ಬಿಗ್ ಬಾಸ್.. ಅತ್ಯಂತ ಜನಪ್ರಿಯ ಟಿವಿ ಕಾರ್ಯಕ್ರಮ. ಕಿರುತೆರೆಯಲ್ಲಿ ಪ್ರಸಾರ ಆಗುವ ಈ ಶೋ ದೊಡ್ಡ ಸಂಖ್ಯೆಯ ಪ್ರೇಕ್ಷಕರನ್ನು ಸಂಪಾದಿಸಿದೆ. ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಡೆಸಿಕೊಡುವ ಈ ಕಾರ್ಯಕ್ರಮ ಕನ್ನಡದ ಅತ್ಯಂತ ಜನಪ್ರಿಯ ರಿಯಾಲಿಟಿ ಶೋಗಳಲ್ಲಿ ಒಂದು.
ಬಿಗ್ ಬಾಸ್ 10ನೇ ಸೀಸನ್.. ಸಕತ್ ಪಾಪುಲರ್ ಪ್ರೋಗ್ರಾಮ್ ಈಗಾಗಲೇ ಒಂಭತ್ತು ಸೀಸನ್ಗಳನ್ನು ನಡೆಸಿಕೊಟ್ಟಿದೆ. ಕಾರ್ಯಕ್ರಮಗಳು ಅತ್ಯಂತ ಯಶಸ್ವಿಯಾಗಿ ಮೂಡಿ ಬಂದಿದೆ. ಬಹುದಿನಗಳಿಂದ ಕಾರ್ಯಕ್ರಮಕ್ಕಾಗಿ ಕನ್ನಡಿಗರು ಕಾದು ಕುಳಿತಿದ್ದರು. ಅಂತಿಮವಾಗಿ ಹೊಸ ಸೀಸನ್ ಶುರುವಾಗೋ ಹೊತ್ತು ಬಂದಿದೆ. ಬಿಗ್ ಬಾಸ್ 10ನೇ ಸೀಸನ್ ಇಂದಿನಿಂದ ಆರಂಭ ಆಗಲಿದೆ. ಸಂಜೆ 6ಕ್ಕೆ ಕಲರ್ಸ್ ಕನ್ನಡದಲ್ಲಿ ಬಿಗ್ ಬಾಸ್ ಗ್ರ್ಯಾಂಡ್ ಲಾಂಚ್ ಈವೆಂಟ್ ಪ್ರಸಾರ ಆಗಲಿದೆ. ಈ ಬಾರಿಯ ಬಿಗ್ ಬಾಸ್ ಹೊಸತನದಿಂದ ಕೂಡಿರಲಿದೆ ಎಂದು ತಂಡ ಹೇಳಿಕೊಂಡಿದ್ದು, ಪ್ರೇಕ್ಷಕರು ಸಾಕಷ್ಟು ಕುತೂಹಲರಾಗಿದ್ದಾರೆ. ಸಂಪೂರ್ಣ ಮನೆ ಹೇಗಿರಬಹುದು, ಸ್ಪರ್ಧಿಗಳು ಯಾರಾಗಬಹುದು ಎಂದು ಕುತೂಹಲ ವ್ಯಕ್ತಪಡಿಸುತ್ತಿದ್ದು, ಕಾರ್ಯಕ್ರಮಕ್ಕೆ ಕ್ಷಣಗಣನೆ ಆರಂಭವಾಗಿದೆ.
ಸುದೀಪ್ ಅವರನ್ನೊಳಗೊಂಡ ವಿಡಿಯೋ ಶೇರ್: ಕಲರ್ಸ್ ಕನ್ನಡ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಎಕ್ಸ್ (ಟ್ವಿಟರ್) ನಲ್ಲಿ ಸುದೀಪ್ ಅವರನ್ನೊಳಗೊಂಡ ವಿಡಿಯೋ ಒಂದನ್ನು ಶೇರ್ ಮಾಡಿದೆ.ಕೌಂಟ್ ಡೌನ್ ಮುಗೀತು; ಬಿಗ್ ಬಾಸ್ ಕನ್ನಡ ಸೀಸನ್ ಹತ್ತರ ಗ್ರಾಂಡ್ ಪ್ರೀಮಿಯರ್, ಇವತ್ತು! ಬಿಗ್ ಬಾಸ್! ಗ್ರ್ಯಾಂಡ್ ಪ್ರೀಮಿಯರ್ ಇಂದು ಸಂಜೆ 6ಕ್ಕೆ, ಶೋ ಪ್ರತಿ ರಾತ್ರಿ 9:30ಕ್ಕೆ ಎಂದು ಬರೆದುಕೊಂಡಿದೆ.