ವಾಷಿಂಗ್ಟನ್: ಕೊರೊನಾರ್ಭಟಕ್ಕೆ ಅಮೆರಿಕ ಅಕ್ಷರಶಃ ನಡುಗಿದೆ. ಜಗತ್ತಿನ ಅತ್ಯಂತ ಶಕ್ತಿಶಾಲಿ ದೇಶದಲ್ಲಿ ಈಗಾಗಲೇ ಸೋಂಕಿತರ ಸಂಖ್ಯೆ 10 ಲಕ್ಷದ ಗಡಿ ದಾಟಿದೆ. ಸಾವಿನ ಸಂಖ್ಯೆ 58 ಸಾವಿರ ತಲುಪಿದೆ.
ಕೊರೊನಾ ಅಟ್ಟಹಾಸಕ್ಕೆ ನಲುಗಿದ ಅಮೆರಿಕ: ದೊಡ್ಡಣ್ಣದ ದೇಶದಲ್ಲಿ ದಾಖಲಾಯ್ತು 1 ಮಿಲಿಯನ್‌ ಪ್ರಕರಣ
ಜಗತ್ತಿನಲ್ಲೇ ಅತೀ ಹೆಚ್ಚು ಕೊರೊನಾ ಸಾವು ಸಂಭವಿಸಿರುವ ದೇಶಗಳಲ್ಲಿ ಅಮೆರಿಕ ಮುಂಚೂಣಿಯಲ್ಲಿದೆ. ವಿಶ್ವದ ದೊಡ್ಡಣ್ಣ ವೈರಸ್‌ನ ತೊಂದರೆಯಿಂದ ಹೊರಬರಲು ಹರಸಾಹಸ ಪಡುತ್ತಿದ್ದಾನೆ.
US virus cases
ಪ್ರಪಂಚದಾದ್ಯಂತ 31,16,406 ಕೊರೊನಾ ಪ್ರಕರಣಗಳು ಕಂಡು ಬಂದಿವೆ. ಇದರಲ್ಲಿ ಅತೀ ಹೆಚ್ಚು ಅಂದರೆ 10,12,582 ಕೇಸ್ ಅಮೆರಿಕದಲ್ಲಿರುವುದು ಗಮನಾರ್ಹ. ಇದರಲ್ಲಿ 1,15,936 ಜನರು ಗುಣಮುಖರಾಗಿದ್ದಾರೆ.
ಉಳಿದಂತೆ ಯೂರೋಪ್‌ ಖಂಡದ ಸ್ಪೇನ್ ದೇಶದಲ್ಲಿ 2,32,128 ಪ್ರಕರಣ, ಇಟಲಿಯಲ್ಲಿ 2,01,505, ಫ್ರಾನ್ಸ್ನಲ್ಲಿ 1,69,053, ಯು.ಕೆ.ಯಲ್ಲಿ 1,62,350, ಚೀನಾದಲ್ಲಿ 83 ಸಾವಿರ, ಟರ್ಕಿಯಲ್ಲಿ 1,14,653, ಇರಾನ್ 92 ಸಾವಿರ ಪ್ರಕರಣ ಕಂಡು ಬಂದಿದೆ.