ಇಂಡೋ-ಪಾಕ್​ ಗಡಿಯಲ್ಲಿ ಕೋಟ್ಯಂತರ ರೂ. ಮೌಲ್ಯದ 54 ಕೆಜಿ ಹೆರಾಯಿನ್ ವಶಕ್ಕೆ

ಪಾಕಿಸ್ತಾನದಿಂದ ಭಾರತಕ್ಕೆ ಅಕ್ರಮವಾಗಿ ಸಾಗಿಸಲಾಗುತ್ತಿದ್ದ 54 ಕೆಜಿ ಹೆರಾಯಿನ್​ಅನ್ನು ರಾಜಸ್ಥಾನದ ಬಿಕಾನೆರ್‌ನಲ್ಲಿ ಬಿಎಸ್​ಎಫ್ ಸಿಬ್ಬಂದಿ ವಶಪಡಿಸಿಕೊಂಡಿದ್ದಾರೆ.

ಬಿಕಾನೆರ್:ರಾಜಸ್ಥಾನದ ಬಿಕಾನೆರ್‌ನಲ್ಲಿರುವ ಭಾರತ - ಪಾಕಿಸ್ತಾನ ಅಂತಾರಾಷ್ಟ್ರೀಯ ಗಡಿಯಲ್ಲಿ ಹೆರಾಯಿನ್ ಕಳ್ಳಸಾಗಣೆದಾರರ ಯೋಜನೆಗಳನ್ನು ಗಡಿ ಭದ್ರತಾ ಪಡೆ (ಬಿಎಸ್​ಎಫ್​) ವಿಫಲಗೊಳಿಸಿದ್ದು, ಕೋಟ್ಯಂತರ ರೂ. ಮೌಲ್ಯದ 54 ಕೆಜಿ ಹೆರಾಯಿನ್​ ವಶಪಡಿಸಿಕೊಂಡಿದೆ.

ತಡರಾತ್ರಿ ಪಾಕಿಸ್ತಾನದ ಇಬ್ಬರು ಮಾದಕ ವಸ್ತು ಕಳ್ಳಸಾಗಣೆದಾರರು ಭಾರತದ ಗಡಿಯನ್ನು ಪ್ರವೇಶಿಸಿ ಹೆರಾಯಿನ್ ಸಾಗಿಸಲು ಯತ್ನಿಸುತ್ತಿದ್ದರು. ಇದನ್ನು ಗಮನಿಸಿದ ಬಿಎಸ್​ಎಫ್ ಸಿಬ್ಬಂದಿ ಗಾಳಿಯಲ್ಲಿ ಗುಂಡು ಹಾರಿಸಿ ಎಚ್ಚರಿಕೆ ನೀಡಿದ್ದಾರೆ.

ಇದನ್ನೂ ಓದಿ: 4,500 ಲೀಟರ್ ವಿಷಕಾರಿ ಮದ್ಯ ವಶಕ್ಕೆ: ಮೂವರು ಅರೆಸ್ಟ್​

ಎರಡೂ ದೇಶಗಳ ಡ್ರಗ್ಸ್​​​ ಸ್ಮಗ್ಲರ್ಸ್​ ಪರಾರಿಯಾಗಿದ್ದಾರೆ. ಆದರೆ ಇವರ ಬಳಿಯಿದ್ದ ಕೋಟ್ಯಂತರ ರೂ. ಮೌಲ್ಯದ 54 ಕೆಜಿ ಹೆರಾಯಿನ್​ ವಶಪಡಿಸಿಕೊಳ್ಳಲಾಗಿದೆ ಎಂದು ಬಿಎಸ್‌ಎಫ್‌ನ ಬಿಕಾನೆರ್ ವಲಯದ ಡಿಐಜಿ ಪುಷ್ಪೇಂದ್ರ ಸಿಂಗ್ ರಾಥೋಡ್ ಹೇಳಿದ್ದಾರೆ.