ಪಾಶ್ಚಿಮಾತ್ಯ ಪಡೆಗಳು-ಅಪರಿಚಿತರಿಂದ ಕಾಬೂಲ್ ಏರ್​ಪೋರ್ಟ್​ನಲ್ಲಿ ಗುಂಡಿನ ಚಕಮಕಿ: ಓರ್ವ ಸಾವು

ತಾಲಿಬಾನ್​ ಉಗ್ರರಿಂದ ತಪ್ಪಿಸಿಕೊಂಡು ಪಲಾಯನವಾಗಲೆಂದು ಕಾಬೂಲ್ ಏರ್​ಪೋರ್ಟ್​ಗೆ ಸಾವಿರಾರು ಜನರು ತೆರಳಿದ್ದ ವೇಳೆ ಅಪರಿಚಿತ ಬಂದೂಕುಧಾರಿಗಳು, ಪಾಶ್ಚಿಮಾತ್ಯ ಭದ್ರತಾ ಪಡೆಗಳು ಮತ್ತು ಅಫ್ಘನ್ ಭದ್ರತಾ ಪಡೆ ನಡುವೆ ಗುಂಡಿನ ಚಕಮಕಿ ನಡೆದಿದೆ.

ಕಾಬೂಲ್ (ಅಫ್ಘಾನಿಸ್ತಾನ): ಕಾಬೂಲ್ ವಿಮಾನ ನಿಲ್ದಾಣದ ಉತ್ತರ ದ್ವಾರದಲ್ಲಿ ಅಪರಿಚಿತ ಬಂದೂಕುಧಾರಿಗಳು, ಪಾಶ್ಚಿಮಾತ್ಯ ಭದ್ರತಾ ಪಡೆಗಳು ಮತ್ತು ಅಫ್ಘನ್ ಭದ್ರತಾ ಪಡೆ ನಡುವೆ ಗುಂಡಿನ ಚಕಮಕಿ ನಡೆದಿದೆ. ಈ ವೇಳೆ ಓರ್ವ ಅಪ್ಘನ್ ಭದ್ರತಾ ಸಿಬ್ಬಂದಿ ಮೃತಪಟ್ಟಿದ್ದಾನೆ ಎಂದು ಜರ್ಮನ್​ ಮಿಲಿಟರಿ ಮಾಹಿತಿ ನೀಡಿದೆ.

ತಾಲಿಬಾನ್​ ಉಗ್ರರಿಂದ ತಪ್ಪಿಸಿಕೊಂಡು ಪಲಾಯನವಾಗಲು ಸಾವಿರಾರು ಅಫ್ಘಾನ್​ ಪ್ರಜೆಗಳು ಮತ್ತು ಅಫ್ಘಾನಿಸ್ತಾನದಲ್ಲಿ ನೆಲೆಸಿದ್ದ ವಿದೇಶಿಯರು ಕಾಬೂಲ್ ಏರ್​ಪೋರ್ಟ್​ಗೆ ತೆರಳಿದ್ದ ವೇಳೆ ಘಟನೆ ನಡೆದಿದೆ. ಅಮೆರಿಕ ಮತ್ತು ಜರ್ಮನ್​ ಸೇನಾ ಸಿಬ್ಬಂದಿಯನ್ನೊಳಗೊಂಡ ಅಫ್ಘನ್​ ಭದ್ರತಾ ಪಡೆಯ ಓರ್ವ ಸಿಬ್ಬಂದಿ ಮೃತಪಟ್ಟಿದ್ದು, ಮೂವರು ಗಾಯಗೊಂಡಿದ್ದಾರೆ.

ಇದನ್ನೂ ಓದಿ: ಕಾಬೂಲ್ ಏರ್​ಪೋರ್ಟ್​ಗೆ ತೆರಳುತ್ತಿದ್ದ ಅಮೆರಿಕ ಪ್ರಜೆಗಳನ್ನು ಥಳಿಸಿದ ತಾಲಿಬಾನ್​..