ಟ್ರಂಪ್ ಅಧಿಕಾರಾವಧಿಯಲ್ಲಿ ನಿರ್ಮಿಸಿದ್ದ ಹೆಲಿಪ್ಯಾಡ್​ ಧ್ವಂಸ: ವರದಿ

ಡೊನಾಲ್ಡ್ ಟ್ರಂಪ್ ಅಧಿಕಾರಾವಧಿಯಲ್ಲಿ ನಿರ್ಮಾಣವಾಗಿದ್ದ ಪಾಮ್ ಬೀಚ್ ನಗರದಲ್ಲಿನ ಹೆಲಿಪ್ಯಾಡ್ ಶೀಘ್ರವೇ ಧ್ವಂಸಗೊಳಿಸಲಾಗುತ್ತದೆ ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.

ಮಿಯಾಮಿ ( ಅಮೆರಿಕ):ಡೊನಾಲ್ಡ್ ಟ್ರಂಪ್ ತಮ್ಮ ಅಧಿಕಾರಾವಧಿಯಲ್ಲಿ ಫ್ಲೋರಿಡಾದ ಪಾಮ್​ ಬೀಚ್ ನಗರದ ಮಾರ್​ - ಎ - ಲಾಗೋದಲ್ಲಿ ನಿರ್ಮಾಣ ಮಾಡಿದ್ದ ಹೆಲಿಪ್ಯಾಡ್​ ಅನ್ನು ಶೀಘ್ರವೇ ಧ್ವಂಸ ಮಾಡಲಾಗುತ್ತದೆ ಎಂದು ಕೆಲವು ಮಾಧ್ಯಮಗಳು ವರದಿ ಮಾಡಿವೆ.

ಫೆಬ್ರವರಿ 2017ರಲ್ಲಿ ಈ ಹೆಲಿಪ್ಯಾಡ್​ ಅನ್ನು ನಿರ್ಮಾಣ ಮಾಡಲಾಗಿದ್ದು, ಎಂಟು ಇಂಚು ಆಳಕ್ಕೆ ಮತ್ತು 50 ಅಡಿ ಉದ್ದದ ಕಾಂಕ್ರಿಟ್ ಸ್ಲ್ಯಾಬ್ ಮೂಲಕ ನಿರ್ಮಾಣ ಮಾಡಲಾಗಿದೆ. ಈಗ ಆ ಹೆಲಿಪ್ಯಾಡ್ ಅನ್ನು ಧ್ವಂಸಗೊಳಿಸುವ ಮಾತುಗಳು ಕೇಳಿಬರುತ್ತಿವೆ.

ಪಾಮ್​ ಬೀಚ್ ನಗರದ ಮ್ಯಾನೇಜರ್ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, ನಗರ ಕ್ಲಬ್​ನ ಪ್ರತಿನಿಧಿಗಳು ಕೆಲವು ವಾರಗಳ ಹಿಂದೆ ಹೆಲಿಪ್ಯಾಡ್​ ಕೆಡವಲು ಅನುಮತಿ ಪಡೆದುಕೊಂಡಿದ್ದು, ಇನ್ನೂ ದಿನಾಂಕ ನಿಗದಿ ಮಾಡಿಲ್ಲ.

ಇದನ್ನೂ ಓದಿ:ಫೆಬ್ರವರಿ 6 ರಂದು ಮೂರು ಗಂಟೆಗಳ ಕಾಲ 'ಚಕ್ಕಾ ಜಾಮ್': ಟಿಕಾಯತ್​ ಘೋಷಣೆ

ಪಾಮ್ ಬೀಚ್​ನಲ್ಲಿ ಯಾವುದೇ ರೀತಿಯ ಹೆಲಿಕಾಪ್ಟರ್​ಗಳಿಗೆ ಪ್ರವೇಶ ಇರುವುದಿಲ್ಲ. ಅದರ ಜೊತೆಗೆ ಹೆಲಿಪ್ಯಾಡ್​ಗಳನ್ನೂ ನಿರ್ಮಿಸುವಂತಿಲ್ಲ. ಆದರೆ, ವ್ಯವಹಾರದ ವಿಚಾರವಾಗಿ ಅಧಿಕಾರಿಗಳಿಗಾಗಿ ಈ ಹೆಲಿಕಾಪ್ಟರ್​ಗಳ ಬಳಕೆಗೆ ಅವಕಾಶ ಇತ್ತು.

ಇದಕ್ಕಾಗಿ ಟ್ರಂಪ್ ಅಧಿಕಾರಾವಧಿಯಲ್ಲಿ ಹೆಲಿಪ್ಯಾಡ್​ ಅನ್ನು ನಿರ್ಮಿಸಲಾಗಿದ್ದು, ಪಾಮ್ ಬೀಚ್​ನಲ್ಲಿ ಅಧಿಕಾರಿಗಳು ಹಿಂದಿನ ತಿಂಗಳು ಮಾರ್​ - ಎ - ಲಾಗೋನಲ್ಲಿ ನಿವಾಸ ಬಳಿ ಪರಿಶೀಲನೆ ನಡೆಸಿತ್ತು. ಅಲ್ಲಿನ ಜನಪ್ರತಿನಿಧಿಗಳು ಹೆಲಿಪ್ಯಾಡ್ ಧ್ವಂಸಗೊಳಿಸಲು ಅನುಮತಿ ಕೇಳಿದ್ದಾರೆ ಎಂದು ಪಾಮ್ ಬೀಚ್ ಡೈಲಿ ನ್ಯೂಸ್ ವರದಿ ಮಾಡಿದೆ.