ಅನಗತ್ಯವಾಗಿ ಬೈಕ್​ ಮೇಲೆ ತಿರುಗುವ ಜನರಿಗೆ ಶಿವಮೊಗ್ಗ ಪೊಲೀಸರಿಂದ ತಕ್ಕ ಪಾಠ

ಕೊರೊನಾ ವೈರಸ್​​ ಹರಡದಂತೆ ಪೊಲೀಸ್​ ಇಲಾಖೆ ಕಠಿಣ ಕ್ರಮ ಕೈಗೊಂಡರೂ ಕೇಳದೆ ಅನಗತ್ಯವಾಗಿ ಬೈಕ್​ ಮೇಲೆ ಸಂಚಾರ ಮಾಡುತ್ತಿದ್ದ ಜನರಿಗೆ ಶಿವಮೊಗ್ಗ ನಗರ ಪೊಲೀಸರು ತಕ್ಕ ಪಾಠ ಕಲಿಸಲು ಮುಂದಾಗಿದ್ದಾರೆ. ಕಾರಣ ಇಲ್ಲದೆ ಸುತ್ತಾಡುವವರನ್ನು ಹಿಡಿದು ದಂಡ​ ಹಾಕುತ್ತಿದ್ದಾರೆ.

ಶಿವಮೊಗ್ಗ:ಲಾಕ್​​ಡೌನ್ ಯಶಸ್ವಿ ಮಾಡಲು ಪೊಲೀಸ್ ಇಲಾಖೆ ಏನೆಲ್ಲಾ ಸರ್ಕಸ್ ಮಾಡಿದರೂ ಸಹ ಜನ ಸುಮ್ಮನೆ ರಸ್ತೆಗೆ ಬರುವುದನ್ನು ಮಾತ್ರ ನಿಲ್ಲಿಸುತ್ತಿಲ್ಲ. ಪ್ರಮುಖ ಸರ್ಕಲ್​​ಗಳಲ್ಲಿ ಸೆಕ್ಟರ್ ಲಾಕ್ ಹಾಕಿದ್ರೂ ಸಹ ಜನ ಬೀದಿಗಿಳಿಯುತ್ತಿದ್ದು, ಅಂತಹವರಿಗೆ ಪೊಲೀಸರು ಬುದ್ಧಿ ಕಲಿಸಲು ದಂಡ ಹಾಕುತ್ತಿದ್ದಾರೆ.

ಶಿವಮೊಗ್ಗ ನಗರ ಸೇರಿದಂತೆ ಜಿಲ್ಲೆಯ ಎಲ್ಲಾ ಭಾಗಗಳಲ್ಲಿಯೂ ಸಹ ಪೊಲೀಸರು ಅನವಶ್ಯಕವಾಗಿ ತಿರುಗಾಡುತ್ತಿದ್ದವರನ್ನು ಹಿಡಿದು ವಿಚಾರಿಸಿ ದಂಡ ಹಾಕುತ್ತಿದ್ದಾರೆ. ದಂಡ ನೀಡದೆ ಇದ್ದಲ್ಲಿ ಬೈಕ್​​​ಗಳನ್ನು ಜಪ್ತಿ ಮಾಡುತ್ತಿದ್ದಾರೆ. ಇದರಿಂದ ಸುಮ್ಮನೆ ಸುತ್ತಿ ಲಾಕ್​ಡೌನ್​​ ವಿಫಲಗೊಳಿಸುವವರಿಗೆ ತಕ್ಕ ಪಾಠ ಕಲಿಸುತ್ತಿದ್ದಾರೆ.