ಮುಂಬೈ: ಜಾಗತಿಕ ಮಾರುಕಟ್ಟೆಗಳಲ್ಲಿ ಮಿಶ್ರ ಪ್ರವೃತ್ತಿಯ ಮಧ್ಯೆ ಆರ್‌ಐಎಲ್, ಐಸಿಐಸಿಐ ಬ್ಯಾಂಕ್ ಮತ್ತು ಎಚ್‌ಡಿಎಫ್‌ಸಿ ಬ್ಯಾಂಕ್ ಗಳಿಕೆಯ ಲಾಭದ ಕಾರಣ ರಾಷ್ಟ್ರೀಯ ಸೂಚ್ಯಂಕ ನಿಫ್ಟಿ ಸೂಚ್ಯಂಕ ಹೊಸ ಗರಿಷ್ಠ ಮಟ್ಟದಲ್ಲಿ ಮುಕ್ತಾಯಗೊಂಡಿದೆ.
ದೈನಂದಿನ ಕೋವಿಡ್-19 ಕ್ಯಾಸೆಲೋಡ್‌ನಲ್ಲಿ ಸ್ಥಿರ ಕುಸಿತವು ಹೂಡಿಕೆದಾರರ ಮನೋಭಾವ ಬಲಪಡಿಸಿದೆ ಎಂದು ದಲ್ಲಾಳಿಗಳು ತಿಳಿಸಿದ್ದಾರೆ.
30 ಷೇರುಗಳ ಮುಂಬೈ ಷೇರು ಸೂಚ್ಯಂಕ ಸೆನ್ಸೆಕ್ಸ್ 514.56 ಅಂಕ ಹೆಚ್ಚಳದಿಂದ 51,937.44 ಅಂಕಗಳಿಗೆ ತಲುಪಿದರೇ ರಾಷ್ಟ್ರೀಯ ಸಂವೇದಿ ಸೂಚ್ಯಂಕ ನಿಫ್ಟಿ 147.15 ಅಂಕ ಏರಿಕೆ ಕಂಡು ತನ್ನ ಹೊಸ ಮುಕ್ತಾಯದ ದಾಖಲೆಯ 15,582.80 ಅಂಕಗಳಿಗೆ ತಲುಪಿದೆ.
ಸೆನ್ಸೆಕ್ಸ್ ಪ್ಯಾಕ್‌ನಲ್ಲಿ ರಿಲಯನ್ಸ್ ಶೇ 3ರಷ್ಟು ಏರಿಕೆ ಕಂಡಿದ್ದು, ಐಸಿಐಸಿಐ ಬ್ಯಾಂಕ್, ಭಾರ್ತಿ ಏರ್‌ಟೆಲ್, ಡಾ.ರೆಡ್ಡಿಸ್, ಮಾರುತಿ ಮತ್ತು ಐಟಿಸಿ ನಂತರದ ಸ್ಥಾನದಲ್ಲಿದೆ. ಮತ್ತೊಂದೆಡೆ ಎಂ&ಎಂ, ಇನ್ಫೋಸಿಸ್, ಇಂಡಸ್ಲ್ಯಾಂಡ್ ಬ್ಯಾಂಕ್, ಎಲ್&ಟಿ ಮತ್ತು ಸನ್ಫಾರ್ಮಾ ದಿನದ ಟಾಪ್ ಲೂಸರ್ಗಳಾದರು.