ ವೆಚ್ಚಗಳ ಏರಿಕೆಯನ್ನ ಎಕನಾಮಿಸ್ಟ್ ಇಂಟೆಲಿಜೆನ್ಸ್ ಯುನಿಟ್ ಸೂಚಿಸಿದೆ. ಆದರೆ ವರದಿಯೂ ಮಧ್ಯಮ ವರ್ಗದವರ ದೂರನ್ನು ಒಳಗೊಂಡಿಲ್ಲ.

ಈ ಬೆಳವಣಿಗೆ ಕುರಿತಂತೆ ಅಲ್ಲಿನ ನಿವಾಸಿಗಳು ಅಸಮಾಧಾನ ಹೊರಹಾಕಿದ್ದಾರೆ. ಬರುವ ವೇತನವು ತಿಂಗಳಿಂದ ತಿಂಗಳ ಅಂತ್ಯದವರೆಗಿನ ವೆಚ್ಚಗಳಿಗೆ ಸರಿದೂಗುತ್ತಿದೆ. ಇಲ್ಲಿ ಬದುಕು ಸಾಗಿಸುವುದು ಕಷ್ಟವಾಗಿದೆ ಎಂದು ಉತ್ತರ ಇಸ್ರೇಲ್​​ನ ನಿವಾಸಿ ಜಿವ್ ಟೊಲೆಡಾನೊ ಅಳಲು ತೋಡಿಕೊಂಡಿದ್ದಾರೆ.

ದುಬಾರಿ ನಗರಗಳ ಪಟ್ಟಿ

1. ಟೆಲ್ ಅವಿವ್
2. ಪ್ಯಾರೀಸ್ ಮತ್ತು ಸಿಂಗಾಪುರ್​
3. ಜೂರಿಶ್
4. ಹಾಂ​​ಕಾಂಗ್
5. ನ್ಯೂಯಾರ್ಕ್​​​
6. ಜಿನೇವಾ
7. ಕೋಪನ್ ಹೇಗನ್​
8. ಲಾಸ್ ಏಂಜಲೀಸ್​​​
9. ಒಸಾಕ

ವಿಶ್ವದ ಅಗ್ಗದ ನಗರ

1. ಡಮಾಸ್ಕಸ್ (ಸಿರಿಯಾ)
2. ಟ್ರಿಪೋಲಿ (ಲಿಬಿಯಾ)
3. ತಾಷ್ಕೆಂಟ್ (ಉಜ್ಬೇಕಿಸ್ತಾನ್)
4. ಟುನಿಸ್ (ಟುನೀಶಿಯಾ)
5. ಅಲ್ಮಾಟಿ (ಖಝಾಕಿಸ್ತಾನ್)
6. ಕರಾಚಿ (ಪಾಕಿಸ್ತಾನ)
7. ಅಹಮದಾಬಾದ್ (ಭಾರತ)
8. ಅಲ್ಜೀರ್ಸ್ (ಅಲ್ಜೀರಿಯಾ)
9. ಬ್ಯೂನಸ್ ಐರಿಸ್ (ಅರ್ಜೆಂಟೀನಾ)
10. ಲುಸಾಕಾ (ಜಾಂಬಿಯಾ)

ಇದನ್ನೂ ಓದಿ:ಗೂಗಲ್ ಶೀಟ್‌ ಬಗ್ಗೆ ಪಾಠ ಮಾಡುವ ಈ ಸುಂದರಿಯ ಸಂಬಳ ಎಷ್ಟು ಗೊತ್ತಾ?