ನೆಚ್ಚಿನ ಗುರುವಿನ ನಿವಾಸಕ್ಕೆ ತೆರಳಿ ಶುಭಕೋರಿದ ಪೊಲೀಸ್ ಕಮೀಷನರ್​

ಶಿಕ್ಷಕರ ದಿನಾಚರಣೆ ನಿಮಿತ್ತ ತಮ್ಮ ನೆಚ್ಚಿನ ಗುರುಗಳ ಮನೆಗೆ ಭೇಟಿ ನೀಡಿದ ನಗರ ಪೊಲೀಸ್ ಆಯುಕ್ತ ಭಾಸ್ಕರ್​​ರಾವ್, ಅವರಿಗೆ ಶುಭ ಕೋರಿ ಗಮನ ಸೆಳೆದರು.

ಬೆಂಗಳೂರು:ಶಿಕ್ಷಕರ ದಿನಾಚರಣೆ ಪ್ರಯುಕ್ತ ತಮ್ಮ ನೆಚ್ಚಿನ ಗುರುಗಳ ಮನೆಗೆ ಭೇಟಿ ಕೊಟ್ಟಿರುವ ನಗರ ಪೊಲೀಸ್ ಆಯುಕ್ತ ಭಾಸ್ಕರ್​​ರಾವ್, ತಮಗೆ ಅಕ್ಷರ ಕಲಿಸಿದ ಗುರುವಿಗೆ ಹೂ ಗುಚ್ಛ ನೀಡಿ ಶುಭ ಕೋರಿದ್ದಾರೆ.

ಡಾ.ವೈ.ಎನ್.ರಮೇಶ್ ಅವರು ಭಾಸ್ಕರ್​ ರಾವ್​ ಅವರ ಗುರುಗಳು. 1983 - 86 ರವರೆಗೆ ಜಯನಗರದ ನ್ಯಾಷನಲ್ ಕಾಲೇಜಿನಲ್ಲಿ ಸಮಾಜಶಾಸ್ತ್ರ ವಿಷಯ ಭೋದನೆ ಮಾಡುತ್ತಿದ್ದರು. ಈ ವೇಳೆ ಸಮಾಜಶಾಸ್ತ್ರ ವಿಷಯದ ಜೊತೆಗೆ ಜೀವನದ ಪಾಠವನ್ನು ಹೇಳಿಕೊಟ್ಟಿದ್ದಾರೆ. ಆದ್ದರಿಂದಲೇ ಈ ಸ್ಥಾನಕ್ಕೆ ಬಂದಿದ್ದೇನೆ ಎಂದು ಖುಷಿ ಹಂಚಿಕೊಂಡಿದ್ದಾರೆ.

ಕೆಲ ಹೊತ್ತು ತಾನು ಕಾಲೇಜಿನಲ್ಲಿ‌ ಕಳೆದ ಕ್ಷಣಗಳ ಬಗ್ಗೆ ಮೆಲುಕು ಸಹ ಹಾಕಿದರು.