ಬಾಲಿವುಡ್ ಸೂಪರ್‌ಸ್ಟಾರ್ ಶಾರುಖ್ ಖಾನ್ ಅಭಿನಯದ ಪಠಾಣ್ ಕ್ರೇಜ್ ಕಡಿಮೆ ಆಗಿಲ್ಲ. ಶಾರುಖ್ ಜೊತೆಗೆ ದೀಪಿಕಾ ಪಡುಕೋಣೆ, ಜಾನ್ ಅಬ್ರಹಾಂ ನಟಿಸಿರುವ ಈ ಚಿತ್ರ ಅಭಿಮಾನಿಗಳನ್ನು ತಲುಪುವಲ್ಲಿ ಯಶಸ್ವಿಯಾಗಿದೆ. 27 ದಿನಗಳಲ್ಲಿ ಜಗತ್ತಿನಾದ್ಯಂತ 1,000 ಕೋಟಿ ರೂ. ಕಲೆಕ್ಷನ್ ಮಾಡುವ ಮೂಲಕ ಇತಿಹಾಸ ಸೃಷ್ಟಿಸಿದೆ. 1,000 ಕೋಟಿ ರೂಪಾಯಿ ವ್ಯವಹಾರ ನಡೆಸಿರುವ ಶಾರುಖ್ ಖಾನ್ ಅಭಿನಯದ ಮೊದಲ ಸಿನಿಮಾ 'ಪಠಾಣ್'. ಶಾರುಖ್ ಖಾನ್, ಚಿತ್ರ ನಿರ್ಮಾಪಕರು, ಚಿತ್ರತಂಡದಲ್ಲಿ ಸಂತಸದ ವಾತಾವರಣವಿದ್ದು, ವಿಡಿಯೋವೊಂದನ್ನು ಚಿತ್ರ ನಿರ್ಮಾಪಕರು ಹಂಚಿಕೊಂಡಿದ್ದಾರೆ.
ಪಠಾಣ್ ಬಿಡುಗಡೆ ಆದಾಗಿನಿಂದ 1,000 ಕೋಟಿ ರೂಪಾಯಿ ಗಳಿಸುವವರೆಗಿನ ಪಯಣವನ್ನು ಈ ವಿಡಿಯೋದಲ್ಲಿ ತೋರಿಸಲಾಗಿದೆ. ಫ್ಯಾನ್ಸ್ ಸೆಲೆಬ್ರೇಶನ್ ಹೊಂದಿರುವ ಈ ವಿಡಿಯೋವನ್ನು ಶೇರ್ ಮಾಡುವ ಮೂಲಕ 'ಪಠಾಣ್' ನಿರ್ಮಾಪಕರು ಸಂತಸ ವ್ಯಕ್ತಪಡಿಸಿದ್ದಾರೆ. ವಿವಾದಗಳ ನಡುವೆ ತೆರೆಕಂಡ 'ಪಠಾಣ್' ಸೂಪರ್ ಹಿಟ್ ಆಗಿದ್ದಕ್ಕೆ ಶಾರುಖ್ ಖಾನ್ ಹಾಗೂ ಚಿತ್ರ ನಿರ್ಮಾಪಕರು ಮಾತ್ರವಲ್ಲದೇ ಕಿಂಗ್ ಖಾನ್ ಅಭಿಮಾನಿಗಳೂ ಕೂಡ ಸಂಭ್ರಮಿಸುತ್ತಿದ್ದಾರೆ.
ಪಠಾಣ್ ಬರೋಬ್ಬರಿ 1,000 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದ ನಂತರ ಚಲನಚಿತ್ರ ನಿರ್ಮಿಸಿರುವ ಯಶ್ ರಾಜ್ ಫಿಲ್ಮ್ಸ್ ತಮ್ಮ ಅಧಿಕೃತ ಸಾಮಾಜಿಕ ಜಾಲತಾಣ ಖಾತೆಗಳಲ್ಲಿ ಈ ವಿಡಿಯೋ ಬಿಡುಗಡೆ ಮಾಡಿದ್ದಾರೆ. ಪಠಾಣ್ ಬಿಡುಗಡೆ ಆದಾಗಿನಿಂದ 1,000 ಕೋಟಿ ಗಳಿಸುವವರೆಗಿನ ಪ್ರಯಾಣವನ್ನು ತೋರಿಸಿದ್ದಾರೆ. ಈ ವಿಡಿಯೋದಲ್ಲಿ ಪಠಾಣ್ ಬಗ್ಗೆ ಅಭಿಮಾನಿಗಳಲ್ಲಿ ಯಾವ ರೀತಿಯ ಕ್ರೇಜ್ ಇತ್ತು ಅನ್ನೋದನ್ನು ತೋರಿಸಿದ್ದಾರೆ. ಪಠಾಣ್ ದಾಖಲೆ ಬರೆದಿರುವುದು ಅಭಿಮಾನಿಗಳಲ್ಲಿ ಸಂತಸ ಮೂಡಿಸಿದೆ.
2016ರಲ್ಲಿ ಬಿಡುಗಡೆ ಆದ ನಟ ಅಮೀರ್ ಖಾನ್ ಅಭಿನಯದ 'ದಂಗಲ್' ಭಾರತೀಯ ಚಿತ್ರರಂಗದಲ್ಲಿ ಈವರೆಗೆ ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾ ಆಗಿದೆ. ದಂಗಲ್ ಜಗತ್ತಿನೆಲ್ಲೆಡೆ 2,023.81 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಪ್ರಭಾಸ್ ಅಭಿನಯದ ಬಾಹುಬಲಿ-2 ಚಿತ್ರ 1,810.59 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ರಾಕಿಂಗ್ ಸ್ಟಾರ್ ಯಶ್ ನಟನೆಯ ಕೆಜಿಎಫ್-2 ಸಿನಿಮಾ 1,235.20 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಇನ್ನೂ ಜೂ. ಎನ್ಟಿಆರ್, ರಾಮ್ಚರಣ್ ಅಭಿನಯದ 'ಆರ್ಆರ್ಆರ್' ಚಿತ್ರ 1,169 ಕೋಟಿ ರೂ. ಸಂಗ್ರಹಿಸಿದ್ದು, ಇವರು ವಿಶ್ವದಾದ್ಯಂತ ಬಾಕ್ಸ್ ಆಫೀಸ್‌ನಲ್ಲಿ ದೊಡ್ಡ ಮಟ್ಟದ ಕಲೆಕ್ಷನ್ ಮಾಡಿರುವ ಭಾರತೀಯ ಚಿತ್ರಗಳಾಗಿವೆ. ಇದೀಗ ಪಠಾಣ್ ಕೂಡ ಈ ಸಾಲಿಗೆ ಸೇರಿದೆ.
ಇದನ್ನೂ ಓದಿ:ಸಾವಿರ ಕೋಟಿ ಕ್ಲಬ್ ಸೇರಿದ 'ಪಠಾಣ್': ಟೀಕೆಗಳನ್ನು ಮೆಟ್ಟಿ ಸಾಧನೆ ಮಾಡಿದ ಹಿಂದಿ ಚಿತ್ರ!
ಇನ್ನೂ ಶಾರುಖ್ ಖಾನ್ ಅಭಿನಯದ ಚಿತ್ರಗಳ ಕಲೆಕ್ಷನ್ ನೋಡುವುದಾದರೆ, ದೀಪಿಕಾ ಪಡುಕೋಣೆ ಜೊತೆಗಿನ ಅಭಿನಯದ ಚೆನ್ನೈ ಎಕ್ಸ್‌ಪ್ರೆಸ್ ಸಿನಿಮಾ ಜಗತ್ತಿನಾದ್ಯಂತ 424.54 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಹ್ಯಾಪಿ ನ್ಯೂ ಇಯರ್ ಸಿನಿಮಾ 383 ಕೋಟಿ ರೂ. ಸಂಗ್ರಹಿಸಿದೆ. ದಿಲ್ವಾಲೆ ಸಿನಿಮಾ 376.85 ಕೋಟಿ ರೂ. ಗಳಿಸಿದೆ. ರಯೀಸ್ ವಿಶ್ವದಾದ್ಯಂತ 281.44 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಇದೀಗ ಪಠಾಣ್ ಚಿತ್ರದ ಕೋಟಿ ಕೋಟಿ ಕಲೆಕ್ಷನ್ ವೇಗ ಮುಂದುವರಿದಿದೆ. ಪಠಾಣ್ ಸಿನಿಮಾಗೂ ಮೊದಲು ಶಾರುಖ್ ಖಾನ್ ಅವರ ಚೆನ್ನೈ ಎಕ್ಸ್‌ಪ್ರೆಸ್ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಗಿತ್ತು.
ಇದನ್ನೂ ಓದಿ:ಕಾಮರ್ಸ್ ಶಿಕ್ಷಕರು ಮತ್ತು ವಿದ್ಯಾರ್ಥಿಗಳಿಂದ ಪಠಾಣ್ ಹಾಡಿಗೆ ಭರ್ಜರಿ ಡ್ಯಾನ್ಸ್: ಶಾರುಖ್ನಿಂದ ಮೆಚ್ಚುಗೆ
