ಬೆಳಗಾವಿ: ವಿದ್ಯುತ್​ ಶಾಕ್​​ನಿಂದ ತಂಗಿ ರಕ್ಷಿಸಿ, ಸಾವಿಗೀಡಾದ ಅಕ್ಕ

ಸಂಜೋತಾ ಗುಂಡಪ್ಪ ಜಾಯ್ಕನವರ (22) ಮೃತ ಯುವತಿ. ತಮ್ಮ ನಿವಾಸದ ಮುಂದೆ ಹಾಕಿರುವ ತಗಡಿನ ಶೆಡ್‍ಗೆ ಸರ್ವಿಸ್ ವಿದ್ಯುತ್ ತಂತಿ ತಗುಲಿ ವಿದ್ಯುತ್ ಪ್ರಸರಣವಾದ ಪರಿಣಾಮ, ಸಂಜೋತಾ ಸಹೋದರಿ ಅನುಗೆ ವಿದ್ಯುತ್ ತಂತಿ ತಗುಲಿತ್ತು. ಮನೆಯೊಳಗೆ ಕುಳಿತಿದ್ದ ಸಂಜೋತಾ ಓಡಿಬಂದು ಬಡಿಗೆ ಸಹಾಯದಿಂದ ತಂಗಿಯನ್ನ ರಕ್ಷಿಸಿದ್ದಾಳೆ.‌ ತೀವ್ರ ಅಸ್ವಸ್ಥರಾಗಿದ್ದ ತಂಗಿಗೆ ನೀರು ತರಲು ಹೋಗಿದ್ದ ಸಂಜೋತಾ ವಿದ್ಯುತ್ ತಂತಿ‌ ಮೇಲೆ ಕಾಲಿಟ್ಟು ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ.

ಬೆಳಗಾವಿ:ವಿದ್ಯುತ್ ಸ್ಪರ್ಶಕ್ಕೆ ಒಳಗಾದ ತಂಗಿಯನ್ನ ರಕ್ಷಿಸಿ, ಅಕ್ಕ ಮೃತಪಟ್ಟಿರುವ ದಾರುಣ ಘಟನೆ ಜಿಲ್ಲೆಯ ಕಿತ್ತೂರು ತಾಲೂಕಿನ ತಿಗಡೊಳ್ಳಿ ಗ್ರಾಮದಲ್ಲಿ ನಡೆದಿದೆ.

ಸಂಜೋತಾ ಗುಂಡಪ್ಪ ಜಾಯ್ಕನವರ (22) ಮೃತ ಯುವತಿ. ತಮ್ಮ ನಿವಾಸದ ಮುಂದೆ ಹಾಕಿರುವ ತಗಡಿನ ಶೆಡ್‍ಗೆ ಸರ್ವಿಸ್ ವಿದ್ಯುತ್ ತಂತಿ ತಗುಲಿ ವಿದ್ಯುತ್ ಪ್ರಸರಣವಾದ ಪರಿಣಾಮ, ಸಂಜೋತಾ ಸಹೋದರಿ ಅನುಗೆ ವಿದ್ಯುತ್ ತಂತಿ ತಗುಲಿತ್ತು. ಮನೆಯೊಳಗೆ ಕುಳಿತಿದ್ದ ಸಂಜೋತಾ ಓಡಿಬಂದು ಬಡಿಗೆ ಸಹಾಯದಿಂದ ತಂಗಿಯನ್ನ ರಕ್ಷಿಸಿದ್ದಾಳೆ.‌ ತೀವ್ರ ಅಸ್ವಸ್ಥರಾಗಿದ್ದ ತಂಗಿಗೆ ನೀರು ತರಲು ಹೋಗಿದ್ದ ಸಂಜೋತಾ ವಿದ್ಯುತ್ ತಂತಿ‌ ಮೇಲೆ ಕಾಲಿಟ್ಟು ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ.

ಮೃತ ಸಂಜೋತಾ ಕೆಪಿಎಸ್​ಸಿ ಪರೀಕ್ಷೆ ಬರೆದಿದ್ದಲ್ಲದೇ, ಪಿಎಸ್ಐ ದೈಹಿಕ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿದ್ದಳು. ಈ ಕುರಿತು ಕಿತ್ತೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.