ಕ್ಲಬ್ ಮೇಲೆ ಸಿಸಿಬಿ ದಾಳಿ... ಜೂಜಾಡುತ್ತಿದ್ದ 20ಜನ ಆರೋಪಿಗಳ ಬಂಧನ

ಕ್ಲಬ್​ನಲ್ಲಿ ಇಸ್ಪೀಟ್​ ಆಡುತ್ತಿದ್ದವರ ಮೇಲೆ ಸಿಸಿಬಿ ದಾಳಿ. 20 ಜನ ಆರೋಪಿಗಳು ಕಂಬಿ ಹಿಂದೆ. ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲಿ ಘಟನೆ.

ಬೆಂಗಳೂರು: ರಾಜರಾಜೇಶ್ವರಿ ನಗರದ ಚಾಮುಂಡೇಶ್ವರಿ ಅಸೋಸಿಯೇಷನ್ ಕ್ಲಬ್ ಮೇಲೆ ದಾಳಿ ಮಾಡಿದ್ದ ಸಿಸಿಬಿ ಪೊಲೀಸರು ಜೂಜಾಡುತ್ತಿದ್ದ 20 ಜನ ಆರೋಪಿಗಳನ್ನು ಬಂಧಿಸಿದ್ದಾರೆ.

ರಾಜೇಶ್ವರಿನಗರ ಪೊಲೀಸ್ ಠಾಣೆಯ ಸರಹದ್ದಿನ ರಾಜರಾಜೇಶ್ವರಿನಗರ ಕ್ಲಬ್​ನಲ್ಲಿ ಕೆಲ ಆಸಾಮಿಗಳು ಹಣವನ್ನು ಪಣವಾಗಿಕಟ್ಟಿಕೊಂಡು ಇಸ್ಪೀಟ್​ ಆಡುತ್ತಿದ್ದರು. ಈ ಬಗ್ಗೆ ಖಚಿತ ಮಾಹಿತಿ ಪಡೆದು ಸಿಸಿಬಿ ಪೊಲೀಸರು ದಾಳಿ ನಡೆಸಿ 20 ಜನರನ್ನು ಬಂಧಿಸಿದ್ದಾರೆ.

ಸಂತೋಷ, ಚಿಕ್ಕವರದೇಗೌಡ, ಸತೀಶ್, ಅರುಣ್​ಕುಮಾರ್, ರಾಜು, ವಾಸುದೇವ, ಕುಮಾರ್, ಭೀಮೇಗೌಡ, ಸಂಪತ್, ನಾಗರಾಜ್, ಸುಬ್ರಹ್ಮಣ್ಯ, ರೇಣುಕಪ್ಪ, ರಮಾನಂದ, ಗುರು, ಗಿರೀಶ್, ಮಂಜುನಾಥ್, ಸುನೀಲ್, ಮಂಜು, ಸತಿಶ್, ಶಿವಲಿಂಗ ಬಂಧಿತ ಆರೋಪಿಗಳು. ಬಂಧಿತರಿಂದ ನಗದು ಮತ್ತು ಇಸ್ಪೀಟ್ ವಶಪಡಿಸಿಕೊಂಡಿದ್ದು, ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ.