ನವದೆಹಲಿ: 2021ರ ಮಾರ್ಚ್ ವೇಳೆಗೆ ಬ್ಯಾಂಕ್ಗಳ ಒಟ್ಟು ಎನ್ಪಿಎ (ಕೆಟ್ಟ ಸಾಲ/ ಅನುತ್ಪಾದಕ ಆಸ್ತಿ) ಶೇ11.3ರಿಂದ11.6ಕ್ಕೆ ಏರಿಕೆಯಾಗಲಿದೆ ಎಂದು ರೇಟಿಂಗ್ಸ್ ಏಜೆನ್ಸಿ ಐಸಿಆರ್ಎ ಅಂದಾಜಿಸಿದೆ.
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್ಬಿಐ) ಘೋಷಿಸಿದ ನಿಷೇಧದ ಅಡಿ ವಿವಿಧ ಬ್ಯಾಂಕ್ಗಳಲ್ಲಿನ ಸುಮಾರು 30-40ರಷ್ಟು ಸಾಲದ ದಾಖಲೆಯು ಬ್ಯಾಂಕ್ಗಳ ಆಸ್ತಿ ಗುಣಮಟ್ಟದ ಮೇಲಿನ ಅನಿಶ್ಚಿತತೆ ಹೆಚ್ಚಾಗಿದೆ ಎಂದು ಐಸಿಆರ್ಎ ಪ್ರಕಟಣೆಯಲ್ಲಿ ತಿಳಿಸಿದೆ.
ರೇಟಿಂಗ್ ಏಜೆನ್ಸಿಯ ಪ್ರಕಾರ, ಲಾಕ್‌ಡೌನ್ ಜಾರಿಯು ಸಾಲಗಾರರ ಸಾಲ ಸೇವೆಯ ಸಾಮರ್ಥ್ಯದ ಮೇಲೆ ತೀವ್ರ ಪರಿಣಾಮ ಬೀರಿದೆ. ನಿರ್ಬಂಧಗಳು ಸಡಿಲಗೊಂಡು ಆರ್ಥಿಕ ಚಟುವಟಿಕೆಗಳ ಪುನರುಜ್ಜೀವನದ ವ್ಯಾಪ್ತಿಯು ಬ್ಯಾಂಕ್ಗಳ ಆಸ್ತಿ ಗುಣಮಟ್ಟದ ಮೇಲೆ ಅಂತಿಮ ಪರಿಣಾಮ ಬೀರುತ್ತದೆ ಎಂದಿದೆ.
ಈ ಸಾಲಗಾರರ ಪೈಕಿ 10-20 ಪ್ರತಿಶತದಷ್ಟು ಜನ ಡೀಫಾಲ್ಟ್ ಆಗಿದ್ದರೂ ಬ್ಯಾಂಕ್ಗಳ ಆಸ್ತಿ ಇಳಿಕೆಯ ಪ್ರಮಾಣವು 3-8 ಪ್ರತಿಶತದಷ್ಟು ಏರಬಹುದು ಎಂದು ಹೇಳಿದೆ.
ಸಾಲಗಾರರಿಗೆ ಆರ್ಬಿಐ ನಿಷೇಧವನ್ನು 2020ರ ಆಗಸ್ಟ್ 31ರ ತನಕ ಗಡುವು ನೀಡಿ ಇನ್ನೂ ಮೂರು ತಿಂಗಳು ವಿಸ್ತರಿಸಿದೆ. ಆಸ್ತಿ ಗುಣಮಟ್ಟದ ಒತ್ತಡವು 2021ರ ಹಣಕಾಸು ವರ್ಷದ 3ನೇ ಹಾಗೂ 4ನೇ ತ್ರೈಮಾಸಿಕಗಳ ಫಲಿತಾಂಶಗಳಲ್ಲಿ ಮಾತ್ರವೇ ಪ್ರತಿಫಲಿಸುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆ ಎಂದು ಐಸಿಆರ್ಎ ವಲಯ ಮುಖ್ಯಸ್ಥ ಅನಿಲ್ ಗುಪ್ತಾ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.