ಕಠ್ಮಂಡು (ನೇಪಾಳ): ಒಂದು ಕಾಲದಲ್ಲಿ 'ವಿಶ್ವದ ಅತಿ ಕುಬ್ಜ ವ್ಯಕ್ತಿ' ಎಂಬ ಖ್ಯಾತಿ ಪಡೆದಿದ್ದ ನೇಪಾಳಿ ಮೂಲದ ಖಾಗೇಂದ್ರ ಥಾಪಾ ಮಾಗರ್ (27) ಶುಕ್ರವಾರ ಮಧ್ಯಾಹ್ನ 3 ಗಂಟೆಗೆ ನಿಧನರಾಗಿದ್ದಾರೆ.
ನ್ಯುಮೋನಿಯಾದಿಂದ ಬಳಲುತ್ತಿದ್ದ ಅವರನ್ನು ಇಲ್ಲಿನ ಪೋಖರಾ ನಗರದ ಮಣಿಪಾಲ್ ಆಸ್ಪತ್ರೆಯಲ್ಲಿ ತೀವ್ರ ನಿಗಾ ಘಟಕಕ್ಕೆ ದಾಖಲಿಸಲಾಗಿತ್ತು. ಆದ್ರೆ ಚಿಕಿತ್ಸೆ ಫಲಿಸದೇ ಆಸ್ಪತ್ರೆಯಲ್ಲೇ ಮೃತಪಟ್ಟಿದ್ದಾರೆ ಎಂದು ಖಾಗೇಂದ್ರ ಥಾಪಾ ಮಾಗರ್ ಫೌಂಡೇಶನ್ನ ಅಧ್ಯಕ್ಷ ಮಿನ್ಬಹದ್ದೂರ್ ರಾಣಾ ಮಾಹಿತಿ ನೀಡಿದ್ದಾರೆ.