ಅಭಿಮಾನಿ ಕೆನ್ನೆಗೆ ಪ್ರೀತಿಯ ಪೆಟ್ಟು ಕೊಟ್ಟ ನಟಿ ರೇಖಾ: ವಿಡಿಯೋ ವೈರಲ್​

ಮುಂಬೈ ಕಾರ್ಯಕ್ರಮದಲ್ಲಿ ಭಾಗಿಯಾದ ನಟಿ ರೇಖಾ ತಮ್ಮ ಅದ್ಬುತ ಚೆಲುವಿನ ಜೊತೆಗೆ ಅಂದದ ಸೀರೆ, ಆಭರಣದ ಜೊತೆ ಕಂಗೊಳಿಸಿದ್ದಾರೆ

ತಮ್ಮ ಫ್ಯಾಷನ್​ಸೆನ್ಸ್​​ ಮೂಲಕ ಅಭಿಮಾನಿಗಳನ್ನು ಸೆಳೆಯುವಲ್ಲಿ ಬಾಲಿವುಡ್​ ನಟಿ ರೇಖಾ ಎಂದಿಗೂ ಸೋತಿಲ್ಲ. ಬುಧವಾರ ಕೂಡ ತಮ್ಮ ಈ ಐಕಾನಿಕ್​ ಸ್ಟೈಲ್​ ಮೂಲಕ ಮುಂಬೈನ ಪ್ರಶಸ್ತಿ ಸಮಾರಂಭದಲ್ಲಿ ಅವರು ಮಿಂಚಿದ್ದಾರೆ. ತಮ್ಮ ಎಂದಿನ ಸ್ಟೈಲ್​ ಜೊತೆಗೆ ಅವರ ಟ್ರೇಡ್​ ಮಾರ್ಕ್​ ಆಗಿರುವ ಅದ್ಭುತ ಬಂಗಾರದ ಬಣ್ಣದ ಸೀರೆಯುಟ್ಟು ಕಂಗೊಳಿಸುತ್ತಾರೆ. ಈ ಪ್ರಶಸ್ತಿ ಕಾರ್ಯಕ್ರಮದಲ್ಲೂ ತಮ್ಮ ಅದ್ಬುತ ಧಿರಿಸಿನ ಜೊತೆ ಕಂಗೊಳಿಸಿದ್ದಾರೆ. ಇದೇ ವೇಳೆ, ಅಭಿಮಾನಿಯೊಬ್ಬರ ಕೆನ್ನೆಗೆ ಪ್ರೀತಿಯಿಂದ ಹೊಡೆದಿರುವ ವಿಡಿಯೋ ವೈರಲ್​ ಆಗಿದೆ.

ಪ್ಯಾಪಾರಾಜಿಗಳು ಇನ್​​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಈ ವೈರಲ್​ ವಿಡಿಯೋದಲ್ಲಿ 68 ವರ್ಷದ ಹಿರಿಯ ನಟಿ, ಗೋಲ್ಡನ್​, ಸಿಲ್ವರ್​ ಬಣ್ಣದ ಧೋತಿ ಶೈಲಿನ ಚೂಡಿದಾರ್​​ ಧರಿಸಿ ಕಂಗೊಳಿಸಿದ್ದಾರೆ. ಮನೀಷ್​ ಮಲ್ಹೋತ್ರಾ ವಿನ್ಯಾಸ ಮಾಡಿರುವ ಈ ಧಿರಿಸಿಗೆ ಮೆಚ್ಚುಗೆ ಕೂಡ ವ್ಯಕ್ತವಾಗಿದೆ. ಸಂಪ್ರದಾಯಿಕ ಆಭರಣ ಜೊತೆಗೆ ಬಿಳಿ ಮತ್ತು ಗೋಲ್ಡನ್​ ಬಣ್ಣದ ಹೀಲ್ಸ್​​ ಧರಿಸಿದ್ದಾರೆ. ಈ ವೇಳೆ, ಅಭಿಮಾನಿಯೊಬ್ಬರು ರೇಖಾ ಅವರೊಂದಿಗೆ ಫೋಟೋವನ್ನು ತೆಗೆದುಕೊಳ್ಳಲು ಮುಂದಾಗಿದ್ದಾರೆ. ಆಗ ಆ ವ್ಯಕ್ತಿಯ ಕೆನ್ನೆಗೆ ಪ್ರೀತಿಯ ಹೊಡೆತ ನೀಡಿರುವ ವಿಡಿಯೋ ವೈರಲ್​ ಆಗಿದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆ ನೆಟ್ಟಿಗರು ಕಮೆಂಟ್​ ಮತ್ತು ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ. ವಿಡಿಯೋಗೆ ಪ್ರತಿಕ್ರಿಯಿಸಿರುವ ನೆಟ್ಟಿಗರೊಬ್ಬರು, ಆತ ತುಂಬಾ ಲಕ್ಕಿ ಎಂದಿದ್ದಾರೆ. ಮತ್ತೊಬ್ಬರು, ಆಕೆ ಪ್ರೀತಿ ತುಂಬಿದ ಹೃದಯ ಹೊಂದಿದ್ದಾರೆ ಎಂದಿದ್ದಾರೆ. ಮತ್ತೊಬ್ಬ ಅಭಿಮಾನಿ ಸದಾಕಾಲದ ಲೆಜೆಂಡ್​, ಅವರು ಅದ್ಬುತ ಎಂದಿದ್ದಾರೆ.

ಬಾಲಿವುಡ್​ನ ಖ್ಯಾತ ವಸ್ತ್ರ ವಿನ್ಯಾಸಕ ಮನೀಷ್​ ಮಲ್ಹೋತ್ರಾ ಅವರ ಕಾರ್ಯಕ್ರಮದಲ್ಲಿ ನಟಿ ರೇಖಾ ಭಾಗಿಯಾಗಿದ್ದರು. ನಟಿ ರೇಖಾ 2014ರಲ್ಲಿ ಸೂಪರ್​ ನಾನಿ ಚಿತ್ರದಲ್ಲಿ ಕಡೆಯದಾಗಿ ಅವರು ಬಣ್ಣ ಹಚ್ಚಿದ್ದರು.

ಹೊಸ ಎಲೆಕ್ಟ್ರಿಕ್​ ಕಾರ್​ನಲ್ಲಿ ಆಗಮಿಸಿದ ನಟಿ: ಬಾಲಿವುಡ್​ ನಟಿ ರೇಖಾ ಕಾರ್ಯಕ್ರಮಕ್ಕೆ ಹೊಸ ಐಷಾರಾಮಿ ಎಲೆಕ್ಟ್ರಿಕ್​ ಕಾರ್​ನಲ್ಲಿ ಬಂದಿದ್ದಾರೆ. ಬಿಎಂಡ್ಲ್ಯೂ ಐ7 ಎಲೆಕ್ಟ್ರಿಕ್​ ಐಷಾರಾಮಿ ಸೆಡನ್​ ಕಾರ್​ ಇದಾಗಿದೆ. ಇನ್ನು ನಟಿ ತಮ್ಮ ಹೊಸ ಬಿಎಂಡಬ್ಲ್ಯೂ ಐ7 ಎಲೆಕ್ಟ್ರಿಕ್​ ಲಕ್ಸುರಿ ಸೆಡನ್​ ಕಾರ್​ ಅನೇಕ ಮಂದಿ ಗಮನ ಸೆಳೆದಿದೆ. ಇನ್ನು ಈ ಐಷಾರಾಮಿ ಕಾರಿನ ಬೆಲೆ ಅಂದಾಜು 2.03 ಕಟಿ ರೂ ಆಗಿದೆ ಎಂದು ಅಂದಾಜಿಸಲಾಗಿದೆ.

ಇದನ್ನೂ ಓದಿ: ಶಾರುಖ್​ ಹಿಂದಿಕ್ಕಿ ನಂ.1 ಪಟ್ಟ ಅಲಂಕರಿಸಿದ ಸೂಪರ್‌ಸ್ಟಾರ್ ನಯನ ತಾರಾ.. "ನಿನ್ನ ಬಗ್ಗೆ ಹೆಮ್ಮೆ ಪಡುತ್ತೇನೆ" ಎಂದ ಪತಿ ವಿಘ್ನೇಶ್​