'ಗಾಳಿಪಟ 2' ಚಿತ್ರದಲ್ಲಿ ಕಮಾಲ್ ಮಾಡಲು ರೆಡಿಯಾದ ಗೋಲ್ಡನ್ ಸ್ಟಾರ್-ಯೋಗರಾಜ್ ಭಟ್

ಗಾಳಿಪಟ 2 ಸಿನಿಮಾ ಕನ್ನಡ ಚಿತ್ರರಂಗದ ಮತ್ತೊಂದು ನಿರೀಕ್ಷಿತ ಸಿನಿಮಾ. ಯೋಗರಾಜ್ ಭಟ್ ನಿರ್ದೇಶನ, ಗಣೇಶ್, ದಿಗಂತ್, ಪವನ್ ನಟನೆಯ ಸಿನಿಮಾ ಇದಾಗಿದೆ.

2008ರಲ್ಲಿ ಕನ್ನಡ ಚಿತ್ರರಂಗದಲ್ಲಿ ಹೊಸ ಅಲೆ ಎಬ್ಬಿಸಿದ ಸಿನಿಮಾ ಗಾಳಿಪಟ. ಗೋಲ್ಡನ್ ಸ್ಟಾರ್ ಗಣೇಶ್ ಹಾಗೂ ನಿರ್ದೇಶಕ ಯೋಗರಾಜ್ ಭಟ್ ಕಾಂಬಿನೇಷನ್‌ನಲ್ಲಿ ಬಂದ ಈ ಸಿನಿಮಾ ಸೂಪರ್ ಹಿಟ್ ಆಗುವುದರ ಜೊತೆಗೆ ಬಾಕ್ಸ್ ಆಫೀಸ್‌ನಲ್ಲಿ ಒಳ್ಳೆ ಗಳಿಕೆ ಮಾಡಿತ್ತು. ಇದೀಗ ಗಾಳಿಪಟ 2 ಸಿನಿಮಾ ಬರ್ತಾ ಇದ್ದು, ಮತ್ತೆ ಗಣೇಶ್ ಹಾಗು ನಿರ್ದೇಶಕ ಯೋಗರಾಜ್ ಭಟ್ ಕಮಾಲ್ ಮಾಡಲು ಸಜ್ಜಾಗಿದ್ದಾರೆ.

ಗಾಳಿಪಟ 2 ಸಿನಿಮಾ ಕನ್ನಡ ಚಿತ್ರರಂಗದ ಮತ್ತೊಂದು ನಿರೀಕ್ಷಿತ ಸಿನಿಮಾ. ಯೋಗರಾಜ್ ಭಟ್ ನಿರ್ದೇಶನ, ಗಣೇಶ್, ದಿಗಂತ್, ಪವನ್ ನಟನೆಯ ಸಿನಿಮಾ ಇದಾಗಿದೆ. ಬಹುತೇಕ ಚಿತ್ರೀಕರಣ ಮುಗಿಸಿ, ಬಿಡುಗಡೆಗೆ ಸಜ್ಜಾಗುತ್ತಿರುವ ಗಾಳಿಪಟ 2 ಸಿನಿಮಾ‌‌‌ದ‌‌ ಮೊದಲ ಹಾಡನ್ನ ಖಾಸಗಿ ಹೋಟೆಲ್​ನಲ್ಲಿ ಬಿಡುಗಡೆ ಮಾಡಲಾಯಿತು.

ಈ ಕಾರ್ಯಕ್ರಮಕ್ಕೆ ನಟರಾದ ಗಣೇಶ್, ದಿಗಂತ್, ಪವನ್ ಕುಮಾರ್, ನಟಿಯರಾದ ನಿಶ್ವಿಕಾ ನಾಯ್ಡು, ಶರ್ಮಿಳಾ ಮಾಂಡ್ರೆ, ವೈಭವಿ ಶಾಂಡಿಲ್ಯ, ಹಿರಿಯ ನಟ ಅನಂತ್ ನಾಗ್, ರಂಗಾಯಣ ರಘು, ನಿರ್ದೇಶಕ ಯೋಗರಾಜ್ ಭಟ್ ಹಾಗೂ ನಿರ್ಮಾಪಕ ಎಂ.ರಮೇಶ್ ರೆಡ್ಡಿ ಸಮ್ಮುಖದಲ್ಲಿ ಎಕ್ಸಾಂ ಹಾಡಿನ ಲಿರಿಕಲ್ ವಿಡಿಯೋ ಬಿಡುಗಡೆ ಮಾಡಲಾಯಿತು.

ಮೊದಲಿಗೆ ಮಾತನಾಡಿದ ನಾಯಕಿ ವೈಭವಿ ಶಾಂಡಿಲ್ಯ, ಶರ್ಮಿಳಾ ಮಂಡ್ರೆ, ನಿಶ್ವಿಕಾ ನಾಯ್ಡು ತಮ್ಮ ಜೀವನದ ಎಕ್ಸಾಂ ಹೇಗಿತ್ತು ಎಂಬುದರ ಬಗ್ಗೆ ಸ್ವಾರಸ್ಯಕರವಾಗಿ ಹಂಚಿಕೊಂಡರು. ಗಾಳಿಪಟ ಒನ್‌ ಸಿನಿಮಾದಲ್ಲಿ ಗಣೇಶ್ ತಂದೆ ಪಾತ್ರ ಮಾಡಿರುವ ರಂಗಾಯಣ ರಘು ಗಾಳಿಪಟ 2 ಚಿತ್ರದಲ್ಲೂ ತಂದೆ ಪಾತ್ರ ಮಾಡಿದ್ದಾರೆ. ಈ ಬಗ್ಗೆ ಮಾತನಾಡಿದ ರಂಗಾಯಣ ರಘು, ಗಣೇಶ್ ಹಾಗೂ ಯೋಗರಾಜ್ ಭಟ್ ಜೋಡಿ ಮತ್ತೆ ಮ್ಯಾಜಿಕ್ ಮಾಡುತ್ತೆ ಅಂತಾ ಹೇಳಿದರು.

ಮೇಷ್ಟ್ರು ಪಾತ್ರ ಮಾಡಿರುವ ಅನಂತ್‌ನಾಗ್ ಮಾತನಾಡಿ, ಸಿನಿಮಾ ಶುರುವಾಗಲು ಸುಧಾಮೂರ್ತಿ ಅವರೇ ಕಾರಣ. ಹೀಗಾಗಿ ಯೋಗರಾಜ್ ಭಟ್ ಅವರಿಗೆ ಸುಧಾಮೂರ್ತಿ ಗಾಡ್ ಮದರ್ ಅಂತಾ ಈ ಚಿತ್ರದ ಹಲವು ವಿಚಾರಗಳನ್ನು ಹಂಚಿಕೊಂಡರು.

ನಟ ಗಣೇಶ್ ಮಾತನಾಡಿ, ನನ್ನ ಅಭಿನಯ ನೋಡಿ ಫಸ್ಟ್ ಟೈಮ್ ಯೋಗರಾಜ್ ಭಟ್ ಶೂಟಿಂಗ್ ಸ್ಪಾಟ್​ನಲ್ಲಿ ಕಣ್ಣೀರು ಹಾಕಿದ್ದನ್ನು ನೋಡಿ ನನಗೆ ಆಶ್ಚರ್ಯ ಆಗಿತ್ತು ಎಂದರು.

ಇದನ್ನೂ ಓದಿ:ಈ ಸರ್ಕಾರ ಬಂದ್ಮೇಲೆ ₹100ರಲ್ಲಿ ₹65 ಕಮಿಷನ್‌ ಏಜೆಂಟರಿಗೆ ಹೋಗ್ತಿದೆ, ಉಳಿದ ₹35ರಷ್ಟು ಕೆಲಸ: ಹೆಚ್ಡಿಕೆ