ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಮತ್ತು ಗೌರಿ ಖಾನ್ ದಂಪತಿಯ ಮಕ್ಕಳಾದ ಸುಹಾನಾ ಖಾನ್, ಆರ್ಯನ್ ಖಾನ್ ಮತ್ತು ಅಬ್ರಾಮ್ ಖಾನ್ ಸದಾ ಒಂದಲ್ಲ ಒಂದು ವಿಚಾರವಾಗಿ ಸುದ್ದಿಯಲ್ಲಿರುತ್ತಾರೆ. ಸ್ಟಾರ್ ಕಿಡ್ಗಳು ಸೋಷಿಯಲ್ ಮೀಡಿಯಾದಲ್ಲಿ ಕಾಣಿಸಿಕೊಂಡಾಗಲೆಲ್ಲಾ ಅಭಿಮಾನಿಗಳು ಫುಲ್ ಖುಷಿಯಾಗುತ್ತಾರೆ. ಭಾನುವಾರ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆದ ಮುಂಬೈ ಇಂಡಿಯನ್ಸ್ ಮತ್ತು ಕೊಲ್ಕತ್ತಾ ನೈಟ್ ರೈಡರ್ಸ್ ಪಂದ್ಯದ ವೇಳೆ ಶಾರುಖ್ ಕಿರಿಯ ಮಕ್ಕಳಾದ ಸುಹಾನಾ ಖಾನ್ ಮತ್ತು ಅಬ್ರಾಮ್ ಖಾನ್ ವಿಶೇಷವಾಗಿ ಗಮನ ಸೆಳೆದರು.
ಶಾರುಖ್ ಖಾನ್ ಅವರು ಕೋಲ್ಕತ್ತಾ ನೈಟ್ ರೇಡರ್ಸ್ ತಂಡದ ಸಹ ಮಾಲೀಕರಾಗಿದ್ದಾರೆ. ಹೀಗಾಗಿ ಕೋಲ್ಕತ್ತಾ ಪಂದ್ಯ ಇರುವಾಗ ಅವರು ಸ್ಟೇಡಿಯಂಗೆ ತೆರಳಿ ಪಂದ್ಯವನ್ನು ವೀಕ್ಷಿಸುತ್ತಾರೆ. ಜೊತೆಗೆ ತಂಡದ ಆಟಗಾರರಿಗೆ ಹುರಿದುಂಬಿಸುತ್ತಾರೆ. ಅದರಂತೆ ನಿನ್ನೆ ಅವರ ಮಕ್ಕಳಿಬ್ಬರು ಸುಹಾನ್ ಮತ್ತು ಅಬ್ರಾಮ್ ಪಂದ್ಯ ವೀಕ್ಷಿಸಲು ವಾಖೆಂಡೆ ಸ್ಟೇಡಿಯಂಗೆ ತೆರಳಿದ್ದರು. ಸದ್ಯ ಸ್ಟೇಡಿಯಂನಲ್ಲಿ ಸುಹಾನಾ ಮತ್ತು ಅಬ್ರಾಮ್ ಪ್ರೀತಿಯ ಕ್ಷಣವನ್ನು ಹಂಚಿಕೊಳ್ಳುವ ವಿಡಿಯೋ ವೈರಲ್ ಆಗಿದೆ. ಈ ದೃಶ್ಯವು ಸೋಷಿಯಲ್ ಮೀಡಿಯಾದಲ್ಲಿ ಫ್ಯಾನ್ಸ್ ಪ್ರೀತಿ ಪಡೆಯುವಲ್ಲಿ ಯಶಸ್ವಿಯಾಗಿದೆ.
ವಿಡಿಯೋದಲ್ಲಿ ಸುಹಾನಾ ಸಹೋದರನ ಹಿಂದೆ ಹಳಿಗಳನ್ನು ಹಿಡಿದು ನಿಂತಿರುವುದನ್ನು ಕಾಣಬಹುದು. ಅವರಿಬ್ಬರು ಸಂಭಾಷಣೆಯಲ್ಲಿ ತೊಡಗಿರುವಾಗ ಸುಹಾನಾ ಮುಂದೆ ಬಾಗಿ ಅಬ್ರಾಹಂ ಜೊತೆ ಏನೋ ಹೇಳುತ್ತಾರೆ. ಸುಹಾನಾ ತನ್ನ ನೋಟವನ್ನು ಪೂರ್ಣಗೊಳಿಸಲು ರೆಡ್ ವಿತ್ ಬ್ಲ್ಯಾಕ್ ಟಿ-ಶರ್ಟ್ ಧರಸಿ ಕ್ಯಾಶುವಲ್ ಉಡುಪಿನಲ್ಲಿ ಕಾಣಿಸಿಕೊಂಡರು. ಅದಕ್ಕೆ ಮ್ಯಾಚಿಂಗ್ ಆಗುವಂತ ಒಂದು ಜೋಡಿ ಗೋಲ್ಡನ್ ಕಿವಿಯೋಲೆ ಧರಿಸಿದ್ದರು. ಇವರಿಬ್ಬರ ಸಂಭಾಷಣೆಯ ವಿಡಿಯೋ ಹೆಚ್ಚು ಮೆಚ್ಚುಗೆ ಪಡೆದು ಕೊಂಡಿದೆ.