ಇಂದಿನಿಂದ ಎಲ್​ಐಸಿ ಐಪಿಒ ಆರಂಭ: ನೀವು ತಿಳಿದಿರಬೇಕಾದ ಸಂಗತಿಗಳಿವು..

ಎಲ್​ಐಸಿಯ ಐಪಿಒ ಆರಂಭವಾಗಿದೆ. ಮೇ 9ರಂದು ಮುಕ್ತಾಯಗೊಳ್ಳಲಿದೆ. ಈ ಹಿನ್ನೆಲೆಯಲ್ಲಿ ಷೇರುಗಳನ್ನು ಕೊಳ್ಳುವವರು ಅವಶ್ಯವಾಗಿ ತಿಳಿದಿರಬೇಕಾದ ಮಾಹಿತಿ ಇಲ್ಲಿದೆ.

ನವದೆಹಲಿ:ಭಾರತೀಯ ಜೀವ ವಿಮಾ ನಿಗಮದ (ಎಲ್​​ಐಸಿ) ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಚಂದಾದಾರಿಕೆ ಆರಂಭವಾಗಿದೆ. ಈ ಪ್ರಕ್ರಿಯೆ ಮೇ 9ರಂದು ಮುಕ್ತಾಯಗೊಳ್ಳಲಿದೆ. ಎಲ್​ಐಸಿ ಐಪಿಒ ಶುರುವಾಗುವ ಮುಂಚೆಯೇ ಕೆಲವು ಹೂಡಿಕೆದಾರರಿಂದ 5,627 ಕೋಟಿ ಗಳಿಸಲಾಗಿದೆ ಎಂದು ಎಲ್​ಐಸಿ ಹೇಳಿಕೊಂಡಿದೆ.

ಷೇರು ಖರೀದಿಗೂ ಮುನ್ನ ತಿಳಿದಿರಬೇಕಾದ ಅಂಶಗಳು:

1. ಎಲ್​​ಐಸಿ ಐಪಿಒ ಬೆಲೆ ಪ್ರತಿ ಈಕ್ವಿಟಿ ಷೇರಿಗೆ 902 ರೂಪಾಯಿಯಿಂದ 949 ರೂಪಾಯಿ ಆಗಿದೆ.
2. ಎಲ್ಐಸಿ ಪಾಲಿಸಿದಾರರು ಪ್ರತಿ ಈಕ್ವಿಟಿ ಷೇರಿಗೆ 60 ರೂಪಾಯಿ ರಿಯಾಯಿತಿ ಪಡೆಯುತ್ತಾರೆ.
3. ಚಿಲ್ಲರೆ ಹೂಡಿಕೆದಾರರು ಮತ್ತು ಉದ್ಯೋಗಿಗಳು ಪ್ರತಿ ಷೇರಿನ ಮೇಲೆ 45 ರೂಪಾಯಿ ರಿಯಾಯಿತಿ ಪಡೆಯುತ್ತಾರೆ.
4. ಹೂಡಿಕೆದಾರರು ಕನಿಷ್ಠ 15 ಷೇರುಗಳಿಗೆ ಬಿಡ್ ಮಾಡಬೇಕೆಂಬ ನಿಯಮ ಇದೆ.
5. ಎಲ್ಐಸಿ ಷೇರುಗಳು ಮೇ 17ರಂದು ಷೇರು ಮಾರುಕಟ್ಟೆಯಲ್ಲಿ ಲಿಸ್ಟ್ ಆಗುತ್ತವೆ.
6. ಎಲ್​​​ಐಸಿಯಲ್ಲಿ ಶೇ.3.5ರಷ್ಟು ಪಾಲನ್ನು ಕಡಿಮೆ ಮಾಡುವ ಮೂಲಕ 21,000 ಕೋಟಿ ಸಂಗ್ರಹಿಸಲು ಕೇಂದ್ರ ಯೋಜಿಸಿದೆ.
7. ಎಲ್​ಐಸಿ ಐಪಿಒ ಭಾರತೀಯ ಮಾರುಕಟ್ಟೆಯಲ್ಲಿ ಅತ್ಯಧಿಕ ಮೌಲ್ಯದಿಂದ ಕೂಡಿರಲಿದೆ.
8. ಎಲ್​ಐಸಿಗೆ ಮೊದಲು ಪೇಟಿಎಂ ಐಪಿಒದಲ್ಲಿ ಕಳೆದ ವರ್ಷ 18,300 ಕೋಟಿ ಗಳಿಸಿತ್ತು.
9. ಕೋಲ್ ಇಂಡಿಯಾ ಐಪಿಒದಲ್ಲಿ 2010ರಲ್ಲಿ 15,200 ಕೋಟಿಗಳಷ್ಟು ನಿಧಿ ಸಂಗ್ರಹವಾಗಿತ್ತು.
10. ಐಪಿಒ ಬಗ್ಗೆ ತಿಳಿಸಲು ಎಲ್ಐಸಿ ತನ್ನ ಪಾಲಿಸಿದಾರರನ್ನು ಎಸ್​ಎಂಎಸ್​ ಮತ್ತು ಇತರ ಮಾಧ್ಯಮಗಳನ್ನು ಬಳಸಿದೆ.
11. ಮುದ್ರಣ ಮತ್ತು ಟಿವಿ ಜಾಹೀರಾತು ಸೇರಿದಂತೆ ವಿವಿಧ ಚಾನೆಲ್‌ಗಳ ಮೂಲಕ ಹಲವು ತಿಂಗಳಿಂದ ಮಾಹಿತಿ ನೀಡಿದೆ.
12. ಎಲ್​ಐಸಿಯನ್ನು 5 ಕೋಟಿ ರೂಪಾಯಿ ಬಂಡವಾಳದೊಂದಿಗೆ ಆರಂಭಿಸಲಾಗಿತ್ತು.
13. 1956ರ ಸೆ.1ರಂದು 245 ಖಾಸಗಿ ಕಂಪನಿಗಳನ್ನು ಎಲ್​ಐಸಿಯಲ್ಲಿ ವಿಲೀನಗೊಳಿಸಿ ರಾಷ್ಟ್ರೀಕರಣಗೊಳಿಸಲಾಗಿತ್ತು.

ಇದನ್ನೂ ಓದಿ:ಪೆಟ್ರೋಲ್‌-ಡೀಸೆಲ್: ದೇಶ, ರಾಜ್ಯದ ನಗರಗಳಲ್ಲಿ ತೈಲ ಬೆಲೆ ಹೀಗಿದೆ..