ಬಾಲಿವುಡ್ ಬಹುಬೇಡಿಕೆ ನಟರಾದ ಕಾರ್ತಿಕ್ ಆರ್ಯನ್ ಮತ್ತು ಕಿಯಾರಾ ಅಡ್ವಾಣಿ ಜೋಡಿಯ ರೊಮ್ಯಾಂಟಿಕ್ ಸಿನಿಮಾ 'ಸತ್ಯಪ್ರೇಮ್ ಕಿ ಕಥಾ' ಇಂದು ಥಿಯೇಟರ್‌ಗಳಲ್ಲಿ ಅದ್ಧೂರಿಯಾಗಿ ಬಿಡುಗಡೆ ಆಗಿದೆ. ಪ್ರೇಕ್ಷಕರು ಸಿನಿಮಾವನ್ನು ಮೆಚ್ಚಿಕೊಂಡಿದ್ದಾರೆ. ಈ ಸಿನಿಮಾ ಮೂಲಕ ಕಾರ್ತಿಕ್ ಮತ್ತು ಕಿಯಾರಾ ಜೋಡಿ ಮತ್ತೊಮ್ಮೆ ಪ್ರೇಕ್ಷಕರ ಪ್ರೀತಿ ಗಳಿಸಿದೆ.
ಈ ಚಿತ್ರ ಹಿಟ್ ಆಗೋದು ಪಕ್ಕಾ:ಈ ಹಿಂದೆ ಇದೇ ಜೋಡಿ ಭೂಲ್ ಭುಲಯ್ಯಾ 2 ಚಿತ್ರದಲ್ಲಿ ಕಾಣಿಸಿಕೊಂಡಿತ್ತು. ಆ ಸಿನಿಮಾ ಕೂಡ ಬಾಕ್ಸ್ ಆಫೀಸ್‌ನಲ್ಲಿ 250 ಕೋಟಿ ರೂಪಾಯಿಗೂ ಹೆಚ್ಚು ಕಲೆಕ್ಷನ್ ಮಾಡುವಲ್ಲಿ ಯಶಸ್ವಿಯಾಗಿದೆ. ಇದೀಗ ಸತ್ಯಪ್ರೇಮ್ ಕಿ ಕಥಾ ಚಿತ್ರದ ಫಸ್ಟ್ ಶೋ ನೋಡಿದ ಪ್ರೇಕ್ಷಕರು ಟ್ವಿಟ್ಟರ್ನಲ್ಲಿ ತಮ್ಮ ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಬಹುತೇಕ ವೀಕ್ಷಕರು ಈ ಚಿತ್ರ ಹಿಟ್ ಆಗೋದು ಪಕ್ಕಾ ಎಂದು ಹೇಳುತ್ತಿದ್ದಾರೆ. ಸಿನಿಮಾ ಹಿಟ್ ಆಗುವ ನಿರೀಕ್ಷೆಯಲ್ಲಿ ಚಿತ್ರತಂಡವಿದೆ.
ಕಾರ್ತಿಕ್ ಕಿಯಾರಾ ರಾಕ್ :ಸತ್ಯಪ್ರೇಮ್ ಕಿ ಕಥಾಚಿತ್ರ ಬಿಡುಗಡೆಯಾದ ನಂತರ ಟ್ವಿಟರ್‌ನಲ್ಲಿ ಪ್ರೇಕ್ಷಕರು ಕಾಲಕಾಲಕ್ಕೆ ತಮ್ಮ ಪ್ರತಿಕ್ರಿಯೆ ವ್ಯಕ್ತಪಡಿಸಲು ಪ್ರಾರಂಭಿಸಿದರು. ಕಾರ್ತಿಕ್ ಕಿಯಾರಾ ಅವರ ಭೂಲ್ ಭುಲೈಯಾ 2 ನಂತರ, ಈ ಚಿತ್ರವೂ ಬ್ಲಾಕ್ಬಸ್ಟರ್ ಆಗಲಿದೆ. ಸುಂದರವಾದ ಪ್ರೇಮಕಥೆ. ಅದ್ಭುತ, ಕಾರ್ತಿಕ್ ಕಿಯಾರಾ ರಾಕ್ ಎಂದೆಲ್ಲಾ ತಿಳಿಸಿದ್ದಾರೆ. ಮನರಂಜನೆ, ಪ್ರೀತಿ, ಭಾವನೆ ಎಲ್ಲವೂ ಈ ಚಿತ್ರದಲ್ಲಿದೆ. ತಂದೆ ಮಗನ ಮೇಲೆ ಚಿತ್ರಿಸಿರುವ ಚಿತ್ರದ ಕೆಲ ದೃಶ್ಯಗಳು ಹೃದಯ ಕರಗಿಸಿದೆ, ಕಾರ್ತಿಕ್ ಚೆನ್ನಾಗಿ ನಟಿಸಿದ್ದಾರೆ ಎಂದು ಅಭಿಮಾನಿಗಳು ತಿಳಿಸಿದ್ದಾರೆ.