ವಾಷಿಂಗ್ಟನ್: 2017ರ ಅಕ್ಟೋಬರ್ ಮತ್ತು 2019ರಲ್ಲಿ ಪ್ರಕಟವಾದ ದತ್ತಾಂಶ ಬದಲಾವಣೆಯಲ್ಲಿ ಅಕ್ರಮ ನಡೆದಿರುವುದು ವರದಿ ಆಗಿರುವುದರಿಂದ 'ಡೂಯಿಂಗ್ ಬುಸಿನೆಸ್' ವರದಿಯ ಪ್ರಕಟಣೆ ನಿಲ್ಲಿಸುವುದಾಗಿ ವಿಶ್ವ ಬ್ಯಾಂಕ್ ಘೋಷಿಸಿದೆ.
ವಿಶ್ವ ಬ್ಯಾಂಕ್ ಸಮೂಹ ತನ್ನ ಸ್ವತಂತ್ರ ಆಂತರಿಕ ಲೆಕ್ಕಪರಿಶೋಧನಾ ಕಾರ್ಯವನ್ನು 'ಡೂಯಿಂಗ್ ಬುಸಿನೆಸ್'ಗಾಗಿ ದತ್ತಾಂಶ ಸಂಗ್ರಹಣೆ ಮತ್ತು ವಿಮರ್ಶೆ ನಡೆಸುತ್ತದೆ. ದತ್ತಾಂಶ ಸಮಗ್ರತೆ ಕಾಪಾಡುವ ನಿಯಂತ್ರಣಕ್ಕಾಗಿ ಪ್ರಕ್ರಿಯೆಗಳ ಲೆಕ್ಕಪರಿಶೋಧನೆ ನಡೆಸುವಂತೆ ವರ್ಲ್ಡ್ ಬ್ಯಾಂಕ್ ಕೇಳಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
2017ರ ಅಕ್ಟೋಬರ್ ಮತ್ತು 2019ರಲ್ಲಿ ಪ್ರಕಟವಾದ 'ಡೂಯಿಂಗ್ ಬಿಸಿನೆಸ್' 2018 ಮತ್ತು 2020 ವರದಿಗಳಲ್ಲಿನ ಡೇಟಾದ ಬದಲಾವಣೆಗಳ ಬಗ್ಗೆ ಹಲವು ಅಕ್ರಮಗಳು ವರದಿಯಾಗಿವೆ. ಡೇಟಾದಲ್ಲಿನ ಬದಲಾವಣೆಗಳು 'ಡೂಯಿಂಗ್ ಬುಸಿನೆಸ್' ವಿಧಾನಕ್ಕೆ ಹೊಂದಿಕೆಯಾಗಲಿಲ್ಲ ಎಂದಿದೆ.