ಶಿವಮೊಗ್ಗ ಎಪಿಎಂಸಿ ಅಧ್ಯಕ್ಷರ ವಿರುದ್ಧ ಅವಿಶ್ವಾಸ ನಿರ್ಣಯ ಮಂಡನೆ

ಶಿವಮೊಗ್ಗ ಎಪಿಎಂಸಿ ಅಧ್ಯಕ್ಷ ದುಗ್ಗಪ್ಪ ಗೌಡರ ಭ್ರಷ್ಟಚಾರ ಹಾಗೂ ಏಕಪಕ್ಷೀಯ ಧೋರಣೆ ಆರೋಪ ಹಿನ್ನೆಲೆ ಅವಿಶ್ವಾಸ ನಿರ್ಣಯ ಮಂಡನೆ ಮಾಡಲಾಗಿದೆ.

ಶಿವಮೊಗ್ಗ:ತಾಲೂಕು ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿ ಅಧ್ಯಕ್ಷರ ವಿರುದ್ಧ ಆಡಳಿತ ಮಂಡಳಿಯೇ ಅವಿಶ್ವಾಸ ನಿರ್ಣಯ ಮಂಡನೆ ಮಾಡಿದೆ. ಜೆಡಿಎಸ್​ನ ದುಗ್ಗಪ್ಪ ಗೌಡರ ಭ್ರಷ್ಟಚಾರ ಹಾಗೂ ಏಕಪಕ್ಷೀಯ ಧೋರಣೆ ಆರೋಪ ಹಿನ್ನೆಲೆ ಅವಿಶ್ವಾಸ ಮಂಡನೆ ಮಾಡಲಾಗಿದೆ.

ಎಪಿಎಂಸಿಯಲ್ಲಿ ಒಟ್ಟು 17 ಸದಸ್ಯರಿದ್ದು, ಆಯನೂರಿನ ಭಾಗ್ಯ ಎಂಬುವವರು ಕೋವಿಡ್​ನಿಂದ ಸಾವನ್ನಪ್ಪಿದ್ದಾರೆ. ಇದರಿಂದ 16 ಸದಸ್ಯರಿಗೆ ಮತದಾನದ ಅವಕಾಶವಿತ್ತು. ಆದರೆ ಅವಿಶ್ವಾಸ ನಿರ್ಣಯ ಮಂಡನೆಯಾಗುವ ಸುಳಿವಿದ್ದ ಹಾಲಿ ಉಪಾಧ್ಯಕ್ಷ ಬಾಬು ಮತದಾನ ಪ್ರಕ್ರಿಯೆಗೆ ಗೈರಾಗಿದ್ದು, 15 ಸದಸ್ಯರು ಮತದಾನ ಮಾಡಿದ್ದರು.

ಇದರಲ್ಲಿ ಬಿಜೆಪಿಯ 10, ಜೆಡಿಎಸ್​ನ 3 ಹಾಗೂ ಕಾಂಗ್ರೆಸ್​ನ ಓರ್ವ ಸದಸ್ಯ ದುಗ್ಗಪ್ಪ ಗೌಡರ ವಿರುದ್ಧ ಮತ ಚಲಾವಣೆ ಮಾಡಿದ್ದಾರೆ. ಹೀಗಾಗಿ ಇನ್ನೊಂದು ವಾರದಲ್ಲಿ ಹೊಸ ಅಧ್ಯಕ್ಷರ ನೇಮಕವಾಗಲಿದೆ. ಅವಿಶ್ವಾಸ ನಿರ್ಣಯದ ಸಭೆಯಲ್ಲಿ ತಹಶೀಲ್ದಾರ್ ನಾಗರಾಜ್ ಹಾಜರಿದ್ದರು.

ಇದನ್ನೂ ಓದಿ:ಕನಸಿಗೆ ಕಾವು ಕೊಟ್ಟು ನನಸು ಮಾಡಿದ 'ಮೊಟ್ಟೆ ಉದ್ಯಮ'!