ಮೈಸೂರು: ಡ್ಯೂಟಿ ನೀಡುವ ವಿಚಾರದಲ್ಲಿ ಡಿಪೋ ಮ್ಯಾನೇಜರ್ ಹಾಗೂ ಚಾಲಕನ ನಡುವೆ ಮಾತಿನ ಚಕಮಕಿ ನಡೆದು ಕೈ ಕೈ ಮಿಲಾಯಿಸಿರುವ ವಿಡಿಯೋ ವೈರಲ್ ಆಗಿದೆ.
ಜಿಲ್ಲೆಯ ಕೆ. ಆರ್. ನಗರ ಬಸ್ ಡಿಪೋನಲ್ಲಿ ಕಳೆದ ಡಿಸೆಂಬರ್ 9 ರಂದು ಈ ಘಟನೆ ನಡೆದಿದೆ. ಚಾಲಕ ಚರಣಬಸಯ್ಯ ಎಂಬುವವರು ಡಿಪೋ ಮ್ಯಾನೇಜರ್ ಪಾಪನಾಯಕರನ್ನು ಡ್ಯೂಟಿ ಕೇಳಲು ಬಂದ ಸಂದರ್ಭದಲ್ಲಿ ಮ್ಯಾನೇಜರ್ ಡ್ಯೂಟಿ ನೀಡಲು ಲಂಚ ಕೇಳಿದ ಮಾತನ್ನು ಚಾಲಕ ಮೊಬೈಲ್ ನಲ್ಲಿ ಸೆರೆಹಿಡಿದಿದ್ದ ನೋಡಿದ ಮ್ಯಾನೇಜರ್ ಆತನ ಮೊಬೈಲ್ ಕಿತ್ತುಕೊಂಡಿದ್ದಾರೆ.
ಈ ಸಂಬಂಧ 2 ತಿಂಗಳ ಹಿಂದೆಯೇ ಚಾಲಕನಿಂದ ಕೆ. ಆರ್. ನಗರ ಪೋಲಿಸ್ ಠಾಣೆಗೆ ದೂರು ದಾಖಲಾಗಿದೆ. ಜೊತೆಗೆ ಇಲಾಖೆ ತನಿಖೆ ಕೂಡಾ ನಡೆಸುತ್ತಿದ್ದು, ಚಾಲಕ ಇದೇ ಡಿಪೋನಲ್ಲಿ ಕೆಲಸ ಮಾಡುತ್ತಿದ್ದಾನೆ. ಆದರೂ ಈ ವಿಡಿಯೋ ವೈರಲ್ ಆಗಿದ್ದು ಏಕೆ ಎಂಬುದು ತಿಳಿಯುತ್ತಿಲ್ಲ ಎಂದು ಡಿಪೋ ಮ್ಯಾನೇಜರ್ ಪಾಪನಾಯಕ್ ಹೇಳುತ್ತಾರೆ. ಈ ಮಧ್ಯೆ ನಾಳೆ ಕೆ. ಆರ್. ನಗರ ಬಸ್ ಡಿಪೋ ಸಂಘದ ಚುನಾವಣೆ ನಡೆಯುತ್ತಿದೆ.
TAGGED:
ಡಿಪೋ ಮ್ಯಾನೇಜರ್ ಚಾಲಕನ ಜಗಳ