ಮಹಾನಗರಿಗಳ ಜನರಿಗೆ ಶಾಕ್​​ ನೀಡಿದ ಸರ್ಕಾರ: ಸಿಲಿಂಡರ್​ ಬೆಲೆ ಏರಿಕೆ!

ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆ ಏರಿಕೆ ಹಿನ್ನೆಲೆ. ಮುಂಬೈ ಹಾಗೂ ದೆಹಲಿಯ ಜನರಿಗೆ ಮುಟ್ಟಿದ ಸಿಲಿಂಡರ್​ ಬೆಲೆ ಏರಿಕೆ ಬಿಸಿ.

ನವದೆಹಲಿ: ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಏರಿಕೆ ಆಗುತ್ತಿರುವ ಕಚ್ಚಾ ತೈಲ ಬೆಲೆಯ ಹಿನ್ನೆಲೆಯಲ್ಲಿ ಮುಂಬೈ ಮಹಾನಗರಿ ಹಾಗೂ ದೆಹಲಿಯ ಜನರಿಗೆ ಬೆಲೆ ಏರಿಕೆ ಬಿಸಿ ತಟ್ಟಿದೆ.

ಸರ್ಕಾರದಿಂದ ಸಿಗುವ ಸಬ್ಸಿಡಿ ಸಿಲಿಂಡರ್​ ಬೆಲೆಯಲ್ಲಿ ಕ್ರಮವಾಗಿ 29 ಹಾಗೂ 28 ಪೈಸೆಯಷ್ಟು ಹೆಚ್ಚಳ ಮಾಡಲಾಗಿದೆ. ಇನ್ನು ಸಬ್ಸಿಡಿ ರಹಿತ ಸಿಲಿಂಡರ್​ ಬೆಲೆಯಲ್ಲಿ 6 ರೂ ಏರಿಕೆ ಮಾಡಲಾಗಿದೆ. ದೆಹಲಿ ಮತ್ತು ಮುಂಬೈ ನಗರಿಗಳಲ್ಲಿ ಏರಿಕೆ ಆಗಿದೆ ಎಂದು ಖಾಸಗಿ ಸುದ್ದಿ ಮಾಧ್ಯಮ ವರದಿ ಮಾಡಿದೆ.