ಜಿ-20 ಶೃಂಗದಲ್ಲಿ ಮಿಂಚಿದ ‘ಆಯುಷ್ಮಾನ್​ ಭಾರತ’

ಮೋದಿ ಅವರ ಬಹು ಮಹತ್ವಾಕಾಂಕ್ಷಿ ಆಯುಷ್ಮಾನ್​ ಭಾರತ ಯೋಜನೆ ಹಾಗೂ ಭಾರತೀಯ ಸಾಂಪ್ರದಾಯಿಕ ಚಿಕಿತ್ಸಾ ಪದ್ಧತಿಗಳ ಬಗ್ಗೆ ಶೃಂಗಸಭೆಯಲ್ಲಿ ಚರ್ಚೆ ಮಾಡಲಾಗಿದೆ.

ಒಸಾಕ: ಜಪಾನ್​​ನ ಒಸಾಕದಲ್ಲಿ ನಡೆದ ಜಿ-20 ಶೃಂಗಸಭೆಗೆ ತೆರೆ ಬಿದ್ದಿದ್ದು, ಪ್ರಧಾನಿ ನರೇಂದ್ರ ಮೋದಿ ಸ್ವದೇಶಕ್ಕೆ ವಾಪಸ್​ ಆಗಿದ್ದಾರೆ.

ಈ ನಡುವೆ, ಜಿ-20 ಶೃಂಗಸಭೆಯ ಮೂರನೇ ಅಧಿವೇಶನದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ಬಹು ಮಹತ್ವಾಕಾಂಕ್ಷಿ ಆಯುಷ್ಮಾನ್​ ಭಾರತ ಯೋಜನೆ ಹಾಗೂ ಭಾರತೀಯ ಸಾಂಪ್ರದಾಯಿಕ ಚಿಕಿತ್ಸಾ ಪದ್ಧತಿಗಳಾದ ಯೋಗ, ಯುನಾನಿಗಳ ಬಗ್ಗೆ ಚರ್ಚೆಗೆ ಬಂತು. ವಿಶ್ವದ ಜನರ ಆರೋಗ್ಯ ಕಾಪಾಡುವ ಕುರಿತಂತೆ ಹೆಚ್ಚಿನ ಒತ್ತು ನೀಡಲಾಯಿತು.

ಮತ್ತೊಂದು ಕಡೆ ವಿಶ್ವದ ಮೂರು ದೊಡ್ಡ ಆರ್ಥಿಕತೆಗಳಾದ ಭಾರತ, ಅಮೆರಿಕ ಹಾಗೂ ಚೀನಾ ನಡುವೆ ನಡೆಯುತ್ತಿರುವ ವ್ಯಾಪಾರ ಯುದ್ಧ ಕೊನೆಗೊಳಿಸುವ ಬಗ್ಗೆ ಮಹತ್ವದ ಮಾತುಕತೆ ನಡೆದವು. ವ್ಯಾಪಾರ ಯುದ್ಧ ಬಹುತೇಕ ಕೊನೆಗೊಳ್ಳುವ ಲಕ್ಷಣಗಳು ಈ ಮಾತುಕತೆ ಮೂಲಕ ಕಂಡು ಬಂದಿದೆ.

ಜಿ-20 ಶೃಂಗದಲ್ಲಿ 19 ರಾಷ್ಟ್ರಗಳು ಹಾಗೂ ಯುರೋಪಿಯನ್​ ಯೂನಿಯನ್​ ನಾಯಕರು ಪಾಲ್ಗೊಂಡಿದ್ದರು. ವಿಶ್ವದಲ್ಲಿ ಆರ್ಥಿಕ ಸದೃಢತೆಯನ್ನು ತರುವುದೇ ಈ ಶೃಂಗದ ಪ್ರಮುಖ ಆದ್ಯತೆ ಆಗಿತ್ತು.