ಗ್ರಾಹಕರಿಗೆ ಗಾಯದ ಮೇಲೆ ಬರೆ: ಸತತ 5 ದಿನದಿಂದ ಪೆಟ್ರೋಲ್​, ಡೀಸೆಲ್​​ ಬೆಲೆಯಲ್ಲಿ ಹೆಚ್ಚಳ

ಲಾಕ್​​ಡೌನ್ ವಿರಾಮದ ಬಳಿಕ ಕಳೆದ ಐದು ದಿನಗಳಿಂದ ಇಂಧನ​​ ಬೆಲೆಯಲ್ಲಿ ಹೆಚ್ಚಳವಾಗುತ್ತಲೇ ಇದ್ದು, ಇದೀಗ ಪ್ರತಿ ಲೀಟರ್​ ಪೆಟ್ರೋಲ್​ಗೆ ಒಟ್ಟು 2.74 ರೂ ಹಾಗೂ ಡೀಸೆಲ್​ಗೆ 2.83 ರೂ. ಹೆಚ್ಚಳವಾದಂತಾಗಿದೆ.

ನವದೆಹಲಿ:ಕಳೆದ ಐದು ದಿನಗಳಿಂದ ಪೆಟ್ರೋಲ್​, ಡೀಸೆಲ್​​ ಬೆಲೆಯಲ್ಲಿ ಹೆಚ್ಚಳವಾಗುತ್ತಲೇ ಇದ್ದು, ಇಂದೂ ಕೂಡ ಲೀಟರ್​ ಮೇಲೆ 60 ಪೈಸೆ ಏರಿಕೆಯಾಗಿದೆ.

ಲಾಕ್​​ಡೌನ್ ವಿರಾಮದ ಬಳಿಕ ಕಳೆದ ಭಾನುವಾರದಿಂದ ತೈಲ ಕಂಪನಿಗಳು ಇಂಧನ ಬೆಲೆಯಲ್ಲಿ ಏರಿಕೆ ಮಾಡುತ್ತಾ ಬಂದಿವೆ. ಇದೀಗ ಪ್ರತಿ ಲೀಟರ್​ ಪೆಟ್ರೋಲ್​ಗೆ ಒಟ್ಟು 2.74 ರೂ ಹಾಗೂ ಡೀಸೆಲ್​ಗೆ 2.83 ರೂ. ಹೆಚ್ಚಳವಾದಂತಾಗಿದೆ.

ದೇಶದ ಪ್ರಮುಖ ನಗರಗಳಾದ ದೆಹಲಿ, ಬೆಂಗಳೂರು, ಮುಂಬೈ, ಚೆನ್ನೈ ಮತ್ತು ಹೈದರಾಬಾದ್​ಗಳಲ್ಲಿ ಬೆಲೆ ಹೆಚ್ಚಳವಾಗಿದೆ. ರಾಷ್ಟ್ರ ರಾಜಧಾನಿಯಲ್ಲಿ ಇಂದು ಪೆಟ್ರೋಲ್ ಹಾಗೂ ಡೀಸೆಲ್​ ಬೆಲೆ ಕ್ರಮವಾಗಿ 74 ರೂ ಮತ್ತು 72.22 ರೂ.ಇದೆ.

ಇನ್ನು ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಇಂದು ಲೀಟರ್​ ಪೆಟ್ರೋಲ್​ಗೆ 76.39 ರೂ ಹಾಗೂ ಡೀಸೆಲ್​ಗೆ 68.09 ರೂಪಾಯಿ ನಿಗದಿಯಾಗಿದೆ.