ಮೈಸೂರು: ಕೋವಿಡ್ ವೈರಸ್ ಇರುವ ಭೀತಿ ಕಾಡುತ್ತಿದ್ದು, ಹೊರಗೆ ಹೋಗಿ ಪರೀಕ್ಷಿಸಲು ಇನ್ನು ಸರದಿ ಸಾಲಲ್ಲಿ ನಿಲ್ಲಬೇಕಿಲ್ಲ. ಮನೆಯಲ್ಲೇ ದೇಹದಲ್ಲಿ ಕೋವಿಡ್ ವೈರಸ್ ಇದೆಯಾ ಎಂದು ಪತ್ತೆ ಹಚ್ಚುವ ಕೋವಿಡ್ ಟೆಸ್ಟ್ ಕಿಟ್ ಅನ್ನು ಮೈಸೂರಿನ ವಿಜ್ಞಾನಿಗಳ ತಂಡ ಕಂಡುಹಿಡಿದಿದ್ದು, ಇದರ ಸಂಪೂರ್ಣ ಮಾಹಿತಿಯನ್ನು ಹಿರಿಯ ವಿಜ್ಞಾನಿ ಪ್ರೊ.ಕೆ.ಎಸ್.ರಂಗಪ್ಪ ವಿವರಿಸಿದ್ದಾರೆ.
ಕೋವಿಡ್ ಸೆಲ್ಫ್ ಟೆಸ್ಟ್ ಕಿಟ್ ಸಂಶೋಧನೆಯ ಬಗ್ಗೆ ಪ್ರೊ.ಕೆ.ಎಸ್.ರಂಗಪ್ಪ ಮಾಹಿತಿ
ಈಟಿವಿ ಭಾರತದೊಂದಿಗೆ ಮಾತನಾಡಿದ ಪ್ರೊ.ರಂಗಪ್ಪ, ನಾವು ಮನೆಯಲ್ಲೇ ಹೇಗೆ ಶುಗರ್, ಬಿಪಿ ಮತ್ತು ಪ್ರೆಗ್ನೆನ್ಸಿ ಪರೀಕ್ಷೆ ಮಾಡಿಕೊಳ್ಳುತ್ತೇವೆಯೋ ಹಾಗೆಯೇ ಕೋವಿಡ್ ಟೆಸ್ಟ್ ಮಾಡಿಕೊಳ್ಳಬಹುದು. ಈ ಕೋವಿಡ್ ಟೆಸ್ಟ್ ಕಿಟ್ ಬೆಲೆ ಕೇವಲ 100 ರೂಪಾಯಿಯಾಗಿದ್ದು, ಕೇವಲ 5 ನಿಮಿಷದಲ್ಲಿ ಪರೀಕ್ಷೆ ಮಾಡಿಕೊಳ್ಳಬಹುದು.