ಮೌಂಟೇನ್ ಮ್ಯಾರಥಾನ್ ವೇಳೆ ಪ್ರತಿಕೂಲ ಹವಾಮಾನ: ಚೀನಾದಲ್ಲಿ 21 ಮಂದಿ ಸಾವು

ಗನ್ಸು ಪ್ರಾಂತ್ಯದಲ್ಲಿ ಆಯೋಜಿಸಲಾದ ಮೌಂಟೇನ್ ಮ್ಯಾರಥಾನ್ ವೇಳೆ ಪ್ರತಿಕೂಲ ಹವಾಮಾನ ಉಂಟಾಗಿದ್ದು ಸಾವುನೋವು ಸಂಭವಿಸಿದೆ. ಘಟನೆಯ ನಂತರ ಮ್ಯಾರಥಾನ್ ಅನ್ನು ಸ್ಥಗಿತಗೊಳಿಸಲಾಗಿದ್ದು, ಕಾಣೆಯಾದ ಸ್ಪರ್ಧಿಗಳಿಗಾಗಿ ರಕ್ಷಣಾ ತಂಡಗಳಿಂದ ಶೋಧ ಕಾರ್ಯಾಚರಣೆ ನಡೆಯುತ್ತಿದೆ.

ಗನ್ಸು(ಚೀನಾ):ನೂರು ಕಿಲೋಮೀಟರ್ ಮೌಂಟೇನ್ ಮ್ಯಾರಥಾನ್ ಸ್ಪರ್ಧೆಯ ವೇಳೆ ಪ್ರತಿಕೂಲ ವಾತಾವರಣದಿಂದಾಗಿ 21 ಮಂದಿ ಸಾವನ್ನಪ್ಪಿದ್ದು, ಐವರು ನಾಪತ್ತೆಯಾಗಿರುವ ಘಟನೆ ಚೀನಾದ ಗನ್ಸು ಪ್ರಾಂತ್ಯದಲ್ಲಿ ನಡೆದಿದೆ.

ಕ್ಸಿನ್ಹುವಾ ನ್ಯೂಸ್ ಏಜೆನ್ಸಿಯ ವರದಿ ಪ್ರಕಾರ, ಬೈಯಿನ್ ನಗರದ ಜಿಂಗ್​ಟೈ ಕೌಂಟಿ ಟೂರಿಸ್ಟ್ ಸೈಟ್​ನಲ್ಲಿ ಶನಿವಾರ ಬೆಳಗ್ಗೆ ಘಟನೆ ಸಂಭವಿಸಿದೆ. ಬಳಿಕ ಮ್ಯಾರಥಾನ್ ಸ್ಥಗಿತಗೊಳಿಸಲಾಗಿದ್ದು, ಕಾಣೆಯಾದವರಿಗಾಗಿ ಸ್ಥಳೀಯ ಸರ್ಕಾರ ಹುಡುಕಾಟ ಕೈಗೊಂಡಿದೆ.

ಇದನ್ನೂ ಓದಿ:'ಮೊಸಳೆಗಳು ಮುಗ್ದ': ಪ್ರಧಾನಿ ವಿರುದ್ಧ ಮಾರ್ಮಿಕವಾಗಿ ವ್ಯಂಗ್ಯವಾಡಿದ ರಾಹುಲ್

ಶೋಧ ಕಾರ್ಯಾಚರಣೆ ವೇಳೆ ತಾಪಮಾನದಲ್ಲಿ ಭಾರಿ ಇಳಿಕೆಯಾಗಿದ್ದು, ರಕ್ಷಣಾ ಕಾರ್ಯಕ್ಕೆ ತೊಂದರೆಯುಂಟಾಗಿದೆ. ಈವರೆಗೆ ಮ್ಯಾರಥಾನ್​ನಲ್ಲಿ ಪಾಲ್ಗೊಂಡಿದ್ದ 151 ಮಂದಿಯನ್ನು ರಕ್ಷಿಸಲಾಗಿದೆ. ಐದು ಮಂದಿಗೆ ಗಾಯವಾಗಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ತಿಳಿದುಬಂದಿದೆ.