ತಾಷ್ಕೆಂಟ್(ರಷ್ಯಾ):ಅಫ್ಘಾನಿಸ್ತಾನದಲ್ಲಿ ಸತತವಾಗಿ ದಾಳಿ ನಡೆಸುತ್ತಿರುವ ತಾಲಿಬಾನಿಗಳನ್ನು ಪಾಕಿಸ್ತಾನ ನಿಯಂತ್ರಿಸುತ್ತಿದೆ ಎಂಬ ಆರೋಪದ ಕುರಿತು ಎಎನ್ಐ ಕೇಳಿದ ಪ್ರಶ್ನೆಗೆ ಉತ್ತರ ನೀಡದೆ ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ನುಣುಚಿಕೊಂಡಿದ್ದಾರೆ.
ರಷ್ಯಾದ ತಾಷ್ಕೆಂಟ್ನಲ್ಲಿ ಸೆಂಟ್ರಲ್- ಸೌತ್ ಏಷಿಯನ್ ಕಾನ್ಫರೆನ್ಸ್ನಲ್ಲಿ ಭಾಗವಹಿಸಿದ್ದ ಖಾನ್, ತಾಲಿಬಾನಿಗಳ ಮೇಲೆ ಪಾಕ್ ನಿಯಂತ್ರಣ ವಿಚಾರಕ್ಕೆ ಉತ್ತರ ನೀಡದೇ ನುಣುಚಿಕೊಂಡಿದ್ದಾರೆ.
ಇದಕ್ಕೂ ಮೊದಲು ಎಎನ್ಐ ಕೇಳಿದ್ದ ಪ್ರಶ್ನೆಗೆ ಉತ್ತರಿಸಿದ್ದ ಇಮ್ರಾನ್ ಖಾನ್, 'ಎರಡೂ ದೇಶಗಳು ಶಾಂತಿಯಿಂದ ನೆರೆಹೊರೆಯವರಂತೆ ಬದುಕುತ್ತೇವೆ ಎಂಬ ವಿಶ್ವಾಸದೊಂದಿಗೆ ದೀರ್ಘಕಾಲದಿಂದ ಕಾಯುತ್ತಿದ್ದೇವೆ. ನಾನು ಭಾರತಕ್ಕೆ ಇಷ್ಟನ್ನು ಮಾತ್ರ ಹೇಳಬಹುದು. ಆದರೆ ಭಾರತ ಆರ್ಎಸ್ಎಸ್ ಸಿದ್ಧಾಂತದ ಹಾದಿಯಲ್ಲಿದ್ದು, ನಾವು ಏನು ಮಾಡಬಹುದು? ಎಂದು ಪ್ರಶ್ನಿಸಿದ್ದಾರೆ.