ಪೋಸ್ಟ್​ ಆಫೀಸ್​ v/s ಎಸ್​ಬಿಐ: ಯಾವುದರಲ್ಲಿ FD ಇಟ್ಟರೆ ಹೆಚ್ಚಿನ ಬಡ್ಡಿ ಸಿಗುತ್ತೆ?

ವಿವಿಧ ರೀತಿಯ ಠೇವಣಿಗಳ ಮೇಲಿನ ಬಡ್ಡಿ ದರಗಳನ್ನು ಕಡಿತ ಮಾಡುತ್ತಿದ್ದಂತೆ ಠೇವಣಿದಾರರ ಆಯ್ಕೆ ಕೂಡ ಕಿರಿದಾಗುತ್ತದೆ. ದೇಶದ ಅತಿದೊಡ್ಡ ಸಾಲ ನೀಡಿಕೆಯ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್‌ಬಿಐ) ಸೋಮವಾರ, ಕೆಲವು ಠೇವಣಿಗಳ ಮೇಲಿನ ಬಡ್ಡಿ ದರ ಕಡಿತಗೊಳಿಸುವುದಾಗಿ ಮತ್ತೊಮ್ಮೆ ಘೋಷಿಸಿತು. ಎಸ್​ಬಿಐ ಮತ್ತು ಪೋಸ್ಟ್​ ಆಫೀಸ್​ನಲ್ಲಿ ಹಣ ಇರಿಸಿದರೇ ಸಿಗುವ ಬಡ್ಡಿಯೆಷ್ಟು? ಎಂಬುದರ ಮಾಹಿತಿ ಇಲ್ಲಿದೆ.

ನವದೆಹಲಿ: ಸ್ಥಿರ ಠೇವಣಿ (ಎಫ್‌ಡಿ) ಇರಿಸುವ ಉತ್ಸಾಹಿಗಳಿಗೆ ಇತ್ತೀಚಿನ ದಿನಗಳಲ್ಲಿನ ಬ್ಯಾಂಕ್​ಗಳ ಬಡ್ಡಿ ದರ ಕಡಿತವು ಎಲ್ಲಿ ಹೂಡಿಕೆ ಮಾಡಬೇಕು? ಯಾವ ಬ್ಯಾಂಕ್​ಗಳು ಸೂಕ್ತ? ಎನ್ನುವ ಪ್ರಶ್ನೆಗಳು ಕಾಡುತ್ತಿವೆ.

ಎಸ್‌ಬಿಐನ 1 ರಿಂದ 2 ವರ್ಷಗಳಿಗಿಂತ ಕಡಿಮೆ ಅವಧಿಯ ಠೇವಣಿಗಳ ಮೇಲೆ ಶೇ 6.50 ಪ್ರತಿಶತ, 3 ರಿಂದ 5 ವರ್ಷಕ್ಕಿಂತ ಕಡಿಮೆ ಹಾಗೂ 5 ರಿಂದ10 ವರ್ಷಗಳವರೆಗಿನ ಠೇವಣಿಗಳ ಮೇಲೆ ಶೇ 6.25 ರಷ್ಟು ಬಡ್ಡಿ ನೀಡುತ್ತಿದೆ. ಇದೇ ಅವಧಿಗಳಿಗೆ ಅಂಚೆ ಕಚೇರಿಯು ಮೊದಲ ಎರಡು ಅವಧಿಗೆ ಶೇ 7ರಷ್ಟು ಬಡ್ಡಿ ದರ ನೀಡಿದ್ದರೆ, 5 ವರ್ಷದ ಅವಧಿಗೆ ಶೇ 7.7ರಷ್ಟು ಬಡ್ಡಿ ನೀಡುತ್ತದೆ.

ಎಸ್​ಬಿಐ ಬಡ್ಡಿ ದರ

1- ವರ್ಷ ಶೇ 6.50ರಷ್ಟು

2- ವರ್ಷ ಶೇ 6.25ರಷ್ಟು

3- ವರ್ಷ ಶೇ 6.25ರಷ್ಟು

ಅಂಚೆ ಕಚೇರಿಯ ಬಡ್ಡಿ ದರ

1- ವರ್ಷ ಶೇ 7ರಷ್ಟು

2- ವರ್ಷ ಶೇ 7ರಷ್ಟು

5- ವರ್ಷ ಶೇ 7.7ರಷ್ಟು

ಒಂದು ವೇಳೆ ನೀವು 1,00,000, 2,00,000, 3,00,000 ಹಾಗೂ 4,00,000 ಲಕ್ಷ ರೂ. ಒಂದು ವರ್ಷ ನಿಶ್ಚಿತ ಠೇವಣಿ ಇರಿಸಲು ಬಯಸಿದ್ದರೆ ಸಿಗುವ ಬಡ್ಡಿಯ ಲಾಭ ಹೀಗಿರಲಿದೆ.

ಎಸ್​ಬಿಐ1,00,000 2,00,000 3,00,000 4,00,000 (ರೂ.)

1- ವರ್ಷ 1,06,660 2,13,320 3,19,980‬ 4,26,640

ಅಂಚೆ ಕಚೇರಿ 1,00,000 2,00,000 3,00,000 4,00,000 (ರೂ.)

1- ವರ್ಷ 1,07,186 2,14,372‬ 3,21,558 4,28,744

* ಎಸ್‌ಬಿಐನ ಎಫ್‌ಡಿ ಮೆಚ್ಯುರಿಟಿ, ರಾಷ್ಟ್ರೀಯ ಉಳಿತಾಯ ಸಂಸ್ಥೆಯ ರಾಷ್ಟ್ರೀಯ ಉಳಿತಾಯ ಬಡ್ಡಿ ದರದ ಅನ್ವಯ ಲೆಕ್ಕಾಚಾರ ಮಾಡಲಾಗಿದೆ.