ಮೊಬೈಲ್​ ನಂಬರ್​ ಪೋರ್ಟಬಿಲಿಟಿ ನಿಯಮಗಳಲ್ಲಿ ಮಹತ್ವದ ಬದಲಾವಣೆ!

ಟೆಲಿಕಾಂ ಆಪರೇಟರ್‌ಗಳು ಮತ್ತು ಎಂಎನ್‌ಪಿ ಸೇವಾ ಪೂರೈಕೆದಾರರು ಮೊಬೈಲ್ ಸಂಖ್ಯೆ ಬದಲಾಯಿಸದೆ ಟೆಲಿಕಾಂ ಆಪರೇಟರ್ ಬದಲಾಯಿಸಲು 4 ದಿನಗಳ ಚಂದಾದಾರರ ಕೋರಿಕೆಯಡಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುತ್ತಿತ್ತು. ಈಗ ನಿಯಮದಲ್ಲಿ ಬದಲಾವಣೆ ಆಗಿದೆ.

ನವದೆಹಲಿ:ಮೊಬೈಲ್ ಫೋನ್ ಬಳಕೆದಾರರು ತಮಗಿಷ್ಟವಾದ ಟೆಲಿಕಾಂ ಆಪರೇಟರ್‌ಗಳಿಗೆ ಬದಲಾಗಿ, ತಮ್ಮ ಹಳೆಯ ಮೊಬೈಲ್ ಸಂಖ್ಯೆಯನ್ನೇ ಉಳಿಸಿಕೊಳ್ಳುವ ಮೊಬೈಲ್ ನಂಬರ್ ಪೋರ್ಟಬಿಲಿಟಿ (ಎಂಎನ್‌ಪಿ) ಸೇವೆಯಲ್ಲಿ ದೂರ ಸಂಪರ್ಕ ನಿಯಂತ್ರಣ ಪ್ರಾಧಿಕಾರವು (ಟ್ರಾಯ್‌) ಕೆಲ ಬದಲಾವಣೆಗಳನ್ನು ತಂದಿದೆ.

ಎಂಎನ್‌ಪಿ ನಿಯಮಗಳನ್ನು ಪರಿಷ್ಕರಿಸಿದ ಟ್ರಾಯ್​, ಸೇವಾ ಪ್ರಕ್ರಿಯೆಯನ್ನು ವೇಗಗೊಳಿಸಿ ಇನ್ನಷ್ಟು ಸರಳೀಕರಣಗೊಳಿಸಿದೆ. ಪೋರ್ಟ್ ಔಟ್ ವಿನಂತಿಗೆ 3 ಕೆಲಸದ ದಿನಗಳ ಗಡುವು ನಿಗದಿಪಡಿಸಿದೆ. ಅದೇ ರೀತಿಯಾಗಿ 5 ಕೆಲಸದ ದಿನಗಳನ್ನು ಆಂತರಿಕ ಸೇವಾ ಪ್ರಕ್ರಿಯೆಗೆ ನೀಡಿದೆ. ನೂತನ ಪರಿಷ್ಕೃತ ನಿಯಮಗಳು ಡಿಸೆಂಬರ್ 16ರಿಂದ ಜಾರಿಗೆ ಬರಲಿದೆ.

ಪೋರ್ಟಬಿಲಿಟಿಯ ಆಂತರಿಕ ಸೇವೆಯ ಕೋರಿಕೆಯನ್ನು 3 ಕೆಲಸ ದಿನಗಳಿಗೆ ಸೀಮಿತಗೊಳಿಸಿದರೇ ಕಾರ್ಪೊರೇಟ್ ವರ್ಗದ ಅಡಿಯಲ್ಲಿ ಎಲ್ಲ ಪೋರ್ಟಿಂಗ್ ವಿನಂತಿಗಳನ್ನು 5 ಕೆಲಸದ ದಿನಗಳ ಒಳಗೆ ಪೂರ್ಣಗೊಳಿಸಬೇಕು ಎಂದು ಟ್ರಾಯ್​ ಪ್ರಕಟಣೆಯಲ್ಲಿ ಟೆಲಿಕಾಂ ಸೇವಾ​ ಕಂಪನಿಗಳಿಗೆ ಸೂಚಿಸಿದೆ.

ಪ್ರಸ್ತುತ ನಿಯಮಗಳ ಪ್ರಕಾರ, ಟೆಲಿಕಾಂ ಆಪರೇಟರ್‌ಗಳು ಮತ್ತು ಎಂಎನ್‌ಪಿ ಸೇವಾ ಪೂರೈಕೆದಾರರು ಮೊಬೈಲ್ ಸಂಖ್ಯೆ ಬದಲಾಯಿಸದೆ ಟೆಲಿಕಾಂ ಆಪರೇಟರ್ ಬದಲಾಯಿಸಲು 4 ದಿನಗಳ ಚಂದಾದಾರರ ಕೋರಿಕೆಯಡಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುತ್ತಿತ್ತು. ಈಗ ನಿಯಮದಲ್ಲಿ ಬದಲಾವಣೆ ಆಗಲಿದೆ.