ಬೆಂಗಳೂರು:ಚಾಲಕ ರಹಿತ ಕಾರೊಂದು ಬೆಂಗಳೂರಿನ ರಸ್ತೆಗಳಲ್ಲಿ ಕಾಣಿಸಿಕೊಂಡಿದೆ. ಕಾರು ಯಾವುದೋ ವೈಜ್ಞಾನಿಕ ಟಿವಿ ಕಾರ್ಯಕ್ರಮದಂತೆ ತೋರುತ್ತಿದೆ. ಹೀಗಾಗಿ ಚಾಲಕ ರಹಿತ ಕಾರು ಕಂಡು ಸ್ಥಳೀಯರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಚಾಲಕ ರಹಿತ ಕಾರು ರಸ್ತೆಯಲ್ಲಿ ಸಂಚರಿಸುತ್ತಿರುವುದನ್ನು ಕಂಡು ವ್ಯಕ್ತಿಯೊಬ್ಬ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾನೆ. ಈ ವಿಡಿಯೋ ಸಾಕಷ್ಟು ವೈರಲ್ ಆಗಿದೆ. ಆ ಕಾರು ಎಲ್ಲಿಂದ ಬಂತು? ಇದು ಭಾರತೀಯ ಸೈಬರ್ ಟ್ರ್ಯಾಕ್ ಆಗಿದೆಯೇ? ಅಸಲಿ ವಿಷಯ ಏನು ಅಂತ ನೆಟ್ಟಿಗರು ಪ್ರಶ್ನೆಗಳ ಸುರಿಮಳೆಯನ್ನೇ ಹರಿಸಿದ್ದಾರೆ. ಇದರೊಂದಿಗೆ ಕಾರಿನ ವಿಷಯ ಹೊರಬಿದ್ದಿದೆ.
ಅಸಲಿ ವಿಷಯವೇನೆಂದರೆ.. ಡ್ರೈವರ್ ಇಲ್ಲದೇ ನಗರದ ರಸ್ತೆಗಳಲ್ಲಿ ಓಡಾಡುತ್ತಿದ್ದ ಕಾರನ್ನು ನೆಟಿಜನ್‌ಗಳು 'zPod' ಎಂದು ಗುರುತಿಸಿದ್ದಾರೆ. ಈ 'zPod' ಬೆಂಗಳೂರು ಮೂಲದ 'ಮೈನಸ್ ಝೀರೋ' ಸ್ಟಾರ್ಟ್‌ಅಪ್‌ನ ಮೆದುಳಿನ ಕೂಸು. ಆದರೆ ಇದು ಭಾರತದ ಮೊದಲ ಸ್ವಾಯತ್ತ ವಾಹನವಾಗಿದೆ. ಇದು ಕೃತಕ ಬುದ್ಧಿಮತ್ತೆಯಲ್ಲಿ (AI) ಕಾರ್ಯನಿರ್ವಹಿಸುತ್ತದೆ. ಈ ವಾಹನ ಈಗಾಗಲೇ ಎರಡು ಬಾರಿ ರಸ್ತೆಗಳಲ್ಲಿ ಕಾಣಿಸಿಕೊಂಡಿದೆ ಎಂದು ಬೆಂಗಳೂರು ನಿವಾಸಿಗಳು ತಿಳಿಸಿದ್ದಾರೆ. ಆದರೆ, ಪರೀಕ್ಷೆಯ ಭಾಗವಾಗಿ ಕಾರು ರಸ್ತೆಗಳಲ್ಲಿ ಕಾಣಿಸಿಕೊಂಡಿದೆ ಎಂದು ತೋರುತ್ತದೆ.
ಕಾರಿನ ಬಗ್ಗೆ ಹೇಳುವುದಾದರೆ... ಈ zPod ವಾಹನವು ನಾಲ್ಕು ಆಸನಗಳನ್ನು ಹೊಂದಿದೆ. ಸಾಮಾನ್ಯ ಕಾರಿನಲ್ಲಿರುವಂತೆ ಇದರಲ್ಲಿ ಸ್ಟೀರಿಂಗ್ ವೀಲ್ ಮತ್ತು ಡ್ಯಾಶ್ ಬೋರ್ಡ್ ಇರುವುದಿಲ್ಲ. ಟ್ರಾಫಿಕ್ ಸಮಸ್ಯೆ ಮತ್ತು ರಸ್ತೆ ಅಪಘಾತಗಳನ್ನು ಕಡಿಮೆ ಮಾಡುವ ಭಾಗವಾಗಿ ಇದನ್ನು ತರಲಾಗಿದೆ ಎಂದು ಮೈನಸ್ ಝೀರೋ ಕಂಪನಿ ಹೇಳಿದೆ.