'ಫಿರ್​ ಏಕ್​ ಬಾರ್ ಮೋದಿ ಸರ್ಕಾರ್'​.. ಪ್ರಚಾರಕ್ಕೆ ಬೂಸ್ಟ್ ನೀಡುತ್ತಾ ಬಿಜೆಪಿ ಘೋಷವಾಕ್ಯ..?

ಆಡಳಿತದಲ್ಲಿರುವ ಬಿಜೆಪಿಗೆ ಪಟ್ಟ ಉಳಿಸಿಕೊಳ್ಳುವ ಒತ್ತಡದ ನಡುವೆ ತಮ್ಮ ಐದು ವರ್ಷದ ಅಭಿವೃದ್ಧಿ ಕಾರ್ಯಗಳನ್ನು ಜನರ ಮುಂದಿಡುವ ಸವಾಲಿದೆ. ಅದನ್ನ ಸಮರ್ಥವಾಗಿ ನಿಭಾಯಿಸಲು ಎನ್‌ಡಿಎ ಮೈತ್ರಿ ಮುಂದಾಗಿದೆ.

ನವದೆಹಲಿ: ಮೊದಲ ಹಂತದ ಲೋಕಸಭಾ ಚುನಾವಣೆಗೆ ಕೇವಲ ನಾಲ್ಕು ದಿನಗಳಷ್ಟೇ ಬಾಕಿ ಇದ್ದು ಭಾರತೀಯ ಜನತಾ ಪಾರ್ಟಿ ಈ ಬಾರಿಯ ಸ್ಲೋಗನ್ ಹಾಗೂ ಥೀಮ್ ಸಾಂಗ್ ರಿಲೀಸ್ ಮಾಡಿದೆ.

ಎಲ್ಲ ಪಕ್ಷಗಳು ಅತ್ಯಂತ ಗಂಭೀರವಾಗಿ ಈ ಬಾರಿಯ ಚುನಾವಣೆಯನ್ನು ಪರಿಗಣಿಸಿದ್ದು, ಭರ್ಜರಿ ಪ್ರಚಾರದಲ್ಲಿ ತೊಡಗಿವೆ. ಆಡಳಿತದಲ್ಲಿರುವ ಬಿಜೆಪಿಗೆ ಪಟ್ಟ ಉಳಿಸಿಕೊಳ್ಳುವ ಒತ್ತಡದ ನಡುವೆ ತಮ್ಮ ಐದು ವರ್ಷದ ಅಭಿವೃದ್ಧಿ ಕಾರ್ಯಗಳನ್ನು ಜನರ ಮುಂದಿಡುವ ಪ್ರಯತ್ನ ಮಾಡುತ್ತಿವೆ.

'ಫಿರ್​ ಏಕ್ ಬಾರ್​​ ಮೋದಿ ಸರ್ಕಾರ್' ಎನ್ನುವ ಟ್ಯಾಗ್​ಲೈನ್​ ಬಿಜೆಪಿ ಚುನಾವಣೆ ಪ್ರಚಾರದಲ್ಲಿ ಬಳಸಲಿದೆ. ಕಳೆದ ಬಾರಿಯ ಲೋಕಸಮರದಲ್ಲಿ 'ಅಬ್​ ಕಿ ಬಾರ್ ಮೋದಿ ಸರ್ಕಾರ್​​' ಎನ್ನುವ ಘೋಷವಾಕ್ಯವನ್ನು ಬಳಸಿ ಬಿಜೆಪಿ ಭರ್ಜರಿ ಪ್ರಚಾರ ನಡೆಸಿತ್ತು.

ಏಪ್ರಿಲ್ 11ರಿಂದ ಆರಂಭವಾಗುವ ಲೋಕಸಭಾ ಚುನಾವಣೆಯಲ್ಲಿ ಸುಮಾರು 90 ಕೋಟಿ ಮತದಾರರು ತಮ್ಮ ಮತ ಚಲಾಯಿಸಲಿದ್ದಾರೆ. ಮೇ 23ರಂದು ಫಲಿತಾಂಶ ಹೊರಬೀಳಲಿದೆ.