ಡಿಯೋಲ್ ಕುಟುಂಬದಲ್ಲಿ ಮದುವೆ ಸಂಭ್ರಮ ಮನೆ ಮಾಡಿದೆ. ಜನಪ್ರಿಯ ನಟ ಸನ್ನಿ ಡಿಯೋಲ್ (Sunny Deol) ಪುತ್ರ ಕರಣ್ ಡಿಯೋಲ್ (Karan Deol) ನಾಳೆ ಅದ್ಧೂರಿಯಾಗಿ ಗೆಳತಿಯ ಕೈ ಹಿಡಿಯಲಿದ್ದಾರೆ. ಶುಕ್ರವಾರ ರಾತ್ರಿ ಮುಂಬೈನ ಡಿಯೋಲ್ ನಿವಾಸದಲ್ಲಿ ವಿವಾಹಪೂರ್ವ ಸಂಗೀತ ಸಮಾರಂಭ ನಡೆದಿದೆ.
ಕರಣ್ ಡಿಯೋಲ್ ಮತ್ತು ದ್ರಿಶಾ ಆಚಾರ್ಯ ವರ ವಧುವಿನಂತೆ ಮೊದಲ ಬಾರಿಗೆ ಕಾಣಿಸಿಕೊಂಡರು. ರಣ್ವೀರ್ ಸಿಂಗ್ ಸೇರಿದಂತೆ ಬಾಲಿವುಡ್ ಉದ್ಯಮದ ಅನೇಕ ಸೆಲೆಬ್ರಿಟಿಗಳು ಸಂಗೀತ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಸಂಗೀತ ಸಮಾರಂಭದ ಕೆಲ ವಿಡಿಯೋಗಳು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.
ಇನ್ಸ್ಟಾಗ್ರಾಮ್ನಲ್ಲಿ ಪಾಪರಾಜಿ ಖಾತೆಯಿಂದ ಶೇರ್ ಆಗಿರುವ ವಿಡಿಯೋ ಒಂದರಲ್ಲಿ, ಬಾಲಿವುಡ್ ನಟ ರಣ್ವೀರ್ ನೃತ್ಯ ಮಾಡುತ್ತಿದ್ದು, ಕರಣ್ ಅನ್ನು ಎತ್ತಿ ಸಂಭ್ರಮಿಸುತ್ತಿರುವುದು ಕಾಣಬಹುದು. ಎಲ್ಲರೂ ಬಹಳ ಸಂಭ್ರಮದ ಕ್ಷಣಗಳನ್ನು ಆನಂದಿಸುತ್ತಿದ್ದರು. ಕಾರ್ಯಕ್ರಮದಲ್ಲಿದ್ದವರು ಅವರನ್ನು ಹುರಿದುಂಬಿಸಿದರು. ಕರಣ್ ಅವರನ್ನು ಮದುವೆಯಾಗಲಿರುವ ದೃಶಾ ಆಚಾರ್ಯ ಅವರು ರಣ್ವೀರ್ ಮತ್ತು ಕರಣ್ ಬಳಿ ನಿಂತು ಅವರನ್ನು ಹುರಿದುಂಬಿಸಿದರು. ಆನ್ಲೈನ್ನಲ್ಲಿ ವೈರಲ್ ಆಗುತ್ತಿರುವ ವಿಡಿಯೋಗೆ ಪ್ರತಿಕ್ರಿಯಿಸಿದ ಸಾಮಾಜಿಕ ಜಾಲತಾಣ ಬಳಕೆದಾರರು, "ರಣ್ವೀರ್ ಸಿಂಗ್ ಓರ್ವ ಮಹಾನ್ ವ್ಯಕ್ತಿ. ಅವರು ಯಾವಾಗಲೂ ಇತರರನ್ನು ಸಂತೋಷವಾಗಿರಿಸುತ್ತಾರೆ" ಎಂದು ಕಾಮೆಂಟ್ ಮಾಡಿದ್ದಾರೆ. ಬಹಳ ಉತ್ಸಾಹಿ ಎಂದು ಮತ್ತೊಬ್ಬರು ಬರೆದಿದ್ದಾರೆ.