ಸಿಯಾಟಲ್: ವಾಷಿಂಗ್ಟನ್ ರಾಜ್ಯದ ಸಿಯಾಟಲ್ ನಗರದಲ್ಲಿ ಕಳೆದ ವಾರ ಭೂಕುಸಿತ ಸಂಭವಿಸಿತ್ತು. ಈ ವೇಳೆ, ಕುಸಿದು ಬಿದ್ದ ಮನೆಯೊಳಗೆ ಶ್ವಾನವೊಂದು ಸಿಲುಕಿತ್ತು. ಆರು ದಿನಗಳಿಂದ ಸಿಲುಕಿದ್ದ ಶ್ವಾನ ರಕ್ಷಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಇದನ್ನು ಓದಿ:
ಕುಸಿದ ಮನೆ ಅವಶೇಷದಡಿ ಸಿಲುಕಿದ್ದ ಶ್ವಾನ.. ಆರು ದಿನಗಳ ಬಳಿಕವೂ ಬದುಕುಳಿದ ಬಡಜೀವ!
6 ದಿನಗಳ ಹಿಂದೆ ಭೂಕುಸಿತ ವೇಳೆ ಮನೆಯೊಂದು ಕುಸಿದು ಬಿದ್ದಿತ್ತು. ಆದರೆ, ಮನೆಯ ಕುಸಿತದಿಂದಾಗಿ ಅವಶೇಷಗಳಡಿ ನಾಯಿಯೊಂದು ಸಿಲುಕಿದ್ದು, 6 ದಿನಗಳ ನಂತರ ಶ್ವಾನವನ್ನು ರಕ್ಷಿಸಿರುವ ಘಟನೆ ಅಮೆರಿಕದ ವಾಷಿಂಗ್ಟನ್ನಲ್ಲಿ ನಡೆದಿದೆ.
ಆರು ದಿನಗಳ ಬಳಿಕ ಬದುಕಿತು ಬಡಜೀವ
ಕಪ್ಪು ಲ್ಯಾಬ್ರಡಾರ್ ಶ್ವಾನವನ್ನು ರಕ್ಷಿಸಿದ ಬಳಿಕ ‘ನನ್ನ ಮಗು.. ನನ್ನ ಮಗು..’ ಎಂದು ಮನೆಯ ಮಾಲೀಕ ತಬ್ಬಿಕೊಂಡು ಆನಂದಬಾಷ್ಪ ಸುರಿಸಿದರು. ಸಿಯಾಟಲ್ನ ಅಗ್ನಿಶಾಮಕ ಇಲಾಖೆ ಗುರುವಾರ ಟ್ವಿಟರ್‌ನಲ್ಲಿ ಈ ಘಟನೆಯ ಬಗ್ಗೆ ಬರೆದುಕೊಂಡಿದ್ದಾರೆ.
ಘಟನಾ ಸ್ಥಳದಲ್ಲಿದ್ದ ಪಶುವೈದ್ಯರು ಬದುಕುಳಿದ ಶ್ವಾನದ ಆರೋಗ್ಯ ಪರೀಕ್ಷಿಸಿದರು. ಈ ವೇಳೆ ಮನೆ ಮಾಲೀಕ ಫ್ರಿಟ್ಸ್ ಅವರನ್ನು ನೋಡಿದ ಶ್ವಾನ ಸ್ಯಾಮಿ ತನ್ನ ಬಾಲವನ್ನು ಅಲ್ಲಾಡಿಸಿ ನಾನಿನ್ನೂ ಇದ್ದೇನೆ ಎಂಬುದನ್ನು ತೋರಿಸಿತು. ಬದುಕುಳಿದ ಶ್ವಾನ ಕಂಡು ಮಾಲೀಕರು ಹರ್ಷಚಿತ್ತರಾದರು.