ಭಯೋತ್ಪಾದಕರ ವಿರುದ್ಧ ಅಫ್ಘನ್​ ಸೇನಾಪಡೆಗಳ ವಿಶೇಷ ಕಾರ್ಯಾಚರಣೆ: 24 ಗಂಟೆಗಳಲ್ಲಿ 109 ಉಗ್ರರ ಹತ್ಯೆ!

ಅಫ್ಘಾನಿಸ್ತಾನದ 15 ಪ್ರಾಂತ್ಯಗಳಲ್ಲಿ ವಿಶೇಷ ಕಾರ್ಯಾಚರಣೆ ನಡೆಸಿದ ಅಫ್ಘನ್​ ಸೇನೆಯು ಬರೋಬ್ಬರಿ 109 ಭಯೋತ್ಪಾದಕರನ್ನು ಸೆದೆಬಡಿಯುವಲ್ಲಿ ಯಶಸ್ವಿಯಾಗಿದೆ.

ಕಾಬೂಲ್(ಅಫ್ಘಾನಿಸ್ತಾನ) ​:ಸತತ 24 ಗಂಟೆಗಳ ಕಾಲ ಅಫ್ಘನ್​ ಸೇನೆ ನಡೆಸಿದ ಕಾರ್ಯಾಚರಣೆಯಲ್ಲಿ ಬರೋಬ್ಬರಿ 109 ಭಯೋತ್ಪಾದಕರು ಮೃತಪಟ್ಟಿದ್ದು, 45 ಮಂದಿ ಗಾಯಗೊಂಡಿದ್ದಾರೆ.

ಅಫ್ಘಾನಿಸ್ತಾನದ 15 ಪ್ರಾಂತ್ಯಗಳಲ್ಲಿ 18 ಕಾರ್ಯಾಚರಣೆ ನಡೆಸಿದ ಸೇನೆಯು ನೂರು ಮಂದಿ ಉಗ್ರರನ್ನು ಸೆದೆಬಡಿಯುವಲ್ಲಿ ಯಶಸ್ವಿಯಾಗಿದ್ದು, ಐವರನ್ನು ಬಂಧಿಸಿರುವುದಾಗಿ ಅಲ್ಲಿನ ರಕ್ಷಣಾ ಸಚಿವಾಲಯ ಟ್ವೀಟ್ ಮಾಡಿದೆ.

ಇನ್ನು ಈ ಭಯೋತ್ಪಾದಕರು ಒಂದೇ ಗುಂಪಿಗೆ ಸೇರಿದವರಾ? ಎಂಬುದರ ಬಗ್ಗೆ ಸಚಿವಾಲಯ ಸ್ಪಷ್ಟಪಡಿಸಿಲ್ಲ.