ಹೇಗಿತ್ತು ಗೊತ್ತಾ ಶಾರುಖ್ ​ಖಾನ್​ ಹುಟ್ಟು ಹಬ್ಬದ ಪಾರ್ಟಿ; ಇಲ್ಲಿದೆ ನೋಡಿ ಫೋಟೋಸ್​!

58ನೇ ಹುಟ್ಟು ಹಬ್ಬದ ನಿಮಿತ್ತ ನಟ ಶಾರುಖ್​ ಖಾನ್​ ಬಾಲಿವುಡ್​​ ಸೇರಿದಂತೆ ಆತ್ಮೀಯ ಸ್ನೇಹಿತರಿಗೆ ಮುಂಬೈನಲ್ಲಿ ಪಾರ್ಟಿ ಆಯೋಜಿಸಿದ್ದರು.

ಬೆಂಗಳೂರು: ನವೆಂಬರ್​ 2ರಂದು ಬಾಲಿವುಡ್​ ಕಿಂಗ್​ ಖಾನ್ ಶಾರುಖ್​ ಖಾನ್​​ 58ನೇ ವಸಂತಕ್ಕೆ ಕಾಲಿರಿಸಿದ್ದರು. ಈ ಜನ್ಮ ದಿನವನ್ನು ಶಾರುಖ್​ ಖಾನ್​ ತಮ್ಮ ಬಾಲಿವುಡ್​ ಮಂದಿ ಮತ್ತು ತಮ್ಮ ಸಹಚರರ ಜೊತೆಗೆ ಆಚರಿಸಿದ್ದಾರೆ. ಈ ಅದ್ದೂರಿ ಪಾರ್ಟಿಯ ಫೋಟೋಗಳು ಇದೀಗ ಎಲ್ಲೆಡೆ ವೈರಲ್​ ಆಗಿದೆ. ನಟಿ ಆಲಿಯಾ ಭಟ್​, ರಣವೀರ್​ ಸಿಂಗ್​ ಮತ್ತು ದೀಪಿಕಾ ಪಡುಕೋಣೆ ಸೇರಿದಂತೆ ಹಲವು ಮಂದಿ ಈ ಪಾರ್ಟಿಯಲ್ಲಿ ಹಾಜರಾಗಿದ್ದರು.

ಫೋಟೋಗೆ ಫೋಸ್​ ನೀಡಿದ ಆಲಿಯಾ

ಮುಂಬೈನಲ್ಲಿ ನಡೆದ ಈ ಹುಟ್ಟು ಹಬ್ಬದ ಪಾರ್ಟಿಗೆ ಆಗಮಿಸಿದ ಕೆಲವು ಗಣ್ಯರು ಮತ್ತು ಬಾಲಿವುಡ್​ ಉದ್ಯಮದ ಮಂದಿ ಈ ಕ್ಷಣಗಳ ಫೋಟೋವನ್ನು ಸೆರೆ ಹಿಡಿದಿದ್ದಾರೆ. ಅಲ್ಲದೇ, ಇದನ್ನು ತಮ್ಮ ಸಾಮಾಜಿಕ ಜಾಲತಾಣ, ವಾಟ್ಸ್​ಆ್ಯಪ್​ ಸ್ಟೇಟಸ್​ನಲ್ಲಿ ಹಂಚಿಕೊಂಡಿದ್ದಾರೆ.

ಸ್ನೇಹ ಕೆ ತಂಡನ್​ ಮತ್ತವರ ಗೆಳತಿಯರು

ಆಲಿಯಾ ಭಟ್​​ ಪಾರ್ಟಿಯಲ್ಲಿ ಕಪ್ಪು ಉಡುಗೆಯಲ್ಲಿ ಕಂಗೊಳಿಸಿದ್ದು, ಕಾರ್ಯಕ್ರಮದ ಅತಿಥಿಗಳ ಜೊತೆಗೆ ಸೆಲ್ಫಿಗೆ ಫೋಸ್​ ನೀಡಿದ್ದಾರೆ. ಇದೇ ವೇಳೆ ಅವರ ಸಹೋದರಿ ಶಹೀನ್​ ಭಟ್​​ ಕೂಡ ಅವರಿಗೆ ಕಂಡು ಬಂದಿದ್ದು, ನೇರಳೆ ಬಣ್ಣದ ಧಿರಿಸಿನಲ್ಲಿ ಅವರು ಕಂಡು ಬಂದಿದ್ದಾರೆ. ಮತ್ತೊಂದು ಚಿತ್ರದಲ್ಲಿ ರಣವೀರ್​ ಸಿಂಗ್​ ಕಪ್ಪು ಬಣ್ಣದ ಸೂಟ್​ನಲ್ಲಿ ಕಂಡು ಬಂದಿದ್ದರೆ, ಅವರ ಮುದ್ದಿನ ಮಡದಿ ದೀಪಿಕಾ ಪಡುಕೋಣೆ ಮಿಂಚುವ (ಶಿಮರಿ) ಮಿನಿ ಡ್ರೆಸ್​ನಲ್ಲಿ ಕಾಣಿಸಿಕೊಂಡರು.

ದೀಪಿಕಾ- ರಣವೀರ್ ಸಿಂಗ್​ ಜೊತೆ ರವೀನಾ

ಶಾರುಖ್​​ ಅಭಿನಯದ ಜವಾನ್​ ಚಿತ್ರದ ಯಶ್ಸಸಿನ ನಿರ್ದೇಶಕ ಆಟ್ಲಿ ಕೂಡ ಪಾರ್ಟಿಯಲ್ಲಿ ಹಾಜರಾಗಿದ್ದು, ದಕ್ಷಿಣ ಭಾರತದ ನಿರ್ದೇಶಕ ಅನೇಕ ಹಿಂದಿ ನಟಿಯರೊಂದಿಗೆ ಫೋಟೋಗೆ ಫೋಸ್​ ನೀಡಿದರು. ಇನ್ನು ಶಾರುಖ್​​ ಹುಟ್ಟು ಹಬ್ಬದ ಹಿನ್ನೆಲೆ ಅವರ ಮುಂದಿನ ಬಹು ನಿರೀಕ್ಷೆಯ ಡಂಕಿ ಚಿತ್ರದ ಟೀಸರ್​ ಅನ್ನು ನೀಡಿದ ಚಿತ್ರ ನಿರ್ದೇಶ ರಾಜ್​ಕುಮಾರ್​ ಹಿರಾನಿ ಮತ್ತು ಅವರ ಹೆಂಡತಿ ಕೂಡ ಸಮಾರಂಭದಲ್ಲಿ ಕಂಡರು. ಭಾರತೀಯ ಕ್ರಿಕೆಟಿಗ ಮಾಜಿ ನಾಯಕ ಮಹೇಂದ್ರ ಸಿಂಗ್​ ಧೋನಿ ಕೂಡ ಪಾರ್ಟಿಗೆ ಆಗಮಿಸಿ ಶಾರುಖ್​​ಗೆ ಶುಭ ಕೋರಿದರು. ಶಾಹೀದ್​ ಕಪೂರ್​ ಹೆಂಡತಿ ಮೀರಾ ರಜ್​ಪೂತ್​​ ಈ ಸಂಭ್ರಮದ ಕ್ಷಣಗಳನ್ನು ಫೋಟೋ ಮೂಲಕ ಸೆರೆ ಹಿಡಿದಿದ್ದಾರೆ.

ನಿರ್ದೇಶಕ ಆಟ್ಲಿ ಜೊತೆ ರವೀನಾ

ಕರೀನಾ ಕಪೂರ್​ ಖಾನ್​, ಕರಿಷ್ಮಾ ಕಪೂರ್​ ಮತ್ತು ಅಮೃತಾ ಆರೋರ ತಮ್ಮ ಗ್ಲಾಮರ್​ ಲುಕ್​ನಿಂದ ಪಾರ್ಟಿಯಲ್ಲಿ ಕಂಗೊಳಿಸಿದ್ದಾರೆ. ಕರೀನಾ ಸಾಟಿನ್​ ಗೌನ್​ನಲ್ಲಿ ಕಂಡರೆ, ಕರಿಷ್ಮಾ ಮಿಂಚುವ ಹಸಿರು ಉಡುಗೆಯಲ್ಲಿ ಕಂಡು ಬಂದಿದ್ದಾರೆ.

ಧೋನಿಯೊಂದಿಗೆ ರವೀನಾ ಟಂಡನ್​

ಇದನ್ನೂ ಓದಿ: ಅಭಿಮಾನಿಗಳೊಂದಿಗೆ ಕುಣಿದು ಕುಪ್ಪಳಿಸಿದ ಶಾರುಖ್ ಖಾನ್: 'ಡಂಕಿ' ಬಗ್ಗೆ ಮತ್ತಷ್ಟು ಡೀಟೆಲ್ಸ್