ಗಮನ ಬೇರೆಡೆ ಸೆಳೆದು ಹಣ ದೋಚುತ್ತಿದ್ದ ಅಂತಾರಾಜ್ಯ ಕಳ್ಳರ ಬಂಧನ

ಬ್ಯಾಂಕ್​ನಿಂದ ಹಣ ಬಿಡಿಸಿ ಕೊಂಡು ಹೊರ ಬರುತ್ತಿದ್ದ ಒಂಟಿ ವ್ಯಕ್ತಿಗಳು ಮತ್ತು ವೃದ್ಧರನ್ನು ಗುರಿಯಾಗಿಸಿ ಕಳ್ಳತನ ಮಾಡುತ್ತಿದ್ದ ಗ್ಯಾಂಗ್​ನ ಪೊಲೀಸರು ಬಂಧಿಸಿದ್ದಾರೆ. ಗ್ಯಾಂಗ್​ ಹಣ ಬಿಡಿಸಿಕೊಂಡು ಬಂದವರ ಗಮನವನ್ನು ಬೇರೆಡೆ ಸೆಳೆದು ನಾಜೂಕಿನಿಂದ ಕಳ್ಳತನನ ಮಾಡುತ್ತಿದ್ದರು. ಈ ಗ್ಯಾಂಗ್​ನ ಇಬ್ಬರನ್ನು ಬಂಧಿಸಲಾಗಿದೆ..

ದಾವಣಗೆರೆ :ಓಜೀ ಕುಪ್ಪಂ ಗ್ಯಾಂಗ್‌ನಂತೆಯೇ ಅಮಾಯಕರ ಜನರ ಗಮನ ಬೇರೆಡೆ ಸೆಳೆದು ಹಣ ದೋಚುತ್ತಿದ್ದ ಅಂತಾರಾಜ್ಯ ಕಳ್ಳರನ್ನು ದಾವಣಗೆರೆ ಪೊಲೀಸರು ಹೆಡೆಮುರಿ ಕಟ್ಟಿದ್ದಾರೆ. ದಾವಣಗೆರೆಯ ಡಿಸಿಆರ್​ಬಿ ಘಟಕ ಪೊಲೀಸರು ಇಬ್ಬರು ದರೋಡೆಕೋರರನ್ನು ಸೆರೆ ಹಿಡಿದಿದ್ದಾರೆ.

ಬಂಧಿತರನ್ನು ತಮಿಳುನಾಡಿನ ಚೆನ್ನೈ ಮೂಲದ ನರೇಶ್, ಬೆಳಗಾವಿಯ ಲೋಂಡಾ ಮೂಲದ ಮೊಹಮದ್ ಹುಸೇನ್ ಮುಲ್ಲಾ ಎಂದು ಗುರುತಿಸಲಾಗಿದೆ. ಬಂಧಿತರಿಂದ‌ 21 ಲಕ್ಷ ರೂಪಾಯಿ ನಗದನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಹಾವೇರಿ ಜಿಲ್ಲೆಯ ಹಾನಗಲ್ ಪೊಲೀಸ್ ಠಾಣೆಯಯಲ್ಲಿ 1 ಪ್ರಕರಣ, ಹರಿಹರ ಠಾಣೆಯಲ್ಲಿ 1 ಪ್ರಕರಣ, ದಾವಣಗೆರೆ ವಿದ್ಯಾನಗರ ಠಾಣೆಯಲ್ಲಿ 2 ಪ್ರಕರಣದ ಒಟ್ಟು ನಾಲ್ಕು ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ಆರೋಪಿತರು ಪೊಲೀಸರಿಗೆ ಬೇಕಾಗಿದ್ದರು.

ಡಿಸಿಆರ್​ಬಿ ಡಿವೈಎಸ್ಪಿ ಬಸವರಾಜ್ ತಂಡದಿಂದ ದಾವಣಗೆರೆಯ ಹೈಸ್ಕೂಲ್ ಮೈದಾನದಲ್ಲಿ ಆರೋಪಿಗಳನ್ನು ಬಂಧಿಸಲಾಗಿದೆ. ಇನ್ನು ಇದು ಕುಪ್ಪಂ ಗ್ಯಾಂಗ್​ನಂತೆಯೇ ಜನರ ಗಮನ ಬೇರೆಡೆ ಸೆಳೆದು ಹಣ ದೋಚುತ್ತಿದ್ದರು.

ಇದನ್ನೂ ಓದಿ:ಭೋವಿ ಅಭಿವೃದ್ಧಿ ನಿಗಮದಲ್ಲಿ ಲೂಟಿಗೆ ಯತ್ನ ಆರೋಪ: ನಿಗಮ ಮಂಡಳಿ ನಿರ್ದೇಶಕನ ಬಂಧನಕ್ಕೆ ಪೊಲೀಸರ ಶೋಧ