ಡಾನ್ ಜಯರಾಜ್ ಪಾತ್ರದಲ್ಲಿ ಡಾಲಿ ಕಮಾಲ್ ... ಹೆಡ್​ಬುಷ್ ಟ್ರೈಲರ್​ಗೆ ಫ್ಯಾನ್ಸ್ ಫಿದಾ!

ಡಾಲಿ ಧನಂಜಯ್ ಅಭಿನಯದ ಹೆಡ್​ಬುಷ್ ಚಿತ್ರದ ಟ್ರೈಲರ್​ ಬಿಡುಗಡೆಯಾಗಿದೆ.

ಡಾಲಿ ಧನಂಜಯ್ ಅಭಿನಯದ ಬಹು ನಿರೀಕ್ಷಿತ ಹೆಡ್ ​ಬುಷ್ ಚಿತ್ರದ ಟ್ರೈಲರ್ ಭಾನುವಾರ​​ ಬಿಡುಗಡೆಯಾಗಿದ್ದು, ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಸ್ಯಾಂಡಲ್​ವುಡ್​ನಲ್ಲಿ ಮತ್ತೊಂದು ಚಿತ್ರ ಯಶಸ್ಸು ಕಾಣುವ ಲಕ್ಷಣಗಳು ಗೋಚರಿಸುತ್ತಿವೆ. ಭಾನುವಾರ ಸಾಯಂಕಾಲ ಬಿಡುಗಡೆಯಾಗಿರುವ ಟ್ರೈಲರ್​ ಈಗಾಗಲೇ 1 ಮಿಲಿಯನ್ ವೀವ್ಸ್ ಪಡೆದು, ಮುನ್ನುಗ್ಗುತ್ತಿದೆ.

ಭೂಗತ ಲೋಕದ ದೊರೆ ಎಂ.ಪಿ ಜಯರಾಜ್ ಅವರ​ ಜೀವನಾಧಾರಿತ ಚಿತ್ರ ಇದಾಗಿದ್ದು, ಅಗ್ನಿ ಶ್ರೀಧರ್​ ಅವರು ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿದ್ದು, ಶೂನ್ಯ ಅವರು ಚಿತ್ರಕ್ಕೆ ಆ್ಯಕ್ಷನ್​ ಕಟ್​ ಹೇಳಿದ್ದಾರೆ. 1970 ದಶಕದ ಬೆಂಗಳೂರಿನ ಭೂಗತ ಜಗತ್ತನ್ನು ಚಿತ್ರದಲ್ಲಿ ತೆರೆದಿಡಲಾಗಿದೆ. ಇನ್ನೂ ಜಯರಾಜ್​ ಪಾತ್ರದಲ್ಲಿ ಡಾಲಿ ಮಿಂಚಿದ್ದು, ಡಾಲಿ ನಟನೆಗೆ ಅಭಿಮಾನಿಗಳು ಫುಲ್​ ಫಿದಾ ಆಗಿದ್ದಾರೆ.

ಡಾಲಿ ಪಿಕ್ಚರ್ಸ್​​ ಹಾಗೂ ಸೋಮಣ್ಣ ಟಾಕೀಸ್​​ ಬ್ಯಾನರ್​ ಅಡಿ ಚಿತ್ರ ನಿರ್ಮಾಣಗೊಂಡಿದೆ. ಚಿತ್ರದಲ್ಲಿ ಡಾಲಿ ಧನಂಜಯ್​, ಪಾಯಲ್​ ರಜಪೂತ್​, ಕ್ರೇಜಿಸ್ಟಾರ್​ ರವಿಚಂದ್ರನ್​, ಲೂಸ್​ ಮಾದಾ ಯೋಗಿ, ವಸಿಷ್ಠ ಸಿಂಹ, ಡೈನಾಮಿಕ್​ ಸ್ಟಾರ್​ ದೇವರಾಜ್​, ಶೃತಿ ಹರಿಹರನ್​, ರಘು ಮುಖರ್ಜಿ, ಬಾಲು ನಾಗೇಂದ್ರ ಮುಂತಾದ ಕಲಾವಿದರು ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಚಿತ್ರಕ್ಕೆ ಚರಣ್​​ ರಾಜ್​ ಸಂಗೀತ ನಿರ್ದೇಶನವಿದ್ದು, ಸುನೋಜ್​ ವೇಲಾಯಧನ್​ ಅವರ ಛಾಯಗ್ರಹಣವಿದೆ. ಅಕ್ಟೋಬರ್​ 21ಕ್ಕೆ ಚಿತ್ರ ತೆರೆಕಾಣಲಿದೆ.

ಇದನ್ನೂ ಓದಿ:ನೇಣಿಗೆ ಶರಣಾದ ಕಿರುತೆರೆ ನಟಿ ವೈಶಾಲಿ ಠಕ್ಕರ್​.. ಅಭಿಮಾನಿಗಳಿಗೆ ಆಘಾತ