ನವದೆಹಲಿ: ಭಾರತೀಯ ಸೆಮಿ ಸ್ಪೀಡ್ ರೈಲು ಯೋಜನೆಗೆ ಜಾಗತಿಕ ಟೆಂಡರ್‌ನಲ್ಲಿ ಚೀನಾದ ಸಂಸ್ಥೆಗಳು ಭಾಗವಹಿಸಲು ಅವಕಾಶ ನೀಡಬಾರದು ಎಂದು ಅಖಿಲ ಭಾರತ ವ್ಯಾಪಾರಿಗಳ ಒಕ್ಕೂಟ ಕೇಂದ್ರವನ್ನು ಒತ್ತಾಯಿಸಿದೆ.
ಏಷ್ಯಾದ ಎರಡು ದೈತ್ಯರ ನಡುವೆ ಹೆಚ್ಚುತ್ತಿರುವ ಗಡಿ ಉದ್ವಿಗ್ನತೆಯ ನಡುವೆ ಚೀನಿ ಉತ್ಪನ್ನಗಳ ಬಹಿಷ್ಕಾರ ಮತ್ತು ಸೇವೆಗಳ ಕಡಿತದ ಅಭಿಯಾನದ ಭಾಗವಾಗಿ ಈ ಆಗ್ರಹ ಕೇಳಿಬಂದಿದೆ.
ಕೇಂದ್ರ ರೈಲ್ವೆ ಸಚಿವ ಪಿಯೂಷ್ ಗೋಯಲ್ ಅವರಿಗೆ ಕಳುಹಿಸಿದ ಪತ್ರದಲ್ಲಿ, ಸಿಎಐಟಿ ಚೀನಾದ ಸರ್ಕಾರಿ ಸ್ವಾಮ್ಯದ ಸಿಆರ್ಆರ್ಸಿ ಕಾರ್ಪೊರೇಷನ್ಗೆ ಸೆಮಿ- ಸ್ಪೀಡ್ನ ದೇಶಿಯ ಟ್ರೈನ್ 18 ಯೋಜನೆಗೆ ಜಾಗತಿಕ ಟೆಂಡರ್‌ನಲ್ಲಿ ಭಾಗವಹಿಸಲು ಅವಕಾಶ ನೀಡಬಾರದು ಎಂದು ಒತ್ತಾಯಿಸಿತು.
44 ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲುಗಳ ಯೋಜನೆಯ ಒಟ್ಟು ಮೌಲ್ಯ 1,500 ಕೋಟಿ ರೂ.ಯಷ್ಟಿದೆ ಎಂದು ಒಕ್ಕೂಟ ಹೇಳಿದೆ.
ಭಾರತೀಯ ರೈಲ್ವೆಯ ಈ ಯೋಜನೆಯು ಪ್ರಧಾನಿ ನರೇಂದ್ರ ಮೋದಿಯವರ 'ಮೇಕ್ ಇನ್ ಇಂಡಿಯಾ' ಕರೆಯ ಒಂದು ಭಾಗವಾಗಿದೆ. ಈ ರೈಲ್ವೆ ಯೋಜನೆಗೆ ಚೀನಾದ ಕಂಪನಿಯನ್ನು ಪರಿಗಣಿಸದಿರುವುದು ಹೆಚ್ಚು ಸೂಕ್ತವಾಗಿದೆ. ಶಾರ್ಟ್‌ಲಿಸ್ಟ್ ಮಾಡಲಾಗಿರುವ ಭಾರತೀಯ ಕಂಪನಿಗಳಿಗೆ ಹೆಚ್ಚಿನ ಒತ್ತು ನೀಡಬೇಕು ವ್ಯಾಪಾರ ಮುಖಂಡರು ಮನವಿ ಮಾಡಿದ್ದಾರೆ.