ಹೈದರಾಬಾದ್: ಬಾಲಿವುಡ್ ನಟಿ ಕೃತಿ ಕರಬಂದ ಅವರು ತಮ್ಮ 32ನೇ ಜನ್ಮದಿನವನ್ನು ಅದ್ಧೂರಿಯಾಗಿ ಆಚರಿಸಿಕೊಂಡರು. ಆದರೆ ಈ ಸಲದ ಬರ್ತಡೇ ಅವರಿಗೆ ತುಂಬಾ ವಿಶೇಷವಾಗಿದೆ. ತನಗೆ ಪ್ರೀತಿಯ ವಿಶೇಷ ಅತಿಥಿ ಹಾಗೂ ಬಾಯ್ ಫ್ರೆಂಡ್ 'ಫುಕ್ರೆ' ಖ್ಯಾತಿಯ ನಟ ಪುಲ್ಕಿತ್ ಸಾಮ್ರಾಟ್ ಜತೆಗೆ ಈ ಸಂತಸದ ಗಳಿಗೆಯಲ್ಲಿ ನನ್ನ ಜತೆಗಿರುವುದು ನನ್ನ ಖುಷಿಯನ್ನು ಇಮ್ಮಡಿಗೊಳಿಸಿದೆ ಎಂದು ಬರೆದುಕೊಂಡಿದ್ದಾರೆ. ಇದರೊಂದಿಗೆ ತಮ್ಮ ಜೊತೆ ಪುಲ್ಕಿತ್ ಇರುವ ಜನ್ಮದಿನದ ಸಂಭ್ರಮಾಚರಣೆಯ ಸುಂದರ ಚಿತ್ರವನ್ನು ಸಹ ಸಾಮಾಜಿಕ ಜಾಲತಾಣದಲ್ಲಿ ಅವರು ಹಂಚಿಕೊಂಡಿದ್ದಾರೆ.
ಜನ್ಮದಿನದಂದು ಸುಂದರ ಚಿತ್ರ: ಈ ವೇಳೆ ಕೃತಿ ತಮ್ಮ 32 ನೇ ಜನ್ಮದಿನದ ಚಿತ್ರವನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಂಡಿದ್ದು, ಇದರಲ್ಲಿ ಈ ಜೋಡಿ ತುಂಬಾ ತುಂಟತನ ಮಾಡುತ್ತಿರುವಂತೆ ಕಾಣಿಸಿಕೊಂಡಿದ್ದಾರೆ. ಇದು ಸೆಲ್ಫಿಯಾಗಿದ್ದು, ಕೃತಿ ಮತ್ತು ಪುಲ್ಕಿತ್ ಖುಷಿಯಲ್ಲಿದ್ದಾರೆ. ಈ ಫೋಟೋ ಶೇರ್ ಮಾಡುವ ಮೂಲಕ ಕೃತಿ ಮುದ್ದಾದ ಟಿಪ್ಪಣಿ ಸಹ ಬರೆದಿದ್ದು, ತಮ್ಮ ಅಭಿಮಾನಿಗಳಿಗೆ ಧನ್ಯವಾದಗಳನ್ನು ಸಹ ತಿಳಿಸಿದ್ದಾರೆ.
ಆನಂದ ಲೋಕದಲ್ಲಿ ತೇಲಿದ ಜೋಡಿ:ಚಿತ್ರ ಹಂಚಿಕೊಂಡ ಕೃತಿ, 'ತಮ್ಮ ಪ್ರೀತಿಯ ಹುಡುಗನೊಂದಿಗೆ ಇಂದು ನನ್ನದು ವಿಶೇಷ ದಿನ. ಈ ವೇಳೆ ಎಲ್ಲರ ಶುಭಾಶಯಗಳು ಮತ್ತು ಪ್ರೀತಿಗೆ ಧನ್ಯವಾದಗಳು. ಇಂದಿನ ಜನ್ಮದಿನ ನನಗೆ ಅತ್ಯದ್ಭುತ ಮತ್ತು ಆನಂದದ ಲೋಕ ಸೃಷ್ಟಿಸಿತು. ಅಲ್ಲದೆ, ಈ ಅಪಾರ ಅಭಿಮಾನಿ ಬಳಗದ ಬೆಂಬಲ ನನ್ನಲ್ಲಿ ಸ್ಫೂರ್ತಿ ತುಂಬಿದೆ. ನಿಮ್ಮಲ್ಲರ ಹಾರೈಕೆಯಿಂದ ನನ್ನ ಜನ್ಮದಿನಕ್ಕೆ ಮತ್ತಷ್ಟು ಮೆರಗು ಬಂದಿದೆ. ಇದು ನನ್ನ ಹೃದಯಕ್ಕೂ ಮುಟ್ಟಿದೆ. ನಾನೂ ತುಂಬಾ ಅದೃಷ್ಟದ ಹುಡುಗಿ' ಎಂದು ಬರೆದುಕೊಂಡಿದ್ದಾರೆ.