ಲಕ್ಷ್ಮಣ್ ಉಟೇಕರ್ ಅವರು ಉತ್ತಮ ಚಿತ್ರಗಳನ್ನು ನಿರ್ದೇಶಿಸಿ ಹೆಸರುವಾಸಿಯಾಗಿದ್ದಾರೆ. ಇಂದು ಅವರ ಬಹುನಿರೀಕ್ಷಿತ 'ಜರಾ ಹಟ್ಕೆ ಜರಾ ಬಚ್ಕೆ' (Zara Hatke Zara Bachke) ಚಿತ್ರ ತೆರೆ ಕಂಡಿದೆ. ಈ ಸಿನಿಮಾ ಹಾಸ್ಯ, ಸಮಾಜದಿಂದ ಎದುರಾಗುವ ಕಾಮೆಂಟ್ಗಳು ಮತ್ತು ಪ್ರೀತಿಯಲ್ಲಿರುವ ದಂಪತಿಯ ಕುರಿತಾಗಿದೆ. ಮಧ್ಯಮ ವರ್ಗದ ಕುಟುಂಬದ ಕಥೆ ಆಧರಿಸಿದ ಈ ಚಿತ್ರದಲ್ಲಿ, ವಿಕ್ಕಿ ಕೌಶಲ್ ಇಂದೋರ್ನ ಜಿಮ್ ತರಬೇತುದಾರ ಕಪಿಲ್ ಪಾತ್ರವನ್ನು ನಿರ್ವಹಿಸಿದರೆ, ಸಾರಾ ಅಲಿ ಖಾನ್ ಮಕ್ಕಳಿಗೆ ಕೋಚಿಂಗ್ ಕಲಿಸುವ ಸೌಮ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಚಿತ್ರದ ಕಥೆ: ವಿಕ್ಕಿ ಕೌಶಲ್ ಮತ್ತು ಸಾರಾ ಅಲಿ ಖಾನ್ ಮೊದಲ ಬಾರಿಗೆ ಕಾಲೇಜಿನಲ್ಲಿ ಭೇಟಿಯಾಗುತ್ತಾರೆ ಮತ್ತು ಕಾಲಾನಂತರದಲ್ಲಿ ಅವರ ಸ್ನೇಹ ಪ್ರೀತಿಗೆ ತಿರುಗುತ್ತದೆ. ದಾಂಪತ್ಯ ಜೀವನ ಶುರು ಮಾಡುತ್ತಾರೆ. ಆದರೆ, ಅವರು ತಮ್ಮ ವೈವಾಹಿಕ ಜೀವನದ ಬಗ್ಗೆ ಕನಸು ಕಂಡಂತೆ ಏನೂ ಆಗುವುದಿಲ್ಲ. ತಮ್ಮ ಜೀವನದಲ್ಲಿ ಶಾಂತಿ ಮತ್ತು ಸಂತೋಷ ಕಂಡುಕೊಳ್ಳಲು ಬಯಸುತ್ತಾರೆ.
ಮಧ್ಯಮ ವರ್ಗದ ಕುಟುಂಬವು ಪೋಷಕರು ಮತ್ತು ಸಂಬಂಧಿಯಿಂದ ಕೂಡಿರುತ್ತದೆ. ಇದರಿಂದಾಗಿ ಸಾರಾ ಮತ್ತು ವಿಕ್ಕಿ ತಮ್ಮ ಖಾಸಗಿ ಸಮಯಕ್ಕಾಗಿ ಹಂಬಲಿಸುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಸಾರಾ ತಮ್ಮ ಸ್ವಂತ ಮನೆ ಹೊಂದಲು ಬಯಸುತ್ತಾರೆ. ಅದನ್ನು ಅವರು ಸಂಪೂರ್ಣವಾಗಿ ತಮ್ಮದೇ ಮನೆ ಎಂದು ಕರೆಯಬಹುದು. ಇದು ಮಧ್ಯಮ ವರ್ಗದ ಹೆಚ್ಚಿನವರ ಕನಸು. ಅನೇಕರಿಗೆ, ಸಂಪನ್ಮೂಲಗಳ ಕೊರತೆ ಮತ್ತು ಕುಟುಂಬದಿಂದ ಬೇರ್ಪಟ್ಟ ನೋವಿನ ಹಿನ್ನೆಲೆ ಕನಸು ಸಂಪೂರ್ಣವಾಗಿ ನನಸಾಗುವುದಿಲ್ಲ.
ಸೌಮ್ಯ ಮತ್ತು ಕಪಿಲ್ ಮನೆ ಹುಡುಕಲು ಹೊರಟರು. ಆದರೆ ಮೋಸ, ಗೇಲಿಗೆ ಒಳಗಾಗುತ್ತಾರೆ. ಆದರೆ, ಒಂದು ದಿನ ಸೌಮ್ಯ ಅವರಿಗೆ ಸರ್ಕಾರಿ ವಸತಿ ಯೋಜನೆ, ವಿಚ್ಛೇದಿತ ಮಹಿಳೆಯರಿಗೆ ಕೈಗೆಟುಕುವ ಮನೆ ಬಗ್ಗೆ ತಿಳಿಯುತ್ತದೆ. ಈ ಫಾರ್ಮ್ ನೋಡಿದ ಸೌಮ್ಯ ಮತ್ತು ವಿಕ್ಕಿ ಅವರು ಜಗಳವಾಡಿ ವಿಚ್ಛೇದನ ಪಡೆದು ಸರ್ಕಾರಿ ಯೋಜನೆಯಡಿ ಮಂಜೂರಾಗಿರುವ ಮನೆಯನ್ನು ತಮ್ಮದಾಗಿಸಲು ಪ್ಲ್ಯಾನ್ ಮಾಡುತ್ತಾರೆ. ಇಲ್ಲಿ ವಿಚ್ಛೇದನ ಅವರಾಡುವ ನಾಟಕ.