ದಯವಿಟ್ಟು ನಮ್ಮ ಮಕ್ಕಳು ಹೇಗಿದ್ದಾರೆ, ಎಲ್ಲಿದ್ದಾರೆ ಹೇಳಿ: ಪೊಲೀಸರ ಮುಂದೆ ಅಲವತ್ತುಕೊಂಡ ಆರೋಪಿಗಳ ತಾಯಂದಿರು

ಕೆ.ಜಿ. ಹಳ್ಳಿ ಗಲಭೆ ಪ್ರಕರಣಕ್ಕೆ ಸಂಬಂಧಿಸಿ ಬಂಧನಕ್ಕೊಳಗಾಗಿರುವ ಆರೋಪಿಗಳ ತಾಯಂದಿರು, ನಿಮ್ಮನ್ನ ನಂಬಿ ನಮ್ಮ ಮಕ್ಕಳನ್ನು ಕಳುಹಿಸಿದ್ದೇವೆ ಈಗ ಅವರು ಎಲ್ಲಿದ್ದಾರೆ, ಹೇಗಿದ್ದಾರೆ ಎಂದು ತಿಳಿಸುವಂತೆ ಪೊಲೀಸರ ಮೊರೆ ಹೋಗಿದ್ದಾರೆ.

ಬೆಂಗಳೂರು: ನಮ್ಮ ಮಕ್ಕಳನ್ನು‌ ಕರೆದುಕೊಂಡು ಹೋಗಿ ನಾಲ್ಕು ದಿನ ಆಯ್ತು. ‌ಎಲ್ಲಿದ್ದಾರೆ, ಏನಾಗಿದೆ ಅಂತಾ ಗೊತ್ತಾಗಿಲ್ಲ. ದಯವಿಟ್ಟು ಹೇಳಿ ಎಂದು ಕೆ.ಜಿ.ಹಳ್ಳಿ ಪೊಲೀಸರ ಬಳಿ ಬಂಧನಕ್ಕೊಳಗಾದ ಆರೋಪಿಗಳ ಪೋಷಕರು ಅಲವತ್ತುಕೊಂಡಿದ್ದಾರೆ.

ನಿಮ್ಮನ್ನ ನಂಬಿ ನಮ್ಮ ಮಕ್ಕಳನ್ನ ಕಳುಹಿಸಿದ್ವಿ. ನಮ್ಮ ಮಕ್ಕಳು ಎಲ್ಲಿದ್ದಾರೆ. ಹೇಗಿದ್ದಾರೆ ? ದಯವಿಟ್ಟು ಹೇಳಿ, ಎಂದು ಆರೋಪಿಗಳ ತಾಯಂದಿರು ಠಾಣೆಯ ಮುಂದೆ ಬಂದು ಪ್ರಶ್ನಿಸಿದರು.

ಇದಕ್ಕೆ‌ ಪ್ರತಿಕ್ರಿಯಿಸಿದ ಇನ್ಸ್​​ಪೆಕ್ಟರ್ ಅಜಯ್ ಸಾರಥಿ, ತಪ್ಪು ಮಾಡಿದ್ರೆ ಅರೆಸ್ಟ್ ಆಗ್ತಾರೆ. ಬಂಧನವಾದರೆ ಫ್ಯಾಮಿಲಿಗೆ ಮಾಹಿತಿ ಕೊಡ್ತೀವಿ. ಈಗ ಹೋಗಿ ಎಂದು ಸಮಾಧಾನ ಮಾಡಿ ಕಳುಹಿಸಿದ್ದಾರೆ.